Marko 2:7 - Ya/abtór hho' 1977

⁷ “Asma milá mis adoorí kah? I Mungú /ooslislín. Heé tlakweema gurtleemuuwo gi aleesláw a heemá? A har Mungú kilóseéke?”

Biblía Axweesantá Hhohho' ar Mungú 2004

⁷ «Asma milá mis adoorí kah? I Munguú /ooslislín. Heé tlakweema gurtleemuuwo gi aleesláw a heemá? A har Mungú kilóseéke?»

Marko 2:7 Iomraidhean Croise

WARA'AMI 130:4

Ala dír kuunge gurtleemuú tlakweema i deer, as kahhó' atén kuúng uwa ilaiwawa/aan.

Matayo 26:65

Geeraharusmoó úr oo saalíngw múk Yahudi inqwaruuwós guri feehhamiís, iri oó', “I Mungú /ooslislín. Gár lamabu'úngw hatlá' ngus ala leelehhiitaan a milá? Qaytsité', /ooslisliingós kwí hám ugwa axasé'.

Matayo 9:3

Intsaahhatuusér hara'ayár Musa bahh'alé ta baraá muner'ín i kaahi, “Heewí i Mungú /ooslislín.”

Marko 14:64

Aga axasí'iíke adór ir Mungú /ooslislin. Xáy ma katá'?” Sleémeero kwasleema kay tsaát gídaabá gár kuwa hariím a gaasa.

Marko 2:6

Nee baraá tla/angw'ine intsaahhatuusér hara'ayár Musa bahh'alé i deer ar iwiwiit, ta baraá muner'ín i axwees gídaabá,

Marko 2:8

Ala Yesu gari tsaáhh baraá muunuúwose gídaabá ta adoodá' axwees baraá muner'ín i alé, giri báy, “Asma milá mas adoorí axwesá' baraá munerhúng i alé?

Luka 5:21

Intsaahhatuusér hara'ayár Musa nee múk Farisayo tiri yaahamiisiyé' ta kaahi, “A heemá heewí /aymi'iiká' gi káh, awa Mungú /ooslisliingw? A heemá oo tlakweema gurtleemuuwo gi aleesláw, a har Mungú kilosekáhe?”

Luka 7:49

Mukdá' nee inós taa al iwiit dír muruú /ayma, naxés ta baraá muner'ín i axwees ta kaahi, “Inósuuwí a heemá tam iwa tlakweemaá gurtlatlay?”

Yohana 10:33

Múk Yahudi iri oó', “Atén kuúng u tlaquutanaaká ar tlaa/e gadiyér hhó' wa ale, ala gár us tlaquutaan as kuúng tawa Mungú /ooslisliin, nee as kuúng kilók tiwa Mungú tlehhit.”

Yohana 10:36

Ala ánuúwí taa tsuúq nee Baabá, nee tiri ya/aáw baraá yaamí alé, kuungá' mis babeera', ‘Kuúng a Mungú /ooslisliín,’ án bar kah, ‘Aníng a Garmoó Mungú?’