Marko 3:3 - Ya/abtór hho' 1977

³ Heedaádá' dakós aa sol'oot guri báy, “Baraá tla/aangw i sihhiiteek.”

Biblía Axweesantá Hhohho' ar Mungú 2004

³ Yesu heedaádá' dakós aa sol'oot guri báy, «Baraá tla/aangw i sihhiiteek.»

Marko 3:3 Iomraidhean Croise

Matayo 12:10

Nee heeko dakós aa sol'oot i baraadí dirii'. Yesu kuri yaahaás, tari oó', “Xáy, i hariínda muu kuwa hungu/uumisi deelór hungu/umaawo?” Adoorí kana oó' as kuwa sakwasleemár wa slai.

Marko 3:2

Kuri gigidín gídaabá kuwa ari, áx heedaádá' gu hungu/uúsi deelór hungu/umaawo, as kuwa sakwasleemuuti.

Marko 3:4

Giri yaahaás, “I hariínda deelór hungu/umaawo gár hhoo' tleehhamooro laqaá gár tlaakw, hee hungu/usa Iaqaá gaasa?” Tari xasliít.

Luka 6:8

Ala Yesu tidá' ta baraá muner'ín i axweesi gari tsaáhh, heedaádá' dakós aa sol'oot guri báy, “Tláw, baraá tla/aangw i sihhiiteek.” Iri tláy iri didaádí sihhiít.

Yohana 9:4

Gár atén tiwa hariím a gadiyér kudá' án iga ya/aaw ngiwa tleehhaan, dír tlaatla/aangw ir kumiit. Xweera binda hardahiyé', hee gadiyeét tleehhamooro ga aleeslayká.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' gídaabá baraá Aakoowo gadiyérhúng tidá' ta tlehhahhita' a taworooká.

Galatia 6:9

Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

Filipi 1:14

Nee tseegamor'eé' hha'aá yaariir awa Kríshaanáy gaa haratlintaao gawdés baraá Aakoowo, tari uraaráy baraá pihhu'uumaaro ar Ya/abtór hho' kawa alik/iiti ar dae wasle.

1 Petro 4:1

Kristo slahhe'eemisuú slaqwa gwa sa qiqtlín. Gawaá adoorihe kuungá' sleeme gár tunduwa hariím a inslawoó adoorí un koondá' gídaabá, heedaádá' slahhe'eemisuú slaqwa gwa sa qiqtlin, inós taa paraátl dír tlakweemaawo.