Marko 3:6 - Ya/abtór hho' 1977

⁶ Hamtidár kilae múk Farisayo iri ti'iít, ta kwasleemár tlehhiit daanduú Yesu dinkwa nee múk Herode, adór kur gaasi.

Biblía Axweesantá Hhohho' ar Mungú 2004

⁶ Siiwadár kilae múk Farisayo nee múk Herodewo tari ti'iít, tari kwasleemuút daanduú Yesuwo, as adór kur gaasi kawa slay.

Marko 3:6 Iomraidhean Croise

Matayo 12:14

Ala mukduú Farisayo tari ti'iít, tari kwasleemár tlehhiít daanduú Yesuwo adór kur gaasi.

Matayo 22:16

Eeharuuser'ín kari ya/aáw amoorós i alé dinkwa nee múk Herode, tari oó', “Intsaahhatusúmo, atén a xuaán gídaabá kuúng a heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamisaká, asma hhohhoartá muu a ga/eeraaká.

Marko 12:13

Múk Farisayo bahh'alé nee oo Herode kuri amoorós i ya/aáw as kuwa yaahamiisi ar iiara, as kuwa oohár wa slai.

Marko 8:15

Giri gurbuú' giri báy, “Ga/aawaak, ti harmagahhe' nee gár mikaáte ir sluufasluf ar múk Farisayo nar múk Herode.”

Luka 22:2

Nee geeraharuusér uren ar saalíngw múk Yahudi nee intsaahhatuusér hara'ayár Musa pa/aangw kuna leelehhiít oo Yesu kur gaasi, asma muu kuna da'ayumiít.

Luka 6:11

Buhhta ngiri ayé', tiri i axweesiyé' daanduú Yesuwo gídaabá adór ku laqi.

Yohana 11:53

Iimír baldá' tari al'axweés adór Yesu kur gaasi.

Tlehhema'aá ya/Abuuse 4:25

Kuúng ana axwés ar Qeeruú hhoohhoó' ar afkwá baabuúrén, sagadiyusmoowók Daudi, gídaabá, ‘Ahaá, asma milá xoordu mis tsimahhuusiyá'? Nee slám muu mis muruú tlákw aldakuut?