Filipi 2:13 - Ya/abtór hho' 1977

¹³ Asma Mungú in baraahúng wa gadiyuus. Inós nun munér i hanmiis ar muruudá' i slai kuwa sla'a' tleehhamooro. Nee /uuru sleeme ngun hanmiis oo tidá' inós i slai kawa tlehha'.

Biblía Axweesantá Hhohho' ar Mungú 2004

¹³ Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

Filipi 2:13 Iomraidhean Croise

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

WARA'AMI 119:36

Sla'aarír ló' ar axweesantók baraeéní tleehhang, ta daqaari'iima ngiwa ilatleeruusa.

WARA'AMI 141:4

Muunuúeé' mu amór tlehhmuú tlaákw xu'usar, tlehhma'aá tlakw miwa intsaáhh, nee múk tlakweemaá tlehhahhiít mawa aldinku'usaán, tam muruú /aymar'ín kuduú gi'i muwa /aáy.

Luka 12:32

“Ma da'ayumitaara', kuungá' awa daqtá niina. Asma Baabuúhúng gaa slaá' waawuti'iimadá' ngiwa haniisi.

Luka 2:14

“I xirfuuti Mungú Gawtí dirií', nee wayda ni baraá yaamí hardihi dír mukdá' aa gurtleemuú i haniís.”

Yohana 3:27

Yohana iri oó', “Hee gár i slay i káhh birkinga haniisiiká amór Mungú wa ale.

Yohana 6:45

Kaa gooín baraá gooír aaruuseero gídaabá, ‘Muu sleémeero ku intsaahhatis nee Mungú.’ Gawaá adoorihe, umuúqo heewo oo Baabá gwa axaas, nee gari intsatsaahh amoorós wa ale, i amor'eé' hardah.

Yohana 6:65

Yesu iri oó', “Gawaá adoorihe gaarí an gár án kuungá' nusa báw gídaabá, ‘Hee i kaahh oo hardahamuú amor'eé' gu aleesláw burkwa aleesleemuú i haniisiiká nee Baabuúeé'.’”

Tlehhema'aá ya/Abuuse 11:21

/Uuruú Aako i gawaaín i dirii', nee múk yaariír Aako guna haratlintií' guri i warqáy.

Rumi 12:3

Mungú aníng ina aleesleemuú i haniís. Gawaá aleesleemuuwí án naa slawi, án umuúqo heewo dirhunge un ádbabáw gídaabá, “Kuúng miti kilók harafadiitaar tawa heé gídaabár koóm ta adoodá' kuúng ti dir'a. Ala kuúng masók fuquraangók unar inslasleér, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.”

Rumi 9:11

Qoomár daaqaywí kuwa laqwalinká, qoomár gár hhoo' laqaá gár tlaakw ar taa tleéhh iwa kahh, qoomaadaádae Mungú Rebeka gari báy, “Garmoó úr garmoó niiná gu sagadiyuus.” Adoodá' Mungú aa slaá', nee adoodá' aa tsawaár, an adoodá' warqawaaká. Asma tsawdór Mungú gár i eeharahat a tlehhema'aá mukooká, ala gár i eeharahat a ateetamór Mungú.

Rumi 9:16

Ala gawaá adoorihe gurtleemuú Mungú a gídaabaheeká kun slasláy as adoodá' hee i slai, laqaá as ilakaaharuú qwaatloorós, ala kun slasláy as adoodá' Mungú i slai daanduú heewo, Mungúdá' gurtleemuú hanmiís.

1 Korinto 12:6

/Uureeraá dimbadimbé awa gadiyuusá' i dayá', ala Mungúdá' gadiyeédá' sleémeero ga tlehhahhiít, inós a wak kilós.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa dir'eé' i haniís a tawoorooká. Ala aníng gadiyeét ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwár i diriia' nee aníng.

2 korinto 3:5

Asma atén kilootén aleesleemuú taa koomaan i kaahh. Gawaá adoorihe atén a ooanaaká gídaabá gaarí a gadiyér atén taa tleehhaan. Aleesleemuurén dír i dahhi a dír Mungú.

Efeso 1:11

Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

Efeso 1:5

Asma baraá sla'aarirose atén tina tsawaár iimír aáng wa ale tiwa na/'iiwós tleehhi ar loohír Yesu Kristo. Adoorí an adoodá' inós aa slaá' baraá muunaáwose.

Efeso 1:9

Inós atén tina sla'aarirós i laqán, tidá' taa luú/, tidá' aa slaá' boo/eesaaro. Adoorí gana tleéhh ar baraá sagalooarós nee xu'utirós sleémeero. Al'axweesani gana oó' adoorí ngiwa boo/eesi ar baraá Kristo.

Efeso 2:8

Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

2 Tesalonike 1:11

Gawaá adoorihe gaarí an gár kuungá' atén nus aleefiriiriimaan umuúqo deelooro, gídaabá Mungú kuungá' nu harafaari tawa hariinda' ateetamoorose. Kuungá' a hhooeemaá sla'á'. Atén Mungú un firiiriimaán gídaabá inós hhooeemaasíng ngi boo/eesi baraá munerhunge. Nee slám gadiyérhúng tidá' sleémeero ar haratlintaao ngiwa boo/eesi.

2 Timoteo 1:9

Inós atén tina ba/amís, tiri ateét ar ateetamór hhohho'. Adoorí gana tleéhh, a gídaabaheeká as tlehhemi'iirén, ala gana tleéhh as adoodá' inós aa slaá', nee as gurtleemuuwós. Gurtleemuuwós kwí nguna haniís ar baraá Kristo Yesu iimír qoomaadá' gár taa iimu/ún iwa kahh.

Ebrania 13:21

Mungúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír qoomár Yesu Kristo nguwa waaslee/atís baraá múk aa qaátl wa ale, as atén haraxu'utír slafiingw kawa slawaan.