Filipi 4:9 - Ya/abtór hho' 1977

⁹ Muruudá' taa dir'eé' wa intsahhé' nee kudá' taa ilaoté' tleehhaak, kudá' taa aandé' nee oo taa axasé' dir'eé' wa ale. Daqaní Mungú wayduú koóm i dinkwa nee kuungá'.

Biblía Axweesantá Hhohho' ar Mungú 2004

⁹ Muruudá' taa dir'eé' wa intsahhé' nee kudá' taa ilaoté' tleehhaak, tam kudá' taa aandé' nee oo taa axasé' dir'eé' wa ale sleeme. Daqaní Munguú wayduú koóm i dinkwa nee kuungá'.

Filipi 4:9 Iomraidhean Croise

Matayo 1:23

“Ga/aaweek, /amatliito'o i tsít, na/oó garma gu xwayluúr, ku umí tsaat, ku bay Imanueli” gídaabárós, “Mungú nee atén dinkwa.”

Matayo 28:20

nee ki intsaahhatimisá' kawa oohi tidá' sleémeero naa kuungí hara'ayiím. Nee ga/aawaak, aníng nee kuungá' a dinkwa deelo sleémeero ay alhhe'eesoó yaamu.”

Matayo 7:21

“Heé aní tawó babáw, ‘Aáko, Aáko,’ i dahiiká baraá waawuti'iimár dooriiwo. Heé dáh a kudá' sla'aarír Baabuúeé' oo gawaá doorí dirií', ga tlehhiít.

Luka 6:46

“Aníng mihar babeera', ‘Aáko, Aáko,’ ala tidá' án ni kah a tlehhita'aaká.

Luka 8:21

Giri báy, “Aayor'eé' nee hhaee'eé' an kudá' axweesantá Mungú axamiisá', nee ngi tlehhiitá' adoodá' i kat.”

Yohana 13:17

Tí kuungá' bara xué', kuungá' tundu amohhó' bar aga tlehhé'.

Yohana 15:14

Kuungá' a mulqer'eé', bar tidá' án naa hara'ayiím aga tlehhé'.

Yohana 2:5

Aayór Yesu lawaaleedá' gadiyuus gari beér, “Umuúqo gaaro ar naa ooi ka tlehhá'.”

Tlehhema'aá ya/Abuuse 9:6

Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.”

Rumi 15:33

Mungúduú wayduú hanmiís masók i dinkwa nee kuungá' sleémeero. Amin.

Rumi 16:20

Nee Mungúduú wayduú hanmiís, inós kuungá' nu /uuruú i haniis oo Neetlaangw kuwa nakaa/aruura' ar gaanslaay baraá tsa/a'aá ya'aahúng i alé. Aakoorén Yesu Kristo kuungá' nu tsuuqi.

1 Korinto 10:31

Án gár ni kah a tí gídaabá, kuungá' barnaxes a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak ar Mungú iwa xirfuuti.

1 Korinto 14:33

Asma Mungú a Mungú leexwaywooká, ala inós a Mungú wayda. /Ameena i xaslit baraá dinkwár Kríshaanayhe, asma ya/aám i káhh ar inooín tawa axweesi. Adoorí an adoodá' ta tlehhahhiti umuúqo diiro baraá dinkwár múk hhohhó' oo Mungú. Inooín gár kiwa hariím masók in ilaiwawa/iyá', adoodá' hara'ayár Musa i kat sleeme.

1 Korinto 4:16

Gawaá adoorihe án kuungá' nu gurbuú' gídaabá. Aníng eehararé', aníng tawa slaqsayhúng.

2 korinto 13:11

Hám daxta, hhaee'eé', aláhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Mungúduú sla'aari nee oo wayduú hanmaamiís i dinkwa nee kuungá'.

Filipi 3:17

Hhaee'eé', kuungá' sleémeero adoorí án nir hoot nar hootaak. Asma atén a slaqsaay dír kuungae. Ga/aawaagáy ló'wa ale kudá' hootá' adór atén nir hootaan.

Filipi 4:7

Nee wayduú Mungú, kudá' tsaahharo ta aleeslawaanaaká sagaalooarene, munerhúng ngi de'en, nee inslawayhúng baraá Kristo Yesuwo.

1 Tesalonike 1:6

Nee adór atén tara hootaán, kuungá' kari eehadé'. Gawaá adoorihe tari eeharuusér Aako tleehhité'. Kuungá' slahha'amaayér yaariir ana sleeré'. Ala tam adoorihe axweesantadá' ana ilaoté' ar qwala/, tidá' Qeeruú hhoohhoó' naa haniís.

1 Tesalonike 2:14

Kuungá' hhaee'eé', gár kuungá' taa sleeré' a adór tidár múk Kríshaanáy oo baraá yaamaá Yudeár i dirií' aa sláy, mukdá' Yesu Kristo gwa haratlintii'. Kuungá' slahhe'eemisuú taa sleeré' dír xoororhúng ar kilá' wa ale, an adór slahhe'eemisuú inooín taa sláy dír múk Yahudír wa ale.

1 Tesalonike 5:23

Mungú inós u kilá', kudá' atén ti wayduú i hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeruuhúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál deeloodár Aakoorén Yesu Kristo nay hardat.

2 Tesalonike 3:4

Asma atén a haraxu'utír koomaán baraá Aakoowo gídaabá, tidá' atén ni hara'ayiyiimaan a tlehhitá' nee slám a kumitá' kawa tlehha'.

2 Timoteo 4:22

Aako muunuúwók ngu de'en. Aako kuungá' nu tsuuqi.

Yakobo 1:22

Kuungá' adoodá' axweesani i kat na tlehhiitaak, ala ma tawó axamiisara', nee tin kiloohúng al/agiindá'.

2 Petro 1:10

Gawaá adoorihe, hháe, ilakaaharu ló'wa tleehhaak as ateetamorhúng kawa gawdesa', nee tsawdorhúng. Ala kuungá' bar aga hoté' ar adoorí, kuungá' daqaní gár dirhunge dukutsmo tleehhiit i káhh.

1 Yohana 3:22

Nee umuúqo gár ta dirós i firiimana a slawaán, asma hara'ayaarós kawa eeharaharaan, nee adoodá' inós i slai kawa tlehhiitaan.