Marko 3:2 - Ya/abtór hho' 1977

² Kuri gigidín gídaabá kuwa ari, áx heedaádá' gu hungu/uúsi deelór hungu/umaawo, as kuwa sakwasleemuuti.

Biblía Axweesantá Hhohho' ar Mungú 2004

² Kuri gigidín as kuwa ari, áx heedaádá' gu hungu/uúsi deelór Sabaátoro, as kahhó' kuwa sakwasleemuuti.

Marko 3:2 Iomraidhean Croise

WARA'AMI 37:32

Heé hota ganaa'aaká, heé hotaa ganaá' gun haramamahhamiit, nee adór ngur gaasi gan leelehhiit.

Matayo 12:10

Nee heeko dakós aa sol'oot i baraadí dirii'. Yesu kuri yaahaás, tari oó', “Xáy, i hariínda muu kuwa hungu/uumisi deelór hungu/umaawo?” Adoorí kana oó' as kuwa sakwasleemár wa slai.

Marko 3:3

Heedaádá' dakós aa sol'oot guri báy, “Baraá tla/aangw i sihhiiteek.”

Luka 14:1

Looarka wake Yesu ina /aymár áy dír doó heeko úr oo múk Farisayo, bál tawa deelór hungu/uma. Eemeé gu hara gigidiín.

Luka 20:20

Pa/ángw qoóm kuna leelehhiít, muu kuri ya/aáw amór Yesu, nee mukdá' tina adór mulqeerós tleéhh, as Yesu kuwa gigdin gawaá axweesanaywós kudá' i kaahi, as /aymu kuwa slay oo kur sakwasleemuuti aluuwo dír ga/awusmoó waawutmoó múk Rumi.

Luka 6:7

Intsaahhatuusér hara'ayár Musa nee múk Farisayo kuri gigidín kuwa ari, áx gu hungu/uúsi deelór hungu/umaawo, asma loohír kur sakwasleemuuti kawa slay.

Yohana 8:6

Yesu kuna adoorí báy as kuwa iiari, as /aymuú Yesu kur sakwasleemuuti kuwa slay. Yesu iri xupuú', iri gooín ar diitsarós yaamí alé.

Yohana 9:16

Múk Farisayo bahh'alé tari oó', “Heesíng i amór Mungú dahhiiká, asma hara'ayár deelór hungu/uma ga eeharahariiká.” Bahh'alé tari oó', “Heé tlakweemaá koóm, layár adór tí tleehhamooro, adór ngir aleeslay a adoomá?” Tari afoo dakumiisiyé' tla/angw'ine.