Filipi 4:8 - Ya/abtór hho' 1977

⁸ Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

Biblía Axweesantá Hhohho' ar Mungú 2004

⁸ Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

Filipi 4:8 Iomraidhean Croise

WARA'AMI 82:2

“Ay xaylá sakwasleemár hara/uuntsa ka tlehhaahhita', nee axweesanoó múk tlakuuse kuwa ya/a/aanda'?

Matayo 22:16

Eeharuuser'ín kari ya/aáw amoorós i alé dinkwa nee múk Herode, tari oó', “Intsaahhatusúmo, atén a xuaán gídaabá kuúng a heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamisaká, asma hhohhoartá muu a ga/eeraaká.

Marko 6:20

Asma Herode Yohana gu da'ayumiit, asma ga xuu' gídaabá a heé gan'amká koóm, oo hhoohhoó' dír Munguhe. Inós guna amohhe'eemiís asma mukuwa gaás. Axweesantá Yohana gana axamiís ar qwal/amaaye, ala axweesantadaádá' inós guri sakwasleemút.

Luka 16:15

Yesu giri báy, “Kuungá' an kudá' ti geehho'otimisá' dír geerá muko, tawa kudá' ganaa'á'. Ala Mungú munerhúng gaa xuú' adór i diri'. Muruudá' muu i ga/ay gídaabá tawa muruú gídaabár koóm, ala laatí dír geerá Munguhe an kudá' tlákw.

Luka 2:25

Baraadá' Yerusalemuwo heeko i deer, umuuwós a Simeoni. Inós a heé ganaá' oo Mungú gwa haratlintii'. Gurkwa/asár múk Israeli gan daamaarán ar haraxu'uti. Inós Qeeruú hhoohhoó' gu kón.

Luka 23:50

Nee heeko wák i deer, umuuwós a Yosefu. Inós a heé hhoó' oo gan'amuú koóm. Inós a heé wák oo doó kwasleema,

Yohana 7:18

Heé sagós ar axweés, xirfuú i leelehhiiti a kós kilós. Ala heé xirfuú kudá' inós ngwa ya/aaw gu leelehhiít, heedá' a heé ló', nee baraawose al/ayma i káhh.

Tlehhema'aá ya/Abuuse 10:22

Tari oó', “Kornelio, geeraharusmoó askaári, atén tina ya/aáw. Inós a heé ganaá', slám a heé Mungú ilaiwawaá/, nee adór tar heé hhoó' múk Yahudi sleémeero ga xuu'. Inós kuna báy nee malaykamoó hhoohhoó' muu nguwa ya/aawi amoorók, as kuúng tawa amór do'ós i daqeer, as axweesantók ngiwa axaasi.”

Tlehhema'aá ya/Abuuse 22:12

“Heeko wák ta babay Anania i deer. Inós a heé ilaiwa/amér koóm gawaá hara'ayaro, heé ta hhoár i xui nee múk Yahudi sleémeero oo amoodá' i dirií'.

Tlehhema'aá ya/Abuuse 6:3

Hhaeerén gimsé', múk faanqw tsawaaraak tla/angwhunge, oo ta hhoár i xua', nee oo taa hatsiís nee Qeeruú hhoohhoó' nee sagalooa, as kiwa qaasaan gawaá gadiyeérí ale.

Rumi 13:13

Atén masók an hootaán ar adoodá' hariim, adór qoomár tlaatla/ángw wa ale. Ala a gídaabaheeká an hootaán ar hheehha nee xufta, laqaá ar tsaatu'uuma nee ar slafíngw slasla/arén. Nee slám a gídaabaheeká an hootaán ar gila nee da/i.

Rumi 13:3

Asma kudá' waawuti'ii'imá', ta múk dae tlaaqiiká tawó alé as tlehhema'aá hho', ala a as tlehhema'aá tlakw. Xáy, kuúng a slá'a ar heé aleesleemuú koóm kuwa da'ayumitká? Gimáy, kuúng hhooeema na tleehheek, daqaní kuúng ilaiwa/ame a sleér dirose.

Rumi 14:18

Asma heedaádá' Kristo gu sagadiyuús ar loohír adoorí, inós Mungú gu qwal/atimis, nee slám inós ku xirfayees nee muu.

Rumi 2:29

Ala heé Yahudi oo kilá', an kudá' Yahudi'iimarós baraá muuná i dirii'. Nee al/utlór kilá' a tidár muuná kuwa al/utli. Al/utloorí kan tleehh nee Qeeruú hhoohhoó', slám kaa tleehhiiká nee hara'aya. Heé adoorí xirfuuwós amór i dahhi a amór mukooká, ala a amór Mungú.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardahi. Inós muruudá' taa luú/ baraá giwtír i alé, ngun geehhooutis dír gwa/aát i alé, nee inslawoó munér muu nguri geehhoutis. Daqaní umuúqo heewo xirfuudá' inós wa hariím gu sláy dír Munguhe.

2 korinto 13:7

Atén Mungú un firiirimaán gídaabá kuungá' masók gár tlaakw an tlehha'aaká. Atén a adoorír firiirimanaaká, as múk hatlá' ngiwa tsaahhi gídaabá atén aga waarahhaán. Gár atén ta firiirimaan a tí gídaabá, kuungá' masók tidá' hhoo' an tlehhitá', ala tam atén taa ari gídaabá aga waarahhaniiká.

2 korinto 6:8

Nee slám atén ti adoodár laqaqaamaán barnaxes muu ti xirfayeemiis, laqaá barnaxes ti murekeemiis, nee barnaxes ti muruú tlákw i káh, laqaá barnaxes a muruú hhó'. Atén tiwa xui nee muu, atén a al/aguuse, ala laatí atén a múk looeemaá káh.

2 korinto 8:18

Hhiyaako sleeme ngun ya/aawaán dinkwa nee inós. Kwí an kudá' taa xirfayeés nee Kríshaanáy sleémeero, as gadiyeédá' i tlehhiiti ar Ya/abtór hho' ngiwa alki/iiti.

2 korinto 8:21

Gár atén ta sla'aan diirihe a adoodá' hhoo' an tleehhaán, ala a dír ilaá Mungú kiloseká, ala tam dír ilaá muu sleeme.

Galatia 5:22

Ala gár Qeeru i laqwaali baraá slafíngw heewo a sla'aari, qwala/, wayda, qitla, hhooeema, gurhhooa, inkihhimu,

Efeso 4:25

Gawaá adoorihe, lama mawaak. Kuungá' looeema kilooín na axweesaak baraá tla/angwhunge. Asma atén sleémeero a diqoó slaqwtá wák, tidár Kristo.

Efeso 5:9

Asma didár gwa/ateema i dirii'iya' gár tleehharumiit a hhooeema sleémeero nee gan'amu nee looeema.

Efeso 6:14

Gimsé', ti amohhe'esé'. Siinootayhúng a looeema. Gaambór ta da/eewár qoomesa' a gan'amu.

Filipi 3:1

Alhhe'eesaywo gár án ni oo', hhaee'eé', qwalala/é' baraá Aakoó wa ale, aníng a slaaqaataaká gooiro tidá' naa qaroó dirhúng i gooiím, asma dirhunge i gídaabár koón ngiwa inkii/.

Kolosai 4:5

Sagaalooa koomaak dír mukduú haratlintaaór koomaakahe, umuúqo pa/ángw taa sleeré' ar gadiyusaak.

1 Tesalonike 4:12

Gawaá adoorihe daqaní kuungá' tundu ilaiwawaa/ nee múk xoordu, nee umuúqo heewo u diitsakwaár ar eera'aaká.

1 Timoteo 2:2

Waawitá aleefiriiriimaak nee kudá' aleesleemuú koomá' sleémeero, as atén tawa hootaan ar slafíngw amohhooa nee oo wayda, Mungú kuwa haratlintatiaan nee tawa hootaan ar adoodá' hariim.

1 Timoteo 3:11

Tlaaway'ín sleeme masók a /ameenár ilaiwa/amér koom, masók a takaahuuseerooká. Inooín masók a múk qoóm, nee masók ta inkihhimuú kón baraá mura' sleémeerowo.

1 Timoteo 3:4

Inós masók a heé do'ós gu ló'wa sageesihhimiít, oo na/'iiwós gi hara'ayiyiím, adór hariímár alé.

1 Timoteo 4:12

Hee masoombi'iimarók mingiwa waaqaá', ala kuúng na slaqsaay tleehhiít dír mukdá' aa haratlintii'i ar baraá axweesanaywók nee baraá tlehhemi'iiwók nee slám ar baraá sla'aari nee haratlintaao nee hhoohhooaari.

1 Timoteo 5:10

Slám inós masók kaa lamabu'ún tlehhema'aá hhoe. Masók na/'ii nga umiín, nee dahaaye gaa dahi'iimís, slám masók ya'aá múk Mungú nga hamtlít, nee múk taa slahhe'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

1 Timoteo 5:2

Amami'i gurbueek adór aayírók ar alé, nee /ameenár ninakw adór hhaeewók awa dasú wa ale, ar baraá hhoohhooaari sleémeero.

Tito 1:8

Ala inós masók a heé múk dahi'iimís, nee heé hhooeemaá slaá'. Nee masók a heé qoomoó koóm, nee heé gan'amuú koóm. Nee slám masók a heé hhoohhoó' oo ti kilós harmagagaáhh.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee atén tawa mukós kudá' tlehhema'aá hhohho' ngi tlehhiitá' ar ilakaaharu.

Tito 2:2

Bariisér aa uraareer ka beer, ar tunduwa hariím masók an danqamisuú koondá', nee masók a múk ilaiwa/amér koóm, nee sagaalooa. Nee slám masók a múk aa uraaray baraá haratlintaaooro, nee baraá sla'aariro, nee tam baraá qiqitliingo.

Tito 2:7

Ala kuúnguú kilá' masók an slaqsoó hhoó' tleehhít ar baraá tlehhema'aá hho' sleémeero, nee ar baraá intsaahhatimisuuwo, kawa intsaahhatimis ar ilaiwa/ame nee ar looeema.

Tito 3:14

Nee mukrén sleeme gár kuwa hariím masók gan intsaahh ar tlehhema'aá hho' kiwa tleehhi didaádá' kiwa hariím, as matawa tawó hoót baraá slafingw'ine.

Ebrania 11:2

Baabi'iirén awa aáng kaa hhooeemaá i lamabu'ún asma haratlintaaor'ín.

Ebrania 13:18

Kuungá' kumiité' atén tiwa aleefiriiriinda'. Atén a xuaán gídaabá atén munér hho' a koomaán. Asma atén gár ta sla'aan a tidá' ganaa' kawa tleehhaan umuúqo deelooro.

Yakobo 1:27

Diínír hhoohhoo', ar slasla/areeká dír geerá Mungú Baabahe, a tí, panaay nee /ameenár kwaeeli kiwa qaytsuú aeera' baraá slahha'amuuine, nee tiwa harmagahha' nee tlakweemaá yaamu.

Yakobo 3:17

Ala sagaalooadá' gawaá dooraá daahh a adoorí, gár har geerá ka hhoohhoo'. Slám i wayduú koón, nee ka tsatsa'aar. Nee slám axweesanoó muu gu huwaahúp. Nee slám fola i kaahh dirose, laqaá hhaahhafiingw.

1 Petro 1:22

Kuungá' taa hhoohhooesé' asma looeema iga ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti sla'aaslae' ló'wa ale ar mune sleémeero.

1 Petro 2:12

Slafingwhúng masók i tlehhema'aá hhohho' laqaaqán dír geerá múk xoorduuwo. As qoomár inooín bartundu /aysaní tlaaq, gídaabá a muruú tlákw tlehhitá', ala inooín tlehhemi'iihúng awa hhohho' birkaa ara'ár, daqaní inooín Mungú ku xirfayees bál inós birna hardáh.

1 Petro 4:8

Ala gár gídaabár koom ta muruuwí sleémeerowo a tí, kuungá' kiloohúng ti sla'aslae'. Asma sla'aari tlakweemaá yaariir gi tuntúk.

2 Petro 3:1

Sla'aaruuser'eé'. Barwaárí án ni kuungá' i gooiim ar tsár. Gawaá barwaduuká' tsaraawo aníng muruuwí nguna inslawtimís, as inslawoó hhohhó' nguwa daarkitis baraá munerhunge.

1 Yohana 3:18

Laqwalór ninakw, sla'aarirén miwa axweesantá tawo tleehhít, ala masók sla'aarirén an sla'aarír tlehhema'aá koom, nee ar looeema.

1 Yohana 3:3

Ala umuúqo heé haraxu'utír adoorí ga koóm gawaá Yesuwo, tin hhoohhooeemiis adoodá' Yesu kur hhoohhoó'.

1 Yohana 4:1

Sla'aaruúse, umuú gár ta kaahi ma haratlintatiaara', tlaampa'aasaak ala alé, áx amór i dahh a amór Mungúhe. Asma múk yaariír naa ti'iimiít baraá yaamuuwo oo káh, “Atén a aaruuse,” ala a loeeká.