Filipi 4:12 - Ya/abtór hho' 1977

¹² Aníng bar aga /aarúw, gár tlaakw i káhh, barnaxes slaasláw iga wa tláhh, gár tlaakw i káhh sleeme. Umuúqo barto án ti amohhoó'. Bar aáx, laqaá bar qwariít, nee tam mura' bira wa tlaáhh, laqaá bira /aarúy, aníng ti amohhoó'.

Biblía Axweesantá Hhohho' ar Mungú 2004

¹² Aníng bar aga /aarúw, gár tlaakw i káhh, barnaxes slaasláw iga wa tláhh, gár tlaakw i káhh sleeme. Umuúqo barto án ti amohhoó'. Bar aáx, laqaá bar qwariít, nee tam mura' bira wa tlaáhh, laqaá bira /aarúy, aníng ti amohhoó'.

Filipi 4:12 Iomraidhean Croise

Matayo 11:29

Ingitir'eé' gawaá sum'ihúng i qaasaak, dir'eé' wa intsatsahhaak. Asma aníng ti tsatsa'aár, nee muunuúeé' ku gurhhoó'. Daqaní kuungá' amohhooa a sleerá' baraá munerhunge.

Matayo 13:52

Yesu giri báy, “Gawaá adoorihe umuúqo intsaahhatusmoó hara'ayár Musawo, oo sagalooá waawuti'iimár doori ga koóm, a slaqás nee heé do' loó', oo muruuwós kudá' /abén gu hanmiís, nee kudá' qarene.”

2 korinto 10:1

Ánuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata' gídaabá, aníng a heé da'ayusmo qoomár aníng bar dír geeraahúng i dirií', ala aníng a heé xaraásl qoomár án bir ti saáw dirhunge.

2 korinto 10:10

Asma kuungá' daqtakaaro laqaá a kata' gídaabá, “Paulo baraá barwaduuwose a heé xaraásl nee oo /uuruú koóm. Ala inós bar i dinkwa nee atén, inós a heé da'ayusmo, nee slám axweesantós gár i koon i káhh.”

2 korinto 11:27

Aníng aga daawimaamiít as gadiyér yaariir. Daqtá yaarire ana dalaá', nee slám ana slahhahhaá' as qwari nee waxe. Daqtá yaarire muruú /ayma ugwa slawiiká, ana slahhahhaá' as tsaaqwa nee /aankwets.

2 korinto 11:7

Qoomár aníng Ya/abtór hho' ar Mungú ngiwa alki/iít dirhunge, gár aníng naa ilaóh dirhúng wa ale i káhh, aníng tina niinaweés as kuungá' tawa múk urén tleehhita'. Aníng ana dakuúsi as adoorí naa tleéhh?

2 korinto 11:9

Qoomár aníng niwa amorhúng i dirii', gár iwa /aaruúr bir deer, aníng heé naa daawitimís dirhunge i kaahh. Asma hhaeedá' Makedoniár dahhá', muruudá'sleémeero aníng naa slaá' nguna huwiyé'. Aníng ilakaaharu una ló'wa tleéhh as aníng kuungá' munduwa diitsakwár ar áw. Nee slám aníng an adoodár kumaamiít.