Filipi 2:5 - Ya/abtór hho' 1977

⁵ Kuungá' masók muunuú adór kuduú Kristo Yesu un koondá'.

Biblía Axweesantá Hhohho' ar Mungú 2004

⁵ Kuungá' masók muunuú adór kuduú Kristo Yesu un koondá'.

Filipi 2:5 Iomraidhean Croise

Matayo 11:29

Ingitir'eé' gawaá sum'ihúng i qaasaak, dir'eé' wa intsatsahhaak. Asma aníng ti tsatsa'aár, nee muunuúeé' ku gurhhoó'. Daqaní kuungá' amohhooa a sleerá' baraá munerhunge.

Luka 22:27

Ala heé úr a gaalá? A kudá' aa iwiíti dír muruú /ayma, laqaá kudá' gu sageqasmiís? Ahaá, a kudá' aa iwiítiíke dír muruú /ayma? Ala án dirhunge a adór sagadiyusmo.

Tlehhema'aá ya/Abuuse 10:38

Kuungá' iidíguú Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hii'imiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahhe'eemiís. Asma inós nee Mungú a dinkwa.

Tlehhema'aá ya/Abuuse 20:35

Baraá muruú yaarire aníng ngaa laqaám gídaabá, gár atén tiwa hariím, a liitlakuuse an alee/iisaán, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa káh gídaabá, ‘Qwala/ i deer baraá gaa haniisaro ta baraá gaa ilaooharo.’”

Rumi 14:15

Kuúng barnaxes hhiyaawók ugwa gurhaamír i qás as muruú /aymár ta /ak, daqaní kuúng a baraá sla'aarír wa hotká. Muruú /aymaarók hhiyaawók munguwa qwaareés, asma Yesu hhiyaawók kudá' guna sa gwaá'.

Rumi 15:3

Asma Kristo sleeme inós taa kilós sla'atisiiká. Ala inós gooirí gana boo/eés, tí kah gídaabá, “Niqimisuudá' kuúng tura niqimiís nee muu, aníng una sláw.”

Rumi 15:5

Qitla nee gurkwa/amis amór i dahhi a amór Mungú. Gawaá adoorihe Mungú kuungá' nu alee/iisi as tawa hota' ar muunuú wák, ar Yesu Kristo kuwa eeharahada' ar adoodá' inós ira hoót.

1 Korinto 10:33

Ala adoodá' aníng ni tlehhiit, kuungá' sleeme na tleehhaak. Asma aníng umuúqo heewo un sla'atisár wa slaá' baraá mura' sleémeerowo, kudá' ni tlehhahhiit. Gadaádá' aníng i gaa wa buu' a leelehhiitaaká, ala a gadaádá' múk yaariír gu gaa wa buu' an leelehhiít, as inooín masók ki ba/amis.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís as atén, ilahhooár Mungú wa ale, tidá' ta da/i, ar xarángw tsuú' koom.

Filipi 1:1

Ánuú Paulo nee Timoteo, sagadiyuusér Kristo Yesu, barwaárí ngina gooiimaán amór múk hhohhó' oo Mungú sleémeero oo baraá Kristo Yesu oo baraá Filipír i dirií', dinkwa nee geeraharuuser'ín nee sagadiyuusér múk Kríshaanáy.

1 Petro 2:21

Gaarí an gár kuungá' tundusa ateét. Asma Kristo inós kuna slahhe'eemiís as kuungá', inós iri slaqsaay tleehhiít as kuungá' digiruuwós kuwa eehada'.

1 Petro 4:1

Kristo slahhe'eemisuú slaqwa gwa sa qiqtlín. Gawaá adoorihe kuungá' sleeme gár tunduwa hariím a inslawoó adoorí un koondá' gídaabá, heedaádá' slahhe'eemisuú slaqwa gwa sa qiqtlin, inós taa paraátl dír tlakweemaawo.

1 Yohana 2:6

Heé káh, inós nee Mungú a dinkwa, gár kuwa hariím, a adoodár Kristo inós sleeme gan ar hoot.