Luka 1:1 - Ya/abtór hho' 1977

¹ Amór Teofíló xirif. Múk yaariír iidíguú muruudá' yaariír aa tleehharuut diirene gwaa iiár gooiro,

Biblía Axweesantá Hhohho' ar Mungú 2004

¹ Amór Teofíló xiríf. Múk yaariír kángw muruudá' yaariír aa tleehharuut direne gwaa iiár gooiro,

Luka 1:1 Iomraidhean Croise

Marko 16:20

Inooínadá' tari tláy, Ya/abtór hho' kari alki/iít umuúqo diiro. Aako nee inooín tay al gadiyuús, /uuruú axweesantós guri geehhoo'otís ar layaá naa tleehharumiitiye' qoomaadae.]

Yohana 20:31

Ala kuká' kingina gooín, asma kuungá' kawa haratlintia' gídaabá Yesu a Kristo, Garmoó Mungú, nee sleeme slafiingw kuwa sleera' baraá umuuwós wa ale asma kuwa haratlintié'.

Rumi 14:5

Baraá slaqsaywo heeko deelorka dirose a deelór gídaabár koom ta deelór hatlae. Ala dír kookoowo deelo sleémeero a gár wák. Ala umuúqo heewo haraxu'uti masók ga kón gídaabá, adoodá' inós i xui ar ló'.

Rumi 4:21

Nee slám al'axweesantá Mungú gari haraxuú' gídaabá Mungú ga aleesláy tleehhamooro, tidá' naa dir'eén i al'axweés.

Kolosai 2:2

Gár ni slaa' masók muner'ín kan gurkwa/as, nee inooín kiwa aldinku'uumisi baraá sla'aarír i alé, as xu'utír baraá qeeru ngiwa slaya', lu/aaroó Mungú kuwa tsaahha hhe' eesi. Nee lu/aaroó Mungú an Kristo.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as gídaabá kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

1 Tesalonike 1:5

asma qoomár atén Ya/abtór hho' ngiwa amorhúng i huuwaán, ngaa huuwaaniiká ar axweesanaay kilós, ala ngina huuwaán ar /uuruú Qeeruú hhoohhoó', nee ataá kilá' qoomaadae a hatsaán haratlintaaór /uuruú kooma. Slám kuungá' kilá' a xuá' adór atén tara hootaán tla/angwhúng wa ale as kuungá' as tawa slaqsaay tleehhitaan.

1 Timoteo 3:16

Ar ló', lu/aaroó haratlintaaoorén ku ló'wa úr. Mungú kuna geehhooutís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Iidíguuwós kuri alki/iít dír xoorduuwo, inós kuri haratlintií' baraá yaamuuwo, kurir tláy gawaá doori.

2 Timoteo 4:17

Ala Aako ina sihhiít dinkwa nee aníng, aníng iri /uuruú i haniís. Asma Aako gár i slai a Ya/abtór hho' sleémeero kawa alki/iiti nee aníng, as múk xoordu sleémeero ngiwa axaasi. Aníng tiri ba/amís baraá afkwá dirángw wa ale.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 6:11

Gár atén ta ló'wa sla'aan masók umuuqo heewo dirhunge in adoodár kumiit ar inkihhimu ay alhee'eesaay, as muruudá' ta haraxua' kuwa sleera'.