Filipi 3:10 - Ya/abtór hho' 1977

¹⁰ Gár án ni léelehhiit a wak kilós. A tí gídaabá Kristo nguwa xuu', /uuruú waasle/uuwós nguwa slaw, nee niwa haragwaa' nee inós baraá slahha'amaayeerós i alé. Nee aníng tawa adór inós baraá gwa' araarose.

Biblía Axweesantá Hhohho' ar Mungú 2004

¹⁰ Gár án ni leelehhiit a wak kilós. A Kristo nguwa xuu', nee /uuruú waasle/uuwós nguwa slaw, nee niwa haragwaa' baraá slahh'amaayeerós i alé. Nee aníng tawa adór inós baraá gwa'araarose.

Filipi 3:10 Iomraidhean Croise

Matayo 20:23

Yesu giri báy, “Slahha'amkwá án ni slaw, uqo sleerá', ala kángw kuungá' tawa iwita' heeqá' dakw'eé' oo doó /iyáy, kuqá' dakw'eé' oo doó basáy, kangwsíng a kwe'eeneeká. Ala kiteeridá' ki haniis dír mukdá' kisa amohhe'ees nee Baabuúeé'.”

Yohana 10:18

Heé slafingw'eé' gu hingeés i kaahh. Ala a ánuú kilá' un haniís. Aníng aleesleemu u koóm oo slafingw'eé' nguwa haniis. Nee slám aleesleemu u koóm oo nguwa slaw malé alé. Adoorí an adoodá' Baabuúeé' naa hara'ayín tlehhmuuwo.”

Yohana 17:3

Nee slafíngw alhhe'eesay wásl an kwí, kuúng uwa xuiya', Mungúduú ló', kudá' wák, nee Yesu Kristo, kudá' naa ya/áp.

Rumi 8:17

Nee atén barnaxes a na/'ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' gídaabá a slahhaahha'aán dinkwa nee inós. Daqaní atén xirif u slawaán sleeme dinkwa nee inós.

Rumi 8:29

Asma iimír aáng, qoomár inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariir.

Rumi 8:36

Asma kaa gooín gídaabá, “Atén tin tsuu/ umuúqo siiwaro as kuúng, tin harafadiit tawa adór bee/ángw tsu/uta.”

2 korinto 1:10

Inós atén taa ba/amís baraá tsaxwaá gwa'arár adór tí, nee slám ti malé ba/amis. Atén haraxu'utirén aga gawaawós i qaasaán, gídaabá inós i kumiit atén tiwa ba/amiimisi.

2 korinto 1:5

Asma adoodá' slahhe'eemisuú Kristo ir buhhabuhhi amoorene, adoorí an adoodá' gurkwa/amis sleeme ir tlahhatlahhi sleeme amoorene ar loohír Kristo.

2 korinto 13:4

Ar ló' inós kuna kikií' gawaá msalaábár i alé as daqaatlakwe, ala inós i slaaf ar /uuruú Mungú. Adoorí an adór atén tay diriiaan sleeme. Atén ti daqeetlákw adoodár inós wa ale, ala a hootaán dinkwa nee inós ar /uuruú Mungú. Adoorí kuungá' aqo aandá'.

Galatia 2:20

Án nee Kristo tina alkikií'. Aníng daxta a slafaaká, ala Kristo in slaaf baraaeé' wa ale. Slafiingwí nir hoot baraaká' yaamuuwo a kudá' nir hoot baraá haratlintaaór Garmoó Mungú nguwa haratlintii'. Asma inós aníng ina slaá', slafiingós guri haniís as aníng.

Galatia 6:17

Iimír hamí aníng hee miwa sangw daawiitiís, asma aníng a mulkoó Yesú koóm gawaá slaqwte'eene.

Efeso 4:13

Nee gawaá adoorihe atén sleémeero wakleeli'iima a i hardahaán as Garmoó Mungú ugwa haratlintiaán nee ugwa xu'uti hhe'eesaán, tam atén tari kwa/aán baraá heeuumarene, ar uraydá' ta slawaan as tawa ganaa'aan baraá Kristowo.

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár gídaabár koom ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as Kristo nguwa slaw,

Kolosai 1:24

Hám daxta a qwalalaá/ asma tiwa slahhe'eemisi as kuungá'. Án baraá slaqwte'eene birti slahhe'eemiis, a slahhe'eemisuú Kristo un boo/eemiís, kudá' aa meet baraá slahhe'eemisuuwós as slaqwtós. Slaqwtós gídaabárós an múk Kríshaanáy.

Kolosai 2:13

Kuungá' aáng a tu'u, as tlakweemaahúng wa ale, nee asma sleeme tunduna hheehhe'eesiiká, asma kuungá' tawa múk xoordaá hatlá'. Ala hám Mungú kuungá' sleeme naa slafís dinkwa nee Kristo. Mungú tlakweemaarén sleémeero gina gurtláy,

Kolosai 3:1

Kuungá' tunda al waaslee/atís dinkwa nee Kristo. Gawaá adoorihe muruuduú gawaá doori na leelehhiitaak, amoodá' Kristo i dirii'i, aa iwiít dákw doó /iyáy oo Mungú.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír qoomár Yesu Kristo nguwa waaslee/atís baraá múk aa qaátl wa ale, as atén haraxu'utír slafiingw kawa slawaan.

2 Petro 1:13

Án ngi slaá' a gár hariím aníng kuungá' nuwa inslawtimis umuúqo daqto daanduú muruuwihe qoomaarí án niwa slaaf.

1 Yohana 2:3

Hara'ayaarós bara oohaán, daqaní aga tsaahhaán gídaabá ugwa xuaán.

1 Yohana 2:5

Ala heé axweesantá Mungú gaa oh, baraawose sla'aarír Mungú aa tleehharút ló'wa ale, adór atén tar hootaan dinkwa nee Mungú, kay tsaahhaán.

Geehhoeemaá 1:18

kudá' slaáf. Aníng geeraawo aga gwaá', nee qaytsiít hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar didár múk aa qaatl.