Marko 3:10 - Ya/abtór hho' 1977

¹⁰ Asma múk yaariír guna hungu/uumiís, tam sleémeero awa slahha'amuú dimbadimbé ngu koomá' kuri i tseewúy ar tliqa as kuwa kwatitár wa slai.

Biblía Axweesantá Hhohho' ar Mungú 2004

¹⁰ Asma múk yaariír guna hungu/uumiís, awa slahh'amuú dimbadimbé ngu koomá' sleémeero kuri i tseewúy ar tliqa as kuwa kwatitár wa slai.

Marko 3:10 Iomraidhean Croise

Matayo 12:15

Yesu adoodá' ngiwa tsaáhh, iri tláy didaádae, nee múk yaariír guri eehaár. Sleémeero giri hungu/uumiís.

Matayo 14:14

Yesu niwa ti'iít baraá miringamoó wa ale, boo/oó muu oo yaariír guri ár, guri gurtláy. Tiqtuuser'ín gari hungu/uumiís.

Matayo 14:36

Kuri firín gídaabá tam pasltá inqwaarirós kilós ngi kwatiitiye'. Nee mukdá' sleémeero pasltá inqwaarirós gaa kwatiit, tari hunguú/.

Matayo 4:23

Yesu ina hi'iimiít baraá yaamaá Galilaya sleémeero, iri intsaahhatimís baraá maraá saalíngw wa ale, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Marko 5:34

Yesu gari báy, “Dasir'eé', haratlintaaoorók kiíng iga hungu/ús, tláw ar wayda, adoosíng tara hungú/ koomeek.”

Marko 6:56

Nee umuúqo dír aa kay baraá gixsaduuwo nee tla/ángw ayko tiqtuuse kana dinkwár i qaás. Kuri harhheehhe'eemiís kuwa kwatiiti tam pasltá inqwaarirós. Nee kudá' sleémeero ngwa kwatimiitiye' tari hungaaguú/.

Marko 8:22

Tawa hardáh gixsár Betsaidaro, heé taampa kuna amoorós i huúw. Yesu kuri harhheehhe'eés nguwa kwatiiti.

Luka 5:3

Yesu iri baraá miringamoó wák i dáh oo Simoni, guri firín nguwa surukusi gár niinawe afaá tlawto. Iri gawaadí iwiít, boo/oó muu guri intsaahhatimís.

Luka 6:19

Nee boo/aay sleémeero inós guna kwatiitár wa slaá', asma /uuruudá' hungu/uumiís oo amoorós daáhh, kudá' sleémeero gi hungu/uumiís.

Luka 7:2

Lawaalmoó geeraharusmooko askaári i tiiq, i afkwá bohóngw i dirii'. Askaarmoodá' lawaalmoowós kudá' gu ló'wa slaa'.

Luka 7:21

Nee hamtidár kilae múk yaariír oo tiqtuuse nee oo slahhahhaá' guna hungu/uús, nee oo neetlaame aa eér, nee taampaá yaariir niri qaytsitiyé'.

Tlehhema'aá ya/Abuuse 5:15

Tam tiqtuuse sleeme kari huwahuúw ar falo nee ar hhafeeto afaá loohír i ale, as geehhantamoó Petro dooqa i waaraahh tam gawaá heé wák ar alé.

Ebrania 12:6

Asma Aako umuúqo heé i slai aqo gun iigahhamiit, nee umuúqo garmoó aa slaá' aqo gun muux.”