Filipi 2:1 - Ya/abtór hho' 1977

¹ Slafingwhúng baraá Kristoowo i /uuruú huwahúwi? Sla'aarirós nu gurkwa/amísa? Dinku'uumár baraá Qeeru i deéro? Hhooa nee gurtleemu i koondá'a?

Biblía Axweesantá Hhohho' ar Mungú 2004

¹ Slafingwhúng baraá Kristoowo i /uuruú huwahúwi? Sla'aarirós nu gurkwa/amísa? Dinku'uumár baraá Qeeru i deéro? Hhooa nee gurtleemu i koondá'a?

Filipi 2:1 Iomraidhean Croise

WARA'AMI 133:1

Ga/aaweek, adór kar hhoó' nee ir sla'atimis hhae iwa dinkwár waá hootiya' ar wakleeli'iima.

Luka 2:25

Baraadá' Yerusalemuwo heeko i deer, umuuwós a Simeoni. Inós a heé ganaá' oo Mungú gwa haratlintii'. Gurkwa/asár múk Israeli gan daamaarán ar haraxu'uti. Inós Qeeruú hhoohhoó' gu kón.

Yohana 14:18

“Án kuungá' nu panáy geexawaaká. Ni amorhúng i hardáh.

Yohana 14:27

“Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Yohana 17:13

Nee án hamí ni hardáh amoorók. Nee /aymi'iiká' aníng in baraaká' yaamuú wa káh, as qwal/uueé' masók i boo/ baraaine.

Tlehhema'aá ya/Abuuse 2:46

Umuúqo deelooro tari dogiitiyé' ar muunuú wák baraá Doó Mungú wa ale. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Tlehhema'aá ya/Abuuse 4:32

Nee mukdá' aa haratlintii', muner'ín nee inslaway'ín tari wákleelí. Tam i kaahh heé aa oo' gídaabá, “Gaarí a te'eé', ar aníng kilooeé',” asma muruuín sleémeero a alqaati.

Rumi 5:5

Nee haraxu'uti atén ti dae tlaqká. Asma sla'aarír Mungú kinga qaroó ku'uús baraá muneerén i aleeró nee Qeeruú hhoohhoó', kudá' tinda amoorén i haniís.

Rumi 8:26

Adoorí an adoodá' Qeeru atén tir alee/iimisi, asma atén gár ta aleeslawaan i káhh. Asma atén gár ta firimaan a xuanaaká ar atén wa hariím firooro, ala Qeeru inósuú kilá' atén ti aleefiriirín dír Munguhe ar /ifór uren, tidá' ooaro ta aleeslayká.

1 Korinto 12:13

Asma atén bahh'alé a múk Yahudi, bahh'alé a múk Yunani, kookaari a lawaale, nee kookaari a lawaaleerooká. Ala atén sleémeero tina baatimiís ar Qeeruudá' wák as tawa slaqwtá wák tleehhitaan. Nee slám atén sleémeero tina wahaás ar Qeeruudá' wák.

1 Korinto 15:31

Hhaee'eé', kuungá' a xuá' gídaabá aníng a aleesláw tiwa xirfayeemiis as kuungá' ar baraá Kristo Yesu Aakoorén. Ala kaangwí a oo ló'. Adoorí bar ar ló', kaangwí sleeme oo ló' gídaabá aníng umuúqo deelooro a baraá tsaxwaá gwa'arár i dirií'.

1 Korinto 3:16

Kuungá' a xua'akáhe gídaabá kuungá' a Doó Mungú, nee ar gídaabá Qeeruú Mungú i baraahúng wa hoot.

2 korinto 13:14

Tsuuqaá Aakoorén Yesu Kristo, nee sla'aarír Mungú, nee dinku'uumár Qeeruú hhoohhoó' masók i dinkwa nee kuungá' sleémeero.

2 korinto 2:14

Ala Mungú i xirfuuti, asma inós atén tin geeraharahaar arba/ati kawa slaslawaan deelo sleémeero baraá Kristowo. Nee inós atén tin ar gadiyuus as iidíguuwós kuwa tsiyaayaaxi umuúqo diiro, adór xarángw tsuú' wa ale.

Galatia 4:6

Asma adoodá' kuungá' tawa na/'iiwós, Mungú Qeeruú Garmaawós nguna ya/aáw baraá muneerén i aleeró, kudá' ateetiím, “Baabá, Baabá.”

Galatia 5:22

Ala gár Qeeru i laqwaali baraá slafíngw heewo a sla'aari, qwala/, wayda, qitla, hhooeema, gurhhooa, inkihhimu,

Efeso 4:4

Slaqwa a wak, tam Qeeru a wak, adoodá' kuungá' tundura ateét nee Mungú, as haraxu'utír wák kawa sleera'.

Filipi 1:8

Mungú ga xuu' adór án kuungá' sleémeero nur artá wa slaá', asma nuwa ló'wa slaa' ar sla'aaridár amór Kristo Yesú daahh.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén xirif un ara'araán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Kolosai 2:2

Gár ni slaa' masók muner'ín kan gurkwa/as, nee inooín kiwa aldinku'uumisi baraá sla'aarír i alé, as xu'utír baraá qeeru ngiwa slaya', lu/aaroó Mungú kuwa tsaahha hhe' eesi. Nee lu/aaroó Mungú an Kristo.

Kolosai 3:12

Kuungá' a múk Mungú aa tsawaár, mukós oo hhohó' oo i slai. Gawaá adoorihe muunuú gurtleemu koomaak, nee hhooeema, ti kiloohúng niinaweemise', nee tsatsaa'areema koomaak, nee qiqitliingw.

Ebrania 6:18

Gawaá adoorihe Mungú muruuwí tsár gwa huúw, al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as kawa oohaan haraxu'utidá' geeraarén i dirii'.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i tsifaqamiisi. Tsuuqaá Mungú nee wayduuwós i ló'wa doogine' dirhunge.

1 Yohana 3:24

Heé hara'ayaarós ga eeharahaár, in baraá Mungú wa hoot, nee Mungú baraawós. Gawaá adoorihe a xuaán gídaabá inós i baraarén wa hoot, ar Qeeruú hhoohhoó' oo naa atén i haniís.

1 Yohana 4:12

Heé Mungú gwa baloó ar i kaahh. Atén birti sla'asla'aán, Mungú i baraarén wa hoot, sla'aarirós iri ganá' baraarene.

1 Yohana 4:16

Atén adór Mungú tira slaá', aga tsaahhaán, nee sla'aarirós kari haratlintiaán. Mungú a sla'aari. Kudá' baraá sla'aarír wa hoót, in baraá Mungú, nee Mungú i baraawós.