Filipi 3:1 - Ya/abtór hho' 1977

¹ Alhhe'eesaywo gár án ni oo', hhaee'eé', qwalala/é' baraá Aakoó wa ale, aníng a slaaqaataaká gooiro tidá' naa qaroó dirhúng i gooiím, asma dirhunge i gídaabár koón ngiwa inkii/.

Biblía Axweesantá Hhohho' ar Mungú 2004

¹ Alhhe'eesaywo gár án ni oo', hhaee'eé', qwalaala/é' baraá Aakoó wa ale, aníng a slaaqaataaká gooiro tidá' naa qaroó dirhúng i gooiím, asma i qoón dirhunge ngiwa inkii/.

Filipi 3:1 Iomraidhean Croise

WARA'AMI 149:2

Israeli tleehharusmooín ngu saqwalala/iyé', na/'aá Sayuni Waawutmooín ngu sa baraa/iye'.

WARA'AMI 32:11

AAKOÓ MUNGÚ sa qwalala/aak, i baraa/aak, kuungaásingaá hota ganaa'á'. Ururu'umisé' ar qwala/ kungaásingaá sleémeero mune gan'ayen.

WARA'AMI 33:1

AAKOÓ MUNGÚ sa baraa/aak, kuungaásingá hotaa ganaa'á'. I hariín múk mune hhohhó' AAKOÓ MUNGÚ kuwa xirfayeemisi.

WARA'AMI 37:4

Qwal/uuwók baraá AAKOÓ MUNGÚ tiwa sleer, daqaní inós tidá' kuú ta sla' baraá muunaáwoge ngi haniis.

WARA'AMI 42:4

Qoomár bar muruú aáng ugwa insláw, muunuúeé' in gurhaamuut. Asma qoomadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw sluufaay.

WARA'AMI 5:11

Ala kudá' sleémeero na amoorógí guwiye' i qwalala/iye'. Daqisleém i daaiye' ar bara/. Inooín kuúng na de'eemeek. Kudá' umuuwók ngu sla'á', kuúng un sa qwalala/iyá'.

WARA'AMI 97:1

AAKOÓ MUNGÚ i waawuti'ii'ín, yaamu i qwalala/iye', yaamudaá baraá tla/eeraá tlabeemo i qwalaa/iye'!

Matayo 5:12

Qwalaala/é' nee baraa/é', asma slaqwerhúng ka ur gawaá dooriiwo. Asma adoosíng an adór aaruuseedár aáng kaa /imiís.”

Luka 1:47

nee qeeruueé' in Mungú saqwalalaa/, Ba/amusmooeé',

Rumi 5:11

Ala a har adoorí kiloseká, ala atén Mungú un sa qwalala/aán sleeme baraá Aakoorén Yesu Kristo, kudá' atén taa haraki/is dír Mungú i alé.

2 korinto 13:11

Hám daxta, hhaee'eé', aláhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Mungúduú sla'aari nee oo wayduú hanmaamiís i dinkwa nee kuungá'.

Efeso 6:10

Gimsé', ilakaaharu tleehhaak baraá Aakoowo, nee baraá aleesleemuú /uuruuwose.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén xirif un ara'araán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

1 Tesalonike 4:1

Hháe, kuungá' aga intsahhé' diirén wa ale adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu gídaabá, slafíngw adór kwisíng ba/a ar hootaak.

1 Tesalonike 5:16

Qwalaala/é' daqisleém.

Yakobo 1:2

Hhaee'eé', kuungá' iiara'aduú dimbadimbé bura sleeré', kuungá' harafaaraak tawa qwal/uú úr dirhunge.

1 Petro 3:8

/Aymuú alhhe'eesaay a kwí, “Kuungá' sleémeero masók a múk ti kaangw axamiís, nee múk gurtleemuú ara'ár, nee slám hhae na sla'asla'aak. Kuungá' masók a múk gurtleemuú koóm, nee múk ti kilooín niinaweemiís.

1 Petro 4:13

Ala kuungá' qwalala/é' as adoodá' slahha'amaayér Kristo kawa tsaqé', as kuungá' tawa qwal/amaaye hhe'esa', qoomár xirfuuwós kuwa geehhooutís.

2 Petro 3:1

Sla'aaruuser'eé'. Barwaárí án ni kuungá' i gooiim ar tsár. Gawaá barwaduuká' tsaraawo aníng muruuwí nguna inslawtimís, as inslawoó hhohhó' nguwa daarkitis baraá munerhunge.