Filipi 1:8 - Ya/abtór hho' 1977

⁸ Mungú ga xuu' adór án kuungá' sleémeero nur artá wa slaá', asma nuwa ló'wa slaa' ar sla'aaridár amór Kristo Yesú daahh.

Biblía Axweesantá Hhohho' ar Mungú 2004

⁸ Mungú ga xuu' adór án kuungá' sleémeero nur artá wa slaá', asma nuwa ló'wa slaa' ar sla'aaridár amór Kristo Yésú daahh.

Filipi 1:8 Iomraidhean Croise

Luka 1:78

ar gurtleemuú Mungúrén. Kwí gwa/ateemá dooraá dahhá' ngi diirén i hardahaas,

Rumi 1:9

Mungú ga xuu' adór kuungá' án nur aleefiririím umuúqo daqto. Mungú aníng un sagadiyuús ar muunuúeé', ar Ya/abtór hho' ngiwa alki/iit ar iidíguú Garmaawós.

Rumi 9:1

Aníng gaarí ni kah ar ló', asma an káh ar baraá Kristo, slám lama a ooaaká. Muunuúeé' nee Qeeruú hhoohhoó' a lamabu'uuse dinkwa nee aníng ar gídaabá,

2 korinto 13:9

Asma kuungá' bar /uuru u koondá', dirtene a qwala/ tam atén ti daqeetlakwene. Gár atén ta firiirimaan a tí gídaabá, kuungá' masók a múk ganaá' tleehhitá'.

2 korinto 6:12

Atén afér muneerén aga gweeraán dirhúng i alé, ala kuungá' afér munerhúng aga tsegé' diirene.

2 korinto 7:15

Kuungá' inós una ilaiwa/amér i tlehhé', nee una ilaoté' ar dae nee daaraxaay. Inós qoomár adoorí birngaa insláy, sla'aarirós dirhunge i ló'wa tlahhatláhh.

Galatia 1:20

Ga/aawaak tí ni gooiim kuungá' i alé a ló' tam geerá Munguhe.

Galatia 3:26

Asma kuungá' sleémeero a na/'aá Mungú asma Yesu Kristo ugwa haratlintié'.

Galatia 4:19

Na/'iieé' awa sla'aaruúse, aníng a slahhahhaá' ló'wa ale as kuungá', nuwa malé laqwaal, ay dír Kristo i geehhoouy baraahúng wa ale.

Filipi 2:1

Slafingwhúng baraá Kristoowo i /uuruú huwahúwi? Sla'aarirós nu gurkwa/amísa? Dinku'uumár baraá Qeeru i deéro? Hhooa nee gurtleemu i koondá'a?

Filipi 2:26

Inós kuungá' sleémeero nuna ló'wa inslasláy, iri ló'wa daawiimiít as kuungá', asma adoodá' kuungá' kara axasé' gídaabá inós i tiiq.

Filipi 4:1

Gawaá adoorihe, hhaee'eé' awa sla'aaruuse, ma alí ki/aara' ala kwa/é' baraá slafingwhúng oo baraá Aakoowo. Sla'aaruúse, án kuungá' nun ló'wa inslasláw. Kuungá' a qwal/uueé'. Asma gadiyér'eé' gár ira geehhoouúr a kuungá'.

Kolosai 2:1

Gár ni slaa' masók kuungá' an tsahha' adór aníng nir daawiimiit as kuungá', nee as múk yaamaá Laodikia, nee as kudá' hatlá' sleémeero awa aníng iga ari'iiká.

Kolosai 3:12

Kuungá' a múk Mungú aa tsawaár, mukós oo hhohó' oo i slai. Gawaá adoorihe muunuú gurtleemu koomaak, nee hhooeema, ti kiloohúng niinaweemise', nee tsatsaa'areema koomaak, nee qiqitliingw.

1 Tesalonike 2:5

Asma kuungá' a xuá' gídaabá atén axweesanoó muu gu sla'atimís ugwa baloó axweesaniiká dír kuungae. Nee slám aga axweesaniiká as slaasláw kawa slawaan. Mungú a lamabu'usmoorén.

1 Tesalonike 2:8

Atén kuungá' nuna ló'wa sla'aán. Gawaá adoorihe Ya/abtór hho' ngina haniisár wa sla'aán dirhúng i alé. Ala a har tí kiloseeká, ala tam ataá kilá' tina haniisár wa sla'aán sleeme.

2 Timoteo 1:4

Hhirhheeriwók bira insláw, aníng gár ni slaa' ló'wa ale a kuúng un ár, as kahhoó' muunuúeé' i haats qwal/uuwo.

Filemoni 1:12

Hamí ngun ki/ís amoorók i alé inós u kilá', nee inós a adór muunuúeé' oo kilá'.

Filemoni 1:20

Ala hhiyaaeé', gár ni slaa' bu'utuuwo a tí, Alee/iisáng gawaá kaangwihe ar loohír hariím baraá Aakoowo. Muunaáeé' qwal/aseek ar baraá Kristo.

1 Yohana 3:17

Ala heé muruú baraaká' yaamu gu koóm, bar hhiyaawós oo gár koomaaká gun tawó ga/áy, ala gu alee/iimisiiká, xáy sla'aarír Mungú iqo deéro baraá heé adoorihe?