Filipi 2:21 - Ya/abtór hho' 1977

²¹ Awa hatlá' sleémeero muruú ta leelehhiiti a muruuín kilooín ala a gadiyér Yesu Kristoowooká.

Biblía Axweesantá Hhohho' ar Mungú 2004

²¹ Awa hatlá' sleémeero a muruuín kilós ngun leelehhitiyá' ala a gadiyér Yesu Kristoowooká.

Filipi 2:21 Iomraidhean Croise

Matayo 16:24

Qoomaadár kilae Yesu eeharuuseerós gari báy, “Umuuqo heewo oo aníng i eehartá wa slaá' gar kuwa hariím a sla'aarirós gan gunqarees, nee msalaábarós gari gagaar, aníng iri eehaar.

Luka 14:26

“Hee barnaxes naa hardáh amor'eé', nee inós bar baabuúwós gwaa aahhiiká, nee aayoorós nee hareerós nee na/'iiwós, nee hhaaeewós, nee slám inós kilós birta aahhiiká, i eeharusmooeé' tleehhiitiiká.

Tlehhema'aá ya/Abuuse 13:13

Paulo nee mukós tari tsa/án gawaá miringamo, tari tláy Pafór wa ale, tari hardáh ay Perge baraá yaamaá Pamfilia. Yohana giri geexáy, iri kií/ ay Yerusalemu.

Tlehhema'aá ya/Abuuse 15:38

Ala Paulo gaa slaiiká kuwa huwi, asma adoodá' aáng ngiwa geexáy Pamfiliár i aleeró, baraá gadiyeét.

1 Korinto 10:24

Hee tidá' inós i slai mingiwa leelehhiít, ala masók a tidá' heé hatlá' gu alee/iis gan leelehhiit.

1 Korinto 10:33

Ala adoodá' aníng ni tlehhiit, kuungá' sleeme na tleehhaak. Asma aníng umuúqo heewo un sla'atisár wa slaá' baraá mura' sleémeerowo, kudá' ni tlehhahhiit. Gadaádá' aníng i gaa wa buu' a leelehhiitaaká, ala a gadaádá' múk yaariír gu gaa wa buu' an leelehhiít, as inooín masók ki ba/amis.

1 Korinto 13:5

Sla'aari i ilaiwa/amér koón, i qahángw koondaaká, i buhhabuhhká, i tlakweemaá faditaaká.

2 korinto 1:5

Asma adoodá' slahhe'eemisuú Kristo ir buhhabuhhi amoorene, adoorí an adoodá' gurkwa/amis sleeme ir tlahhatlahhi sleeme amoorene ar loohír Kristo.

Filipi 2:4

Muruú múk hatlá' i slai na leelehhiitaak, ala a muruudá' kuungá' ta sla'a' kiloseeká.

2 Timoteo 1:15

Kuúng a xú' adór mukduú baraá yaamaá Asia ira geexáy sleémeero, tam Figelo nee Hermogene sleeme.

2 Timoteo 3:2

Asma qoomaadá' binda hardát, muu a múk ti kilooín slaá'. Slám muu a múk peésár slaá', nee a múk ti kilooín xirfayeemiís. Muu a múk daara/aám, nee a múk múk /ooslisliím, nee múk xwaylitér'ín ilaiwawa/aaká, nee múk sluufaay wásl. Nee slám a múk hhohhoeká.

2 Timoteo 4:10

Asma Dema muruú yaamu guna slaá', aníng iri geexáy, iri tláy ay Tesalonike. Kreske aa yaamaá Galatiár i tláy. Tito sleeme aa yaamaá Dalmatiár i tláy.

2 Timoteo 4:16

Heé aníng iga lamabu'un i kaahh tam oo wák baraá kwasleemar'eene bál har geeraawo. Ala sleémeero ina geexayé'. Ala tlakweemaaká' mikiwa daandeemooín i harafaár.