Filipi 4:2 - Ya/abtór hho' 1977

² Aníng Euodia nee Sintike in firiím tiwa haraki/iya', masók muunuú wák ngun koná' baraá Aakoowo.

Biblía Axweesantá Hhohho' ar Mungú 2004

² Aníng Euodia nee Suntike in firiím tiwa haraki/iya', masók muunuú wák ngun koná' baraá Aakoowo.

Filipi 4:2 Iomraidhean Croise

Marko 9:50

“Diwi ka hhoo'. Ala diwi bar maamahhaywós aa faák, a sangw diwtooká. Gár ki qasa' a milá maamahhaywós iwa ki/i. “Adór diwi tleehhité' kuungá' baraá munerhunge, kuungá' kiloohúng ta waydúr hotá'.”

1 Korinto 1:10

Hhaee'eé', án kuungá' nu harhheehhe'eés ar aleesleemuudá' taa aníng i haniís nee Aakoorén Yesu Kristo gídaabá, kuungá' axweesanayhúng masók a wak. Slám miti partliitara'. Ala masók kuungá' a adór múk taa haragwaa', munerhúng tawa wak nee inslawaywo.

Filipi 3:16

Ala atén sleémeero gár tiwa hariím masók an kumiitaán ar digir wakeetingwdá' tara iimu/uumaán.

1 Tesalonike 5:13

Múk adór kwí ilaiwaa/a hhe'eesaak ar sla'aari as gadiyér'ín. Kuungá' wayda ar hootaak.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.