Marko 10:1 - Ya/abtór hho' 1977

¹ Didaádane iri tláy iri hardáh yaamaá Yudea ay gayuú Yordani. Boo/oó yaariír guri i burumburiít malé alé, giri intsaahhatimís adoodá' /iisí i /imamiisi.

Biblía Axweesantá Hhohho' ar Mungú 2004

¹ Yesu didaádae iri tláy, iri hardáh yaamaá Yudea ay gayuú Yordani. Boo/oó yaariír guri male i burumburiít, giri intsaahhatimís adoodá' /iisí i /imamiisi.

Marko 10:1 Iomraidhean Croise

Matayo 26:55

Hamtidár kilae Yesu boo/aay guri báy, “Ahaá baré nina ti'ité' amor'eéni alé ar pangadu nee guhhuli'i, adór múk malgusmoó oohár áw. Umuúqo deelooro aníng a baraá Doó Mungú wa iwaawiít niwa intsaahhatimaamis, ala kuungá' i uhahiinda'aaká.

Matayo 4:23

Yesu ina hi'iimiít baraá yaamaá Galilaya sleémeero, iri intsaahhatimís baraá maraá saalíngw wa ale, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Marko 1:21

Tari tláy ay Kapernaumu, nee hamtidae bál deelór hungu/umaawo iri dáh baraá doó saaliingw, iri intsaahhatimís.

Marko 10:2

Múk Farisayo guri yaahastá áy ar iiara, tari oó', “A hariímaáro hee hareerós ngiwa talaákár i haniisi?”

Marko 12:35

Qoomaadae Yesu iwa intsaahhatimisi baraá Doó Mungú wa ale, ina ilawaáts iri oó', “Intsaahhatuusér hara'ayár Musa masta kaahi, Kristo kudá' taa qaás nee Mungú waawutmoó wa ale, a Garmoó Daudi.

Marko 14:49

Umuúqo deelooro án a dirhúng i dirií' baraá Doó Munguhe, niwa intsaahhatimaamis, ala kuungá' i uhahiinda'aaká. Ala tí in tleehharút asma Gooi iwa bo/.”

Marko 2:13

Yesu iri ti'iít malé alé, iri tláy bihhaá tlawi, nee boo/aay sleémeero iri amoorós i daqáy, guri intsaahhatimís.

Marko 4:2

Muruú yaariír guri intsaahhatimís ar slaqsi'i. Qoomár iwa intsaahhatimisi iri oó',

Marko 6:2

Bál deelór hungu/umaawo múk yaariír guna intsaahhatimís baraá doó saalíngw wa ale. Inooín intsaahhatimisuuwós kuri waa/oo/amór wa ár, tari oó', “Kwí amór tí sleémeero ngiwa sláy a amá? Sagalooarí taa heewí haniís a sagalooár adoomá? Nee muruú xuawásl kwí i tlehhiiti a milá?

Marko 6:34

Inós iwa gawaá miringamoó wa aweér, múk yaariír guri ár, guri gurtláy, asma ngiwa ár a adór bee/ángw de'eamusmoó koomaaká. Muruú yaariír guri intsaahhatimís dir'ín i alé.

Marko 6:6

Inós iri ló'wa waa/oó/ as haratlintaaor'ín wasle. Yesu iri baraá inslaawaydá' wa hi'iimiít iwa intsaahhatimisi.

Yohana 10:40

Yesu iri malé tláy ay gayuú Yordani, ay didár aáng Yohana iwa geerí baatimiís, iri amoodá' i deél.

Yohana 11:7

Aluudaádae eeharuuseerós gari báy, “Qwalaasé', a Yudéár kawaán malé alé.”

Yohana 18:20

Yesu iri oó', “Aníng ana axweemaamiís dír geerá muu sleémeero daqiisleém. Dír án niwa intsaahhatimaamiis a baraá maraá saaliingw nee baraá Doó Mungú, dír múk Yahudi sleémeero iwa burumburimaamiti. Gár naa axweés ar sufa i káhh.