Filipi 4:5 - Ya/abtór hho' 1977

⁵ Hhooeemaahúng masók i geehhoouyá' dír muu sleémeerowo. Aako naa nakaá/.

Biblía Axweesantá Hhohho' ar Mungú 2004

⁵ Hhooeemaahúng masók i geehhoouyá' dír muu sleémeerowo. Aako naa nakaá/.

Filipi 4:5 Iomraidhean Croise

Matayo 6:25

“Gawaá adoorihe, án a kah, ma daawimitaara' as slafingwhúng, tawa kata', ‘Ma /ayaán nee ma wahaán?’ Laqaá slaqoohunge, tawa kata', ‘Ma tsiitaán?’ Asma slafiingw a gár afhhamíteéke ta muruú /aymaaro? Nee slaqwa a gár afhhamíteéke ta tsitaywo?

Matayo 6:34

Muruú matlo mu sadaawimitaara'. Kángw matlo looarós ngus tleér. Umuúqo deelo i daawiitimeerós koón ar buu'uut.”

Luka 21:34

“Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraaká' yaamu, deeloodár alhhe'eesaay munduwa hhaawís adór tsaxweeli.

1 Korinto 16:22

Umuúqo heewo oo Aako gu sla'aaká, inós ku lu'usi. Maran ata, gídaabárós, aakoorén, hardaháng.

1 Korinto 6:7

Ala kuungá' bar ti kiloohúng sakwasleemutá' dír geerá sakwasleemuusér wa alé, gaarí gár i laqaaqaan a gídaabá kuungá' slafiingw ugwa harslaaqaté'. Ahaá, a tsiníheéke bar aga ya/aán tam tu sadakuusi? Ahaá, a tsiníheéke bar aga qítl tam taa gaa hayohi?

1 Korinto 8:13

Gawaá adoorihe, muruú /ayma barnaxes hhiyaaeé' gu dukuutsmoó i qamín, aníng fu'unaay i baloó /ayaaká ay alhhe'eesay wasle, as aníng mawa dukuutsmo tleehhiít dír hhiyaaeene.

1 Korinto 9:25

Umuúqo heewo oo qwaátl baraá neetooro, aqo tin ilaa/ baraá umuúqo gaaro. Mukwí adoorí gan tlehhiit as slamangwdá' hhitiruút kuwa slay. Ala atén adoorí an tlehhiitaán as slamángw hhitiruutaaká kuwa slawaan.

2 korinto 10:1

Ánuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata' gídaabá, aníng a heé da'ayusmo qoomár aníng bar dír geeraahúng i dirií', ala aníng a heé xaraásl qoomár án bir ti saáw dirhunge.

2 Tesalonike 2:2

gídaabá mutunduwa hhaawiís ar gaanslaay, laqaá mutunduwa dae tsaát ar iidíguudá' káh gídaabá deeloodár Aako hamí i hardát. Múk adoorír axweés, inooín ka xui aaru'uuma kana ár, laqaá axweesanaay kuna axaás oo amoorén daáhh, laqaá barwár kah ar gídaabá i amoorén dáhh.

Tito 3:2

Inooín muu mukuwa daandeemo axweés, ala inooín masók a múk wayda nee oo hhó', nee umuúqo daqto masók a múk tsatsaa'arén dír muu sleémeerowo.

Ebrania 10:25

Slám atén dinku'uumarén mawa mamaawaán, adoodá' muu bahh'alé i tlehhahhiti, ala masók tin kilootén harakeemisaán, ak alé as deeloodá' kawa tsahha' gídaabá naa naká/.

Ebrania 10:37

Asma Gooi i kat, “Alaá deelór niinawe kudá' hardáh niqo hardah, inós i kwahhaasiiká.

1 Petro 1:11

qooma gari leelehhít gídaabá qoomár muruuwí i tleehharuuti a gaalá, nee a qoomár adoomá. Asma Qeeruú Kristo, kudá' baraaín i dirií', iidíguú qoomaadá' gwa qaro geerí oó', nee slahha'amaayér Kristo i slay gari dir'ín i lamaabu'ún, nee xirfuú i slay aluudae.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kuungá' tawa múk Mungú firiiriím.

Geehhoeemaá 22:20

Kudá' muruuwí gu lamabu'uúm inós i kaahi, “Eeít, aníng ni hardáh ar gaanslaay.” Amin. Qwaláng, Aako Yesu.

Geehhoeemaá 22:7

“Ga/aaweek, aníng ni hardáh ar gaanslaay. Múk amohhoó' a kudá' axweesanoó aaru'uuma gwa oh, kudá' baraá kitaábuuwí i dirií'.”