Marko 2:5 - Ya/abtór hho' 1977

⁵ Yesu haratlintaaor'ín ngiwa ár, tiqtusmoodá' kuri báy, “Garmaaeé', tlakweemaawók kaa gurtláy.”

Biblía Axweesantá Hhohho' ar Mungú 2004

⁵ Yesu haratlintaaór mukdá ngiwa ár, tiqtusmoodá' guri báy, «Garmaaeé', tlakweemaawók kaa gurtláy.»

Marko 2:5 Iomraidhean Croise

WARA'AMI 103:3

Tlakweemaeé' sleémeero ga gurtláy, tiqtir'eé' sleémeero gari hungu/uús.

Matayo 9:2

Heé tiqtír sol'omit kuri huúw dír Yesú i alé, aa qaát gawaá qatani. Nee Yesu haratlintaaor'ín ngiwa ár, iri oó' dír heedaáduú tiqtír sol'omit, “Ma da'ayumiitaar, garmaaeé'. Tlakweemaawók kaa gurtláy.”

Matayo 9:22

Yesu iri alí warqáy, gari ár, gari báy, “Mune hhe'eés, dasir'eé', haratlintaaoorók iga hungu/ús.” Siiwadár kilae /ameenidá' iri hungú/.

Matayo 9:5

Gár ák inslaahh a gaalá, a tawa oói, ‘Tlakweemaawók kaa gurtláy’, laqaá tawa ooi, ‘Sihhiít, hi'iít’?

Marko 2:6

Nee baraá tla/angw'ine intsaahhatuusér hara'ayár Musa bahh'alé i deer ar iwiwiit, ta baraá muner'ín i axwees gídaabá,

Marko 5:34

Yesu gari báy, “Dasir'eé', haratlintaaoorók kiíng iga hungu/ús, tláw ar wayda, adoosíng tara hungú/ koomeek.”

Luka 5:20

Inós haratlintaaor'ín ngiwa ár, guri báy, “Mulqúmo, tlakweemaawók kaa gurtláy.”

Luka 8:48

Gari báy, “Dási, haratlintaaoorók iga hungu/ús. Tláw ar wayda.”

Yohana 2:25

Inós lamabu'úngw heé i slai i kaahh daanduú heewo. Asma tidá' baraá muunuú heé i dirii' inós gaa qaro xuú'.

Yohana 5:14

Aluudae heedaádá' taa hungu/uús kuri harasliqiít nee Yesu baraá Doó Mungú i alé. Yesu iri oó', “Qaytsiít, kuúng hamí aga hungú/. Tlakweema mi malé tleehhaar, as gár tlaakw ar adór tidá' ba/a muwa sleér.”

Tlehhema'aá ya/Abuuse 11:23

Nee inós iwa hardáh, tsuuqaá Mungú ngiwa ár, ina qwalaá/, giri báy, “Aako oha hhe'eesaak baraá munerhunge.”

Tlehhema'aá ya/Abuuse 14:9

Heewí Paulo guna iiár i qamín qoomár iwa axweesi. Paulo heedaádá' guri ilaá i duxún, guri tsaáhh gídaabá heewí a heé haratlintaaór koóm, ar kuwa hungu/uusi.

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i haniisi nee hingeemisuú tlakweema nguwa slaya'.

1 Korinto 11:30

Gawaá adoorihe gaarí an gár múk yaariír baraahunge kus daqeetlákw nee is tiqi, nee slám an gár múk yaariír isa qaátl dirhunge.

2 korinto 2:10

Asma heé kuungá' taa gurtleeré', heedá' aníng sleeme ugwa gurtláw. Asma aníng gár naa gurtláw, aga gurtláw, barnaxes gaa i deer ar nguwa gurtlaw. Slám gadá' naa gurtláw, aga gurtláw as kuungá' dír geerá Kristó wa ale,

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

Kolosai 3:13

Kuungá' kiloohúng ti sa qiqitliinde', nee ti gurtlatleere' hee bar kuqá' gwa sa dakuús. Gár kuungá' tunduwa hariím a tin kiloohúng gurtlatleerá' adoodá' Aako kuungá' nura gurtláy.

Yakobo 5:15

Aleefiroorír hararlintaaór koom tiqtusmoodá' gu alee/ís, nee Aako heedaádá' guri hungu/uus. Nee bar tlakweema ngaa tleéhh, ki gurtláy.