Filipi 2:2 - Ya/abtór hho' 1977

² Ala bar adoosíng, muunuú wák koomaak, as qwal/uueé' iwa boo/i. Kuungá' kiloohúng ti sla'aslae', dinku'uumár baraá qeeru koomaak, nee umuúqo daqto ti axweesanaay axamise'.

Biblía Axweesantá Hhohho' ar Mungú 2004

² Ala bar adoosíng, muunuú wák koomaak, as qwal/uueé' iwa boo/i. Kuungá' kiloohúng ti sla'aslae', dinku'uumár baraá qeeru koomaak, nee umuúqo daqto ti axweesanaay axamise'.

Filipi 2:2 Iomraidhean Croise

WARA'AMI 122:8

As daanduú hhaee'eé' nee mar'eefoeene, aníng an oo' dir Yerusalemu, “Wayda masók i baraawók!”

Yohana 3:29

Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiár i qamín, slám afór heedaádá' duuxuxuúm gan sa qwalalaa/. Gawaá adoorihe qwal/amaayer'eé' aa bó/.

Tlehhema'aá ya/Abuuse 1:14

Mukwí sleémeero ina hoót ar muunuú wák baraá firooro, dinkwa nee /ameena sleeme, nee Mariamu aayór Yesu, nee hha'aá Yesu.

Tlehhema'aá ya/Abuuse 2:1

Bál deelór Pentekoste iwa bó/, inooín sleémeero ta dír wák i dirii'.

Tlehhema'aá ya/Abuuse 2:46

Umuúqo deelooro tari dogiitiyé' ar muunuú wák baraá Doó Mungú wa ale. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Tlehhema'aá ya/Abuuse 5:12

Laya nee muruú yaariír oo waa/oo/amór koóm iri tleehharuút ar dabaá ya/abuuse, tla/ángw múk wa ale. Nee mukdá' haratlintaauuse sleémeero tari dinku'umiís ar sla'aari baraá matla/ángw Sulemani.

Rumi 12:16

Kuungá' masók ti kiloohúng axweesani slasleerá'. Kuungá' uraay mu leelehhiitara', ala masók tin niinaweemisá'. Kuungá' miti kiloohúng harafadiitara' gídaabá tawa múk sagalooár koóm.

1 Korinto 1:10

Hhaee'eé', án kuungá' nu harhheehhe'eés ar aleesleemuudá' taa aníng i haniís nee Aakoorén Yesu Kristo gídaabá, kuungá' axweesanayhúng masók a wak. Slám miti partliitara'. Ala masók kuungá' a adór múk taa haragwaa', munerhúng tawa wak nee inslawaywo.

2 korinto 13:11

Hám daxta, hhaee'eé', aláhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Mungúduú sla'aari nee oo wayduú hanmaamiís i dinkwa nee kuungá'.

2 korinto 2:3

Gaarí an gár aníng kuungá' nusa barwaádá' i gooiím. Asma aníng aga slaiiká niwa hardah amorhúng i alé, nee kuungá' aníng iri gurhaamír ar eerá'. Asma kuungá' gár tunduwa hariím geeraawo a aníng in qwal/atisá'. Asma aníng a xuú' gídaabá aníng bar aga qwalaá/, kuungá' sleémeero a qwala/á' sleeme.

2 korinto 7:7

Ala a as hardahamuuwós kiloseeká, ala tam gurkwa/amisuudá' inós aa dirhúng wa sláy. Asma inós iidíguuhúng nguna diirén i alki/iít gídaabá, kuungá' a ló'wa sla'á' aníng iwa aanda', nee slám adór kuungá' tar gurhaamutá', nee adór kuungá' aníng ir aleekal/aandá'. Gawaá adoorihe, aníng niri ló'wa qwalaá/.

Filipi 1:4

Qoomár barnaxes a firiiriím, án kuungá' sleémeero nun aleefiraariím ar qwala/.

Filipi 2:16

asma kuungá' Ya/abtór hho' ar slafiingw an alki/itá' dir'ín i alé. Gawaá adoorihe kuungá' a xirfuueé' bál deeloodár Kristoowo, asma aníng aga tawó ti'i'iimiiká, laqaá aga tawó daawiimiitiiká gadiyeede.

Filipi 2:20

Heé hatlá' i kaahh oo nee aníng ti kaangw slawá' oo inós gu baá/, slám heé hatlá' i kaahh oo kuungá' nu sa daawiimiít adór inós wa ale.

Filipi 4:2

Aníng Euodia nee Sintike in firiím tiwa haraki/iya', masók muunuú wák ngun koná' baraá Aakoowo.

Kolosai 2:5

Ala án tam kahha dirhunge slaqwto, ala a al dinkwa nee kuungá' ar baraá qeeru. Aníng a ló' wa qwalalaá/ asma aga tsaáhh adór slafingwhúng kur hhohhó', nee haratlintaaorhúng adór ir /uuruú koón baraá Kristoowo.

2 Tesalonike 2:13

Hháe, kuungá' Aako nu slaa', nee atén gár tiwa hariím a Mungú un sluufimisaán umuúqo daqto as kuungá'. Asma Mungú kuungá' nuna tsawaár iimír iimu/uungo as ba/ama kawa sleera' ar loohír Qeeruú hhoohhoó', kudá' kuungá' nu hhoohhooeemiís, nee ar loohír looeema kiwa haratlintié'.

2 Timoteo 1:4

Hhirhheeriwók bira insláw, aníng gár ni slaa' ló'wa ale a kuúng un ár, as kahhoó' muunuúeé' i haats qwal/uuwo.

Filemoni 1:20

Ala hhiyaaeé', gár ni slaa' bu'utuuwo a tí, Alee/iisáng gawaá kaangwihe ar loohír hariím baraá Aakoowo. Muunaáeé' qwal/aseek ar baraá Kristo.

2 Yohana 1:4

Ana qwalaá/ ló'wa ale asma na/'iiwók bahh'ale i baraá looeemaá i dirii'iyá', adoodá' Baabá tira hara'ayín.

3 Yohana 1:4

Qwal/amaayér ur ar tí ga baa/ i káhh, tí naa axaás ar gídaabá na/'iieé' i baraá looeema.