Filipi 3:2 - Ya/abtór hho' 1977

² Ti harmagahhe' nee mukdá' oo adór seeaawe, sagadiyuuseedár muruú tlákw inslaaslaw, mukdá' slaqoo gi tlaquú wa slaá' ar al/utlo.

Biblía Axweesantá Hhohho' ar Mungú 2004

² Ti harmagahhe' dír mukduú adór seeaawe, dír sagadiyuuseedár muruú tlákw inslaaslaw, mukdá' slaqo gi tlaquú wa slaá' ar al/utlo.

Filipi 3:2 Iomraidhean Croise

WARA'AMI 119:115

Quutlé' dir'eene kuungaásingá' tlakuúse, asma hara'ayár Mungúeé' ngiwa oh.

WARA'AMI 22:16

Boohhár wakuuse iga harwét adór seeaawe, ya'aaeé' nee daba' kaa fooxamiís.

WARA'AMI 22:20

Aníng ba/amisáng dír paángaro, slafingw'eé' dír /uuruú seeaaweero.

Matayo 24:10

Kaangwí iri dukutsmo tleehhiit dír múk yaarire, tiri kilooín sakikii/iyá' nee tiri ahhiitiyá'.

Matayo 7:15

“Ti harmagahhe' nee mukdá' káh, ‘Atén a aaruuse,’ ala a loeeká, kudá' tlabaá bee/aangw nga tsiitiye', ala laatí baraaine a tawerú xaraásl.

Matayo 7:6

“Gár hhoohhoo' ma seeaawér i hanmiisara', asma inooín kuungá' nu i warqayá' nuwa kikiihhiya'. Slám miisli ma baynuú i kwakwaahhara', asma inooín mingiwa yaamí adaraahiyé'.”

Rumi 2:28

Asma hee barnaxes a heé Yahudi baraá muruú tlehhema'aá slaqwa kilós, inós a heé Yahudír kil'eeká. Slám al/utlo tidá' taa tleéhh gawaá slaqwa, a al/utlór kil'eeká.

2 korinto 11:13

Asma múk adoorí a ya/abuusér loeeká, ala a ya/abuusér lama. Inooín a múk gadiyér tleéhh ar al/ayma, nee slám inooín kilooín tin slaqsoó ya'abuusér Kristó tlehhiitiyá'.

Galatia 5:13

Ala kuungá', hhaee'eé', kuungá' tunduna ateét baraá lawaali'iimár Neetlángw wa ale as tawa hota' ar amohhooa. Ala a gídaabaheeká amohhooarhúng tisíng an ar hotá' as ilatleerír slaqwa kawa eeharahada'. Ala ti sagadiyuse' ar sla'aari.

Galatia 5:15

Ala kuungá' miti a'aawara' tiwa kikihha' nee tiwa tluu'uunda', asma adoorí bara tlehhé', ti kiloohúng hhaamisá'.

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár gídaabár koom a haratlintaao, tidá' ti laqaqaam ar sla'aari.

Filipi 3:19

Inooín i loohír i dirii'iyá', tidár baraá qwanoó kaw. Mungúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén xirif un ara'araán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

1 Timoteo 1:19

Mungú haratlintatieek, nee afoodá' hho' ar baraá muunuúwók kawa eeharahat. Kumiít baraá haratlintaaooroge nee afoodá' hho' ar baraá muunuúwók na iiár i qamimeek. Asma mukko i deer oo afór hho' ar baraá muner'ín gaa sii', haratlintaaor'ín dukuutse gari sleér, kari qwaareés.

Tito 1:16

Inooín ta kaahi atén Mungú u xuaán, ala inooín Mungú ku siaasii' ar tlehhemi'ii'ín. Inooín a múk aa dee/aanuut ló'wa ale, tam múk hatlá' in xinanii' as inooín. Tam gár hhoo' tleehhamooro ar i aleeslaya' i káhh.

2 Petro 2:22

Inooín a adór axweesantadár múk urén ar kah gídaabá, “Seeaay wa/ariwós gaa sakií/,” nee ar hatlá' i kat, “Baynimo bura hamátl, inós i malé kii/ baraá baa/ír i ale.”

Yuda 1:4

Asma muu i deer oo aa qawti dah. Mukwí kuna sakwasleemarí i gooín iimír aáng wa ale. Inooín a múk Mungú da'ayuumitaaká, slám a múk tsuuqaá Mungú harneét ar hotángw tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.

Geehhoeemaá 2:9

Aníng slahha'amaayeerók a xuú', nee liitlakweerók. Ala kuúng a daqaarmo. Nee slám a xuú' /ooslislíngw mukdá' káh, atén a múk Yahudi, ala laatí a inooineeká, ala inooín laatí a múk Neetlángw eeharahaár.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimiisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asla iwa ohahiin ar kiberiti. Gaarí an gwa'arár tsár.”

Geehhoeemaá 22:15

Amór tsee/aá gixsaro seeaawe i deer, nee múk da/aluuse, nee múk fuquuse, nee tam mukdá' múk tsuú/ nee mukdá' munguaá hatlá' haratlintaatií', nee mukdá' sleémeero oo axweesantá lama ga slaá' nee oo ga axweemamiís.

Geehhoeemaá 3:9

Ga/aaweek, mukko i deer oo Neetlángw eeharahaár. Inooín ta kaahi atén a múk Yahudi, ala laatí a loeká, ala inooín a lamuuse. Aníng mukwí ngu /uurutís as iwa amoorók i hardahi, nee iwa tumbarara'aati dír geeraawók i alé, as inooín ngiwa tsaahhiya' gídaabá aníng kuúng u slaá'.