Filipi 3:11 - Ya/abtór hho' 1977

¹¹ Asma gár án ni haraxuu' masók a niwa waaslee/ baraá múk aa qaátl wa ale.

Biblía Axweesantá Hhohho' ar Mungú 2004

¹¹ Aníng masók harahhifo a koóm ar tiwa waaslee/atisi baraá múk aa qaátl wa ale.

Filipi 3:11 Iomraidhean Croise

WARA'AMI 49:7

Ar looeemawo hee kilós ba/amisaro ti aleeslayká, tam gár i haniisi kitángw slafiingose i káhh dír Munguhe.

Luka 14:14

Kuúng daqaní amohhooa a sleér, asma kuká' gár ur buiya' i káhh. Bu'utuuwók a bál waasle/uú múk gan'amká koóm.”

Yohana 11:24

Marta iri ó', “A xuú' gídaabá i waaslee/ baraá waasle/uwo bál deelór alhhe'eesaywo.”

Tlehhema'aá ya/Abuuse 23:6

Paulo ngiwa tsaáhh gidaabá baradae bahh'alé a múk Sadukayo nee bahh'alé a múk Farisayo, iri tseé' ar afór ur baraá doó kwasleemár wa ale, iri oó', “Hhaee'eé', aníng a heé Farisayo, garmoó heé Farisayo. Aníng tin sakwasleemuut asma haraxu'utír ni koom gídaabá, múk aa qaatl ku waaslee/atis.”

Tlehhema'aá ya/Abuuse 26:7

Al'axweesantí tlahhi'iirén kudá' mibá nee tsár sleémeero ngin daamaraná' ngiwa i hardahiya', tawa Mungú sluufimamiisi ar inkihhimu tlaatla/aangw nee xweeraawo. Waawútmo! Aníng gár tiwa sakwasleemuuti nee múk Yahudi a daanduú haraxu'utirí.

Tlehhema'aá ya/Abuuse 27:12

Ala didaádá' ta i dirii'i i hariindaaká hotaango qoomár tsaaqwaaro. Gawaá adoorihe múk yaariír iri oó', “Gusé', waarahhamu bura aleeslawaán a waarahhaán ay Foiniki, as tawa hootaan qoomár tsaaqwaro.” Didá' an afaá tlawi awa yaamaá Krete. Diirí ina ganá' /iikwá al da/aáw; nee slám ina ganá' baskwá al da/aáw.

Rumi 11:14

Asma aníng gár ni slaa' a masók múk xooror'eé' gur'ee gun ót, as bahh'alé ngiwa ba/amis.

1 Korinto 15:23

Ala umuúqo heewo nee qoomaarós. Kristo an bu'ungwdá' aa giirin. Nee gár aluudá' gi haar a mukós, qoomár inós binda kií/.

1 Korinto 9:22

Dír mukdá' haratlintaao niinawe, aníng tina tleéhh tawa adór heé haratlintaao niiná, as mukdá' haratlintaao niiná nguwa slaw. Gawaá adoorihe aníng tina tleéhh tawa adór umuúqo heewo dír inooín sleémeerowo, as umuúqo loohi ngiwa leelehhiit ar muu bahh'alé nguwa ba/amis.

1 Korinto 9:27

Asma aníng gár ni tuu'uut a slaqwte'eé', nee slaqwte'eé' ngiri baál, as masók anuúwí Ya/abtór hhó' alki/aa/iít amór múk hatlá' i alé, aníng mitiwa sií'.

2 korinto 11:3

Aníng a da'ayumiít gídaabá kuungá' tundu al/aay baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshimooduú al/aymusmo aáng Efa ngira al/aáy.

1 Tesalonike 3:5

Gaarí an gár aníng Timoteo ngusa ya/aáw, asma aníng qitla una harslaaqaát, ana xu'utír wa slaá' gídaabá, xáda xáy haratlintaaorhúng Neetlaangw gura bá/i, kudá' kuungá' nu iiara'ár, laqaá gadiyeédá' atén taa tleehhaán sleémeero aa gadiyér tawo tleehhít.

2 Tesalonike 2:3

Umuúqo heewo munduwa al/aáy ar umuúqo loohiro. Asma deeloodá' i hardatká ay dír dee/aanuudá' Mungú kuwa si'i ay dír ni iimu/un, nee Heedá' Tlaákw, kudá' ta sakwasleemuuti, ay dír i geehhoouy.

2 Timoteo 4:8

Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamangwí gu sláw a aníng kilooeeneeká, ala tam kudá' sleémeero awa hardahamuuwós ngu haraxuuá' ar qwal/amaaye.

Ebrania 11:35

/Ameena bahh'alé muk'ín kudá' aa qaatl guna sleér, tinda waasleé/ baraá múk aa qaátl wa ale. Bahh'alé kiri slahhe'eemiís kángw kilá' wa ale, tam kiri tsuú/, ala kaa slaiiká kiwa ba/amisi asma gár ta slai a waasle/uudá' ak hhoó' kun sláy.

Geehhoeemaá 20:5

Nee múk aa meet baraá mukdá' aa qaátl i alé, aa múk slaáf tleehhitiiká tam ay dír kureeridá' kumuú wák i boo/iya'. Gaarí an waasle/uú geera.