Marko 1:21 - Ya/abtór hho' 1977

²¹ Tari tláy ay Kapernaumu, nee hamtidae bál deelór hungu/umaawo iri dáh baraá doó saaliingw, iri intsaahhatimís.

Biblía Axweesantá Hhohho' ar Mungú 2004

²¹ Tari tláy ay Kapernaumu, siiwadár kilae bál deelór Sabaátoro Yesu iri dáh baraá doó saaliingw, iri intsaahhatimís.

Marko 1:21 Iomraidhean Croise

Matayo 4:13

Iri lóh dír gixsár Nasaretír wa ale, iri hotángw áy gixsár Kapernaumu. Kapernaumu a gixsár afaá tlawtá Galilayár i dirii', didár yaamaá Sabuloni nee Naftali.

Matayo 4:23

Yesu ina hi'iimiít baraá yaamaá Galilaya sleémeero, iri intsaahhatimís baraá maraá saalíngw wa ale, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Marko 1:20

Hamtidár kilá' giri ateét, baabuúín Sebedayo kuri geexáy baraá miringamo dinkwa nee múk slaqwe, tari daqáy kuri eehaár.

Marko 1:29

Nee tawa ti'iít baraá doó saaliingo, tari hardáh dír doó Simoni nee Andrea, dinkwa nee Yakobo nee Yohana.

Marko 1:33

Nee múk gixsa sleémeero ina burumburiít afkuú doó i ale.

Marko 1:39

Iri daqáy baraá ayaá Galilaya sleémeero, iri alki/iít baraá maray'ín awa saaliingo, nee neetlaame gari hingeemiís.

Marko 10:1

Didaádane iri tláy iri hardáh yaamaá Yudea ay gayuú Yordani. Boo/oó yaariír guri i burumburiít malé alé, giri intsaahhatimís adoodá' /iisí i /imamiisi.

Marko 2:1

Alaá deelór niinawe Yesu iri dáh baraá Kapernaumu malé alé, kay axaás gídaabá i doó i dirii'.

Marko 3:1

Yesu iri dáh malé alé baraá doó saaliingw, nee baraadane heeko i deer oo dakós aa sol'oot.

Marko 6:2

Bál deelór hungu/umaawo múk yaariír guna intsaahhatimís baraá doó saalíngw wa ale. Inooín intsaahhatimisuuwós kuri waa/oo/amór wa ár, tari oó', “Kwí amór tí sleémeero ngiwa sláy a amá? Sagalooarí taa heewí haniís a sagalooár adoomá? Nee muruú xuawásl kwí i tlehhiiti a milá?

Luka 10:15

Nee kiíng gixsár Kapernaumu, xáy ti tsa/aási ay gawaá doori? Aasla'áy, tin /aytiis ay baraá múk aa qaatl.”

Luka 13:10

Bál deelór hungu/umaawo Yesu ina intsaahhatimís baraá doó saaliingo.

Luka 4:16

Iri tláy Nasaretír i alé amoodá' kunguwa ureés. Deelór hungu/umawo iri dáh baraá doó saaliingw adoodá' /iisí i /imaamisi. Iri sihhiít as iwa soomuusi.

Luka 4:23

Giri báy, “Án ngi slaá' kuungá' daxta i slaqsaywí beerá' gídaabá, ‘Qwaslaármo, ti kilók hungu/us.’ Nee sleeme án ngi slaá' i malé beerá' gídaabá, ‘Muruudá' sleémeero taa axaasaán aa Kapernaumú wa tleehharuut, tleehheek sleeme diirihe baraá ayaawoge.’”

Tlehhema'aá ya/Abuuse 17:2

Paulo iri dáh baraadí alé adoodá' /iisí i tlehhahhiti. Lel'aá tám awa hungu/uma gari baraadá' wa hhe'eés, tiri tlaampa'aamisiyé' nee múk Yahudi daanduú Gooír axweesantá Munguhe.

Tlehhema'aá ya/Abuuse 18:4

Umuúqo deelór hungu/umaawo Paulo ina dáh baraá doó saaliingw, múk Yahudi nee múk Yunani guri intsaahhatimís as nguwa ar ba/i.