Marko 12:1 - Ya/abtór hho' 1977

¹ Iri dir'ín i axweés ar slaqsi'i, iri oó', “Heeko xaaikaari ta babay misabiíbu gina dahaás, giri yaáw. Bohoongw guri foól oo ma'aá na/'aá xaaidá' ngiwa tsoo/iti. /Aampár xuuma gari tleéhh. Qaymoorós gari dír múk i saayín, kay al'axweés gídaabá bu'uungw ku qasmiis. Inós iri aa'aá káy.

Biblía Axweesantá Hhohho' ar Mungú 2004

¹ Yesu iri dir'ínií axweés ar slaqsi'i, giri báy, «Heeko xaaikaari ta bay sabiíbu gina dahaás, giri yaáw. Bohoongw guri foól oo ma'aá mamaá xaaidá' ngiwa tsoo/iti. /Aampár xuuma gari tleéhh. Qaymoorós gari dír múk i saayín. Inós iri aa'aá káy.

Marko 12:1 Iomraidhean Croise

Matayo 13:3

Yesu muruú yaariír guri dir'ín i axweés ar slaqsi'i, iri káh, “Dahaasusmo ina tláy iri dahaasíngw áy.

Matayo 21:28

“Kuungá' ma katá' daanduú iidíguuwihe? Heeko wák daaqoó tsár gu kón. Garmoó úr guri i daqáy, guri báy, ‘Garmaaeé', tláw gadiyeét aweek laarí baraá qaymór misabiíbu.’

Matayo 21:33

“Slaqsoó hatlá' iiár i qaasaak. Heeko i deer oo do'ós koóm. Nee inós misabiíbu guna dahaás baraá qaymoorós. Qaymo gari yaáw. Bohoongw guri foól baraá tla/ángw qaymo, oo ma'aá na/'aá xaaiidá' ngiwa tsoo/iti. /Aampár xuuma gari tleéhh. Qaymo gari saayín dír doosluuse, iri aa'aá káy.

Matayo 21:34

Qoomár bu'uungw iwa naká/, sagadiyuuseerós gari ya/aáw amór doosluuseedá', as bu'uungós kuwa leehhi.

Matayo 25:14

“Slaqsaywós a adór heé aa'aá káw. Lawaaleerós gari ateét, daqaari'iimarós gari saayín dabaá lawaaleedí alé.

Marko 11:33

Yesu kuri báy, “A xuanaaká.” Yesu giri báy, “Tam án sleeme aleesleemuú muruuwí ngur tlehhiit ngu dirhúng i ooaaká.”

Marko 13:34

Slaqsaywós a adór heé aa aa'aá kay, oo do'ós gwa dír lawaaleerós i geexay, nee umuúqo heewo gwa gadiyeérós i haniís. Heé afkuú doó xuúm guri hara'ayín do' nguwa xun.

Marko 3:23

Muu guri ateét guri i axweés ar slaqsi'i, iri oó', “Neetlaangw kilós hingeesaro ti aleesláya?

Marko 4:2

Muruú yaariír guri intsaahhatimís ar slaqsi'i. Qoomár iwa intsaahhatimisi iri oó',

Luka 15:13

Deelór niina iwa waaráhh, garmaadá' niiná muruuwós guri dinkwár i qaás sleémeero, iri aa'aá káy baraá yaamaá saawá'. Amoodae muruuwós guri hhitaatín ar luhaá gana'a'aaká.

Luka 19:12

Yesu iri oó', “Heeko úr i deer oo tlahhaywós ta ilaiwawa/i. Inós ina aa'aá káy, amór yaamaá saawá' as kuwa waawutmoó wa qaasi, nee niri kii/.

Luka 22:9

Inooín tari oó', “Dír kuúng ta sla' ar kuwa amohhe'eesaan a diimá?”

Luka 8:10

Giri báy, “Kuungá' xu'uti aga sleeré' daanduú iidíguudá' taa luú/ oo baraá waawuti'iimár Mungú. Múk hatlae an slaqsi'ír kaahaán, as gídaabá ta qaytsiiti makawa ár, nee ta axaasi ala gídaabá makawa tsaáhh.”

Tlehhema'aá ya/Abuuse 7:38

Qoomár muu iwa burumburiit baraá xanxaywo, Musa ina sihhiít tla/ángw bariiseerén nee malaykamo, kudá' aa axwees nee inós gawaá tloomár Sinaír wa ale. Inós axweesanoó slafiingw nguna ilaóh, as nguwa atén i haniisi.