Filipi 4:6 - Ya/abtór hho' 1977

⁶ Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na adbawaak, kuwa firiiriinda' nee kuwa sluufimisa'.

Biblía Axweesantá Hhohho' ar Mungú 2004

⁶ Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.

Filipi 4:6 Iomraidhean Croise

WARA'AMI 51:15

Áa Aáko, afkwe'eé' waatleeseek, xirfuuwók nguwa alki/iit.

WARA'AMI 55:17

Tsiindo, matlaatle nee qoomár tlaatla/aango, an wa/a/uús ar gurhaami, inós afor'eé' ga axaas.

WARA'AMI 55:22

Slahh'amuuwók sleémeero dír AAKOÓ MUNGÚ ti meer, inós kuúng u aleeslawtis. Heé hotaa ganaá' gu baloó mayká kuwa diinqisi.

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

Matayo 10:19

Ala qoomár barnaxes kuungá' tundu huwahuuw, ma daawimitaara' gár ta oa', asma qoomaadae gár ta oa' kingi haniis.

Matayo 13:22

Nee kudá' aa paahh baraá laqaya', an mukdá' axweesantadá' gaa axaas, ala daawitimér yaamu nee al/aymár daqaari'iima axweesantadá' gari tlíq, axweesantadá' iri laqwaliká.

Matayo 6:34

Muruú matlo mu sadaawimitaara'. Kángw matlo looarós ngus tleér. Umuúqo deelo i daawiitimeerós koón ar buu'uut.”

Matayo 6:8

Kuungá' ma adór inooín tleehhitaara', asma Baabuúhúng gár kuungá' ta sla'a' ga xuu' iimír kuungá' kuwa firiindi'iikahe.

Luka 10:41

Aako gari báy, “Márta, Márta, an daawiimít nee tawa amoqwaqwadiin asma muruú yaariír.

Luka 12:22

Yesu eeharuuseerós gari báy, “Gawaá adoorihe, án a kah, ma daawimitaara' as slafingwhúng, tawa kata', ‘Ma /ayaán?’ laqaá slaqoohunge, tawa kata', ‘Ma tsiitaán?’

Luka 12:29

“Kuungá' ma leelehhiitara' gár ta /aga' laqaá gár ta wata', slám ma daawimitaara'.

Luka 18:1

Giri slaqsaywí báy as ngiwa intsaahhatisi gídaabá inooín gár kiwa hariím a Mungú ngun firiiriná' daqisleém, tam matawa mune sií'.

Luka 18:7

Nee Mungú, xáy, mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

1 Korinto 7:21

Kuúng tuwa ateét a lawaalmoówo? Ma gurhaamutaar as tawa lawaalmo. Ala pa/aangw bir deer oo kuúng tuwa gweeri baraá lawaali'iimaro, pa/angwsíng ar gadiyuuseek.

1 Korinto 7:32

Ala gár án ni slaa' a masók kuungá' an daawimita'aaká. Heedaádá' aa duuxunká inós i daawiimiit as Aako, gídaabá adór ngur qwal/atisi.

2 korinto 1:11

Ala tam kuungá' sleeme atén ti alee/isá' ar loohír firorhúng. Gawaá adoorihe múk yaariír Mungú gu ló'wa sluufiis as atén, as tsuuqaá Mungú, kudá' atén taa slawaán.

Efeso 5:20

Nee Mungú Baabá ku sluufimisá' daqisleém as mura' sleémeero ar baraá umuú Aakoorén Yesu Kristo.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó'. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

Kolosai 3:15

Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufimisa' ar inós.

Kolosai 4:2

Kumiité' ló' wa ale baraá firooro, nee ta dal'a' baraá firooro nee baraá sluufaaywo.

1 Timoteo 2:1

Gár ni gawdeemiis ta muruú hatlá' sleémeerowo a tí, firo nee saaliingw nee aleefiro nee sluufaay, muruuwí sleémeero i tleehharuuti as muu sleémeero.

1 Timoteo 5:5

Kwaalo'ór ló' a tidá' taa kilós geexáy. Inós haraxu'utirós gaa amór Mungú i hanís, slám i hót baraá firór wa ale nee saaliingo tlaatla/aangw nee xweeraawo.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kuungá' tawa múk Mungú firiiriím.

1 Petro 5:7

Daawitimerhúng sleémeero gawaawós ti qase', asma inós ti daawitimis as kuungá'.