Marko 4:10 - Ya/abtór hho' 1977

¹⁰ Boo/aydá' yaariír sleémeero iwa quútl, Yesu iri kilós meét. Nee mukdá' didí meet guri i daqáy dinkwa nee eeharuuseedá' miba nee tsár, iidíguú slaqsi'iidá' kuri yaahaás.

Biblía Axweesantá Hhohho' ar Mungú 2004

¹⁰ Boo/aydá' yaariír sleémeero iwa diya/aát, Yesu iri kilós meét. Nee mukdá' didií meet Yesu kuri i daqáy dinkwa nee eeharuuseedá' mibaá nee tsár, kángw slaqsi'iidá' kuri yaahaás.

Marko 4:10 Iomraidhean Croise

Matayo 13:3

Yesu muruú yaariír guri dir'ín i axweés ar slaqsi'i, iri káh, “Dahaasusmo ina tláy iri dahaasíngw áy.

Matayo 13:36

Yesu boo/aay guri deelór i oó', iri dáh baraá doó i alé. Eeharuuseerós guri i daqeér, guri beér, “Slaqsaywú sla/atadá' baraá qaymo, gídaabárós atén i ooang.”

Marko 4:11

Yesu giri báy, “Kuungá' xu'uti aga sleeré' daanduú iidíguudá' taa luú/ oo baraá waawuti'iimár Mungú, ala dír mukdá' hatlá' oo tsee/aawo kan kah ar slaqsi'i,

Marko 4:34

Umú gár aa dir'ín i axweesi, gana axweés ar slaqsi'i, ala dír eeharuuseerose sleémeero gana gwa/atís qoomár tawa kilooín.

Marko 4:9

Iri oó', “Heé iiaá axamis gi koóm, i axaasi.”

Marko 7:17

Dír muu ngiwa geexáy iri dáh baraá do', eeharuuseerós guri yaahás iidíguú slaqsaydae.