Filipi 3:13 - Ya/abtór hho' 1977

¹³ Hháe, aníng a xuú' gídaabá gadaádá' aga i hardahiiká. Gár án ni tlehhiit a tí kilós, muruudá' naa alí geexáw un gunqareemiís, nee kuduú geeraaeé' i dirií' un i ti'i'iím.

Biblía Axweesantá Hhohho' ar Mungú 2004

¹³ Sla'aaruúse aníng adór gadaádá' ngira i hardihiiká a xuú'. Gár án ni tlehhiit a tí kilós, muruudá' naa alií geexáw un gunqareemiís, nee kudá' geeraaeé' i dirií' un i ti'i'iím.

Filipi 3:13 Iomraidhean Croise

WARA'AMI 27:4

AAKOÓ MUNGÚ ugwa firiím gár wake, hamí a tí ni leelehhiit. Masók a hoót Doó AAKOÓ MUNGÚ wa ale deelo sleémeero baraá hotaarir'eene, hhohhoartá AAKOÓ MUNGÚ ngiwa ga/aw, nee sla'aarirós ngiwa yaahamiis baraá Do'ós wá aleeró.

WARA'AMI 45:10

Dási, axaás, qaytsiít, iiarók qaaseek, mukók gunqaareeseek nee doó baabuúwók sleeme,

Luka 10:42

Ala gár slahhaa' a wak kilós. Mariamu gana tsawát tidaádá' hhoo', tidá' ta hingeesiiká dirose.”

Luka 9:62

Yesu iri oó', “Heé kurumoó doosla gwa oh, aluuwo iri alí qaytsiit, waawuti'iimár Munguhe gár i bui i káhh.”

2 korinto 5:16

Gawaá adoorihe atén hee u tsatsahhaamaanaaká daxta ar adór slaqwa. Aáng atén Kristo una tsaahhaán ar adór slaqwa, ala tam adoorihe hamí u adoodár tsatsahhaamanaaká.

Filipi 2:12

Sla'aaruuser'eé', án qoomár niwa dirhúng i dirii', kuungá' axweesantaeé' ana ilaiwawa/é' umuúqo daqto. Ala a gár gídaabár koom tawa adoodár kumita' tam qoomár án niwa kaahh. Gadiyeét tleehhaak ar dae nee ar daaraxaay, as ba/amarhúng kawa boo/esa'.

Filipi 3:12

Aníng a kaahaaká gídaabá aníng amoodá' ta i qwaatlaan aga i hardáh qaroó alé, slám a kaahaaká gídaabá gan'amu ugwa qaroó sláw. Aasla'áy. Ala ilakaaharu un tlehhiít niwa kumiit as niwa hardah nee gadaádá' ngiwa oh, tidaádá' ar Kristo Yesu isa ateét, qoomár iwa óh.

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár gídaabár koom ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as Kristo nguwa slaw,

Ebrania 6:1

Gawaá adoorihe intsaahhasadá' sleémeero ar iimu/uuma daanduú Kristowo masók an alí geexawaán, nee tari geerí kumiitaán baraá intsaahhasadár hee gu kwa/as baraá slafíngw qeeruuwo. Atén a sla'aanaaká kawa malé inki/aan intsaahhasadár iimu/uuma, gídaabá, hee iwa hhu'u'un as tlehhma'aá slafa'aaká ngiwa may, nee Mungú nguwa haratlintii'i;

2 Petro 3:8

Sla'aaruuser'eé', gaarí wák ma gunqareesara'. Dír Aakoowo deelór wák a adór kureeraá kumuú wák, nee slám kureeraá kumuú wák a adór deelór wák dirose.