Marko 16:1 - Ya/abtór hho' 1977

¹ Deelór hungu/uma iwa waaráhh, Mariamu Magdalene nee Salome nee Mariamu aayór Yakobo mooyaangw kuna tlaáxw oo slaqwtá Yesu kar sliki.

Biblía Axweesantá Hhohho' ar Mungú 2004

¹ Deelór Sabaáto iwa waaráhh, Maria Magdalene nee Salome nee Maria aayór Yakobo mooyaangw kuna tlaáxw oo slaqwtá Yesu kar sliki.

Marko 16:1 Iomraidhean Croise

Marko 14:3

Inós iwa Betaniár i dirii'i, dír doó Simonú tiqtír tsatmituú koóm, iwa dír muruú /aymár i iwiít, /ameenirka nina hardát. /Ameenidá' i chupiito'ór koón ar taa tleéhh ar tlaa/anoó miisli. Chupiito'o i mooyángw koón, mooyángw ta babay nardo, kudá' tlaxo gawít. Chupiito'oodá' gari gás, mooyangwdá' guri adaá wa ku'ús gawaá ságw Yesu.

Marko 14:8

/Ameenirí adoodá' aa asleér gaa tléhh. Slaqwte'eé' gaa geerí slík ar mooyaangw, asma gana amohhe'és asma deelór foolar'eé' wa ale.

Marko 15:40

/Ameenarka amorqá' saáw wa xuumiis i deer. A ín Mariamu Magdalene nee Mariamu aayor'ín Yakobodá' niiná nee Yose, nee tooka a Salome.

Marko 15:42

Baldá' a deelór tiwa amohhe'eemisiya', asma loaytleérós a deelór hungu/uma. Qoomár tsiindowo.

Marko 15:47

Ín Mariamu Magdalene nee Mariamu aayór Yose didá' Yesu kway qaás kari xuuxuú'.

Marko 16:2

Matlatleero bál deelór geera ar wiiki tari amór /aantár káy qoomár looa niwa tsiiríhh.

Marko 16:8

Tari tsee/áy ti'iít, tari ta'aín dír /aantaro, asma daaraxaay gina áy nee waa/oo/amo. Taa sangw heé i ilawatsiiká asma taa da'ayuút. [

Luka 23:54

Nee deeloodá' a deelór tiwa amohhe'eemisiya', asma looaytleérós a deelór hungu/uma.

Luka 23:56

Tari waátl, mooyaangw kuri amohhe'eés nee di/i. Nee bál deelór hungu/umaawo tari iwiwiít, adoodá' kara hara'ayín.

Luka 24:1

Matlatlér deelór Jumapili, looa niwa tsiiríhh, tari amór /aantár káy, mooyangwdá' taa amohhe'eés kuri huúw.

Yohana 19:25

Didár msalaábaro aayór Yesu aa didí sihhít, nee hho'oorós nee Mariamu, harér Klopa, nee Mariamu Magdalene.

Yohana 19:31

Ala múk Yahudi Pilato guri firín as ya'aá mukdá' ta kiki'ín kiwa geqay, nee kiwa hingeesi gawaá misalabaduú wa ale. Adoorí kana slaá' tleehhamooro, asma tawa deelór kooán, nee looár tlaw tawa deelór hungu/uma. Inooín kaa slaiiká tu'u iwa iwiwiitiya' gawaá misalabaduú wa ale deelór hungu/umaawo. Asma deeloodár hungu/uma a deelór ur ló'wa ale.