Filipi 4:7 - Ya/abtór hho' 1977

⁷ Nee wayduú Mungú, kudá' tsaahharo ta aleeslawaanaaká sagaalooarene, munerhúng ngi de'en, nee inslawayhúng baraá Kristo Yesuwo.

Biblía Axweesantá Hhohho' ar Mungú 2004

⁷ Nee wayduú Mungú, kudá' tsaahharo ta aleeslawaanaaká sagalooarene, munerhúng ngi de'en, nee inslawayhúng baraá Kristo Yesuwo.

Filipi 4:7 Iomraidhean Croise

WARA'AMI 29:11

AAKOÓ MUNGÚ mukós gu /uuruú i haniis, AAKOÓ MUNGÚ mukós gu tsuuq ngway waydií haniis.

WARA'AMI 85:8

Aníng masók a axaás adór AAKOÓ MUNGÚ i ooi. Asma wayda gu oo' dír mukós i ale, dír mukós kudá' hhohhó', kudá' naa warqaye' amoorós.

Luka 1:79

as kudá' baraá giwtír i diriiá' nee kudá' baraá mahhtír gwa'ara ngiwa i gwa/aatiya', nee as atén tiwa gan'aasi baraá loohír amór waydí hardah.”

Luka 2:14

“I xirfuuti Mungú Gawtí dirií', nee wayda ni baraá yaamí hardihi dír mukdá' aa gurtleemuú i haniís.”

Yohana 14:27

“Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuuwo slahha'amu u sleerá'. Ala ma mune siaara', asma aníng yaamu iga ar baá/.”

Rumi 1:7

Barwaárí ngina gooiím amorhúng i alé, kuungaásingá' baraá gixsár Rumi, kuungaásingá' sleémeero awa taa slaá' nee Mungú, nee tunduri ateét tawa múk hhohhó' oo Mungú. Mungú Baabuúrén nee Aakoorén Yesu Kristo kuungá' nu tsuuqi nee nu waydí haniisi.

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' amór Qeeruú hhoohhoó' daáhh.

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeerowo nee wayda ar loohír haratlintaao, as haraxu'utirhúng i ló'wa doogiín ar baraá /uuruú Qeeruú hhoohhoó'.

Rumi 5:1

Hám daxta atén taa hhe'eés gan'amuú i harafaarooro ar loohír haratlintaao. Gawaá adoorihe atén a wayduú koomaán dír Munguhe ar baraá Aakoorén Yesu Kristo.

Rumi 8:6

Asma muruudá' hee i slai baraá heeuumarose, gár ni huuwi a gwa'ara. Ala muruudá' Qeeru i slai, gár ni huuwi a slafiingw nee wayda.

2 korinto 10:5

Nee slám gár atén ta fee/itaan a umuúqo inslawaywo, kudá' iil/aám, oo daara/ángw koóm, oo taa tleéhh as hee iidíguú Mungú munguwa xuú'. Atén umuúqo inslawaywo un ohiimaán, nee kuwa iialooetisaan dír Kristo i alé.

2 korinto 13:11

Hám daxta, hhaee'eé', aláhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Mungúduú sla'aari nee oo wayduú hanmaamiís i dinkwa nee kuungá'.

Galatia 5:22

Ala gár Qeeru i laqwaali baraá slafíngw heewo a sla'aari, qwala/, wayda, qitla, hhooeema, gurhhooa, inkihhimu,

Efeso 3:19

Nee slám kawa tsahha' sla'aarirós tidá' xu'uti sleémeero ga baa/ as kawa yaariír. Gawaá adoorihe Mungú inósuú kilá' kuungá' nu ló'wa hatsiisi munguiimarose.

Filipi 1:1

Ánuú Paulo nee Timoteo, sagadiyuusér Kristo Yesu, barwaárí ngina gooiimaán amór múk hhohhó' oo Mungú sleémeero oo baraá Kristo Yesu oo baraá Filipír i dirií', dinkwa nee geeraharuuser'ín nee sagadiyuusér múk Kríshaanáy.

Filipi 1:2

Mungú Baabuúrén nee Aako Yesu Kristo kuungá' nu tsuuqi nee nu waydí haniisi.

Filipi 4:19

Nee Mungúeé' kudá' xirfuú koóm baraá Kristo Yesuwo, tidá' sleémeero kuungá' ta sla'a' ngi haniis ar har qoomoó daqaari'iimarós.

Filipi 4:21

Umuúqo heewo kudá' hhoohhoó' oo Mungú intsihhiisaak, kudá' baraá Kristo Yesú i dirií'. Hhaeedá' nee aníng dinkwa kuungá' nu intsihhiimisiyá' sleeme.

Filipi 4:9

Muruudá' taa dir'eé' wa intsahhé' nee kudá' taa ilaoté' tleehhaak, kudá' taa aandé' nee oo taa axasé' dir'eé' wa ale. Daqaní Mungú wayduú koóm i dinkwa nee kuungá'.

Kolosai 3:15

Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

2 Tesalonike 3:16

Aako inós u kilá' oo wayduú hanmiís, wayda ngu haniisi dirhunge daqisleém ar baraá umuúqo loohiro. Aako masók i dinkwa nee kuungá' sleémeero.

Ebrania 13:20

Aakoorén Yesu inós an de'eamusmoó úr oo bee/aangw. Mungúduú wayduú koóm Yesuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

Yuda 1:1

Ánuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.

Geehhoeemaá 1:4

Ánuú Yohana muruuwí una gooiím dír múk Kríshaanáy oo baraá gixsadaá faanqw awa baraá yaamaá Asia. Mungú kuungá' nu tsuuqi nee nu waydí haniisi. Inós an kudá' dáw, nee kudá' daadáw nee kudá' hardáh. Nee slám gurtleemu nee wayda amór i dahhi a amór qeeruudá' faanqw, kudá' dír geerá kitaangós oo aleesleemuú i dirií',

Geehhoeemaá 2:17

“Heé iaá koóm, axweesantí ngi axaasi, tí Qeeru i kaahi dír múk Kríshaanáy, “‘Heedaádá' arba/ati ga sláw, aníng maánadá' taa luú/, tidá' gawaá dooraá daahh, a haniís. Nee tlaa/anoó /awaák nguri haniís. Nee gawaá daanduú tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.’”