Filipi 1:7 - Ya/abtór hho' 1977

⁷ A gár hariím dir'eene adoorí ngiwa inslaslaw daanduuhunge, asma kuungá' a baraá muunuúeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

Biblía Axweesantá Hhohho' ar Mungú 2004

⁷ A gár hariím dir'eene adoorí ngiwa inslaslaw daanduuhunge, asma kuungá' a baraá muunaáeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

Filipi 1:7 Iomraidhean Croise

Tlehhema'aá ya/Abuuse 20:23

Ala Qeeruú hhoohhoó' aníng i ádbabáy umuúqo gixsaro gídaabá tseegamo nee slahha'amaaye aníng i daamaaraán.

Tlehhema'aá ya/Abuuse 21:33

Geeraharusmoodá' Paulo nguwa i hardáh, guri óh, hara'aya gari haniís gídaabá ku tseegi ar pínguú tsár, giri yaahaás, “Heewí a heemá? Slám gár aa tleéhh a milá?”

1 Korinto 13:7

Mura' sleémeero daanduuwós i qaasaro gu ya/aán. Mura' sleémeero gun haratlintaatí', mura' sleémeero gun haraxú', mura' sleémeero gun sa qiqtliín.

1 Korinto 9:23

Aníng muruuwí sleémeero gár ngus tleehh a as Ya/abtór hho', as aníng sleeme Ya/abtoorí hho' ngiwa slaw dinkwa nee múk hatlá'.

2 korinto 3:2

Kuungá' kilá' an barwaárén, tidá' taa gooín baraá muneerén i alé, ar ta xui nee ar ta soomuusi nee muu sleémeero.

2 korinto 7:3

Aníng adoorí a kaahaaká as kuungá' nuwa sakwasleemuut. Asma án kuungá' naa qaroó ádbáw gídaabá kuungá' a baraá muneerén i dir'á'. Atén nee kuungá' a dinkwa baraá slafiingo nee tam baraá gwa'araaro.

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár gídaabár koom a haratlintaao, tidá' ti laqaqaam ar sla'aari.

Efeso 3:1

Gawaá adoorihe ánuú Paulo, án kuungá' nu aleefiriiriím, anuúwí taa tseék nee Kristo Yesu as daanduú kuungaásingá' múk xoordu.

Efeso 4:1

Áníng kuungá' nun ló'wa firiiriím, aniíwí taa tseék as Aako, hooté' ar adoodá' hariím as ateetamoodá' Aako kuungá' nura ateét.

Efeso 6:20

Aníng a ya/abusmoó Ya/abtoorí hho', ala tam taa tseegi. Gawaá adoorihe, án aleefiriiriimaaré' as Ya/abtoorí hho' ngi axwees ar pihhu'uuma adoodá' án iwa hariím.

Filipi 1:12

Hhaee'eé', gár ni slaa', kuungá' masók an xuá' gídaabá slahha'amaayeedá' sleémeero aníng naa sláw Ya/abtór hho' gaa ila/iká, ala gana alee/ís tsiyaayaaxaro.

Filipi 1:13

Asma aníng gár tisa tseék a as tawa eeharusmoó Kristo, nee adoorí aa xu'utít dír askaári nee muu sleémeero oo diirí dirií'.

Filipi 1:14

Nee tseegamor'eé' hha'aá yaariir awa Kríshaanáy gaa haratlintaao gawdés baraá Aakoowo, tari uraaráy baraá pihhu'uumaaro ar Ya/abtór hho' kawa alik/iiti ar dae wasle.

Filipi 1:5

Asma kuungá' aga dinku'uusé' nee aníng Ya/abtór hho' alki/ituuwo iimír bál geera nee tam ay laarí sleeme.

Filipi 2:22

Ala kuungá' Timoteo u xuá' adór ir inkihhimuú kón. Inós gadiyeét gaa tlehhaahhiít ar Ya/abtór hho' dinkwa nee aníng, adór baabá nee garmaawós.

Filipi 4:14

Ala kuungá' adór hhoo' aga tlehhé' ar aníng iwa alee/isé' baraá slahha'amaayer'eé' tihe.

Filipi 4:15

Ala kuungá' múk Filipi, kuungá' kilá' kaangwí u xuá', qoomaadár geeraawo Ya/abtór hho' ngiwa alki/iít, nee yaamaá Makedonia ngiwa geexáw, múk aa aldinku'uus nee aníng baraá mura' slaslaango nee hanmisuuwo a kuungá' múk Filipi kiloohúng. Múk Kríshaanoó amór yaamaá hatlae oo adoorí gaa tleehh i kaahh.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeét ngaa tleehhiye' nee aníng. Inooín umer'ín kaa gooín baraá kitaábuú slafiingw.

Kolosai 4:18

Intsihhiisantí ánuú Paulo ngina gooiím ar dakw'eé' oo kilá'. Ma gunqaruutara' gídaabá aníng taa tseék. Mungú kuungá' nu tsuuqi.

Kolosai 4:3

Atén sleeme ti aleefiriiriinde' gídaabá Mungú pa/aangw ngu haniisi, oo ya/abtoorós ar lu/aaroó Kristo kawa alki/iitaan. Lu/aaráywí an kudá' aníng tisa tseék.

1 Tesalonike 5:5

Asma kuungá' sleémeero a múk gwa/atamaaye, nee múk tlaatla/aangw. Atén a múk xweeraawooká, laqaá a múk giwtirooká.

2 Timoteo 1:8

Aakoorén lamabu'uungo mu sa murumiitaar, tam aniíwí taa tseék as inós mi sa murumiitaar sleeme. Ala burtu slahhe'eemiis asma Ya/abtór hho', kuúng qiítl adoorír aníng wa ale, ar /uuruú Mungú.

2 Timoteo 2:9

Aníng tin slahhe'eemiis as Ya/abtoorí hho', slám taa tseék tawa adór heé tlaákw. Ala axweesantá Mungú kaa tseegiiká.

Filemoni 1:13

Aníng ana slaá' iwa amor'eé' wa hooti, as aníng iwa sagadiyuusi daanduuwók wa ale, baraá tsegmuuwí ni diriia as Ya/abtór hho'.

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an geeraharusmoó úr oo saaliingw, kudá' atén ta lamabu'uumaan gídaabá u haratlintiaán.

1 Petro 4:13

Ala kuungá' qwalala/é' as adoodá' slahha'amaayér Kristo kawa tsaqé', as kuungá' tawa qwal/amaaye hhe'esa', qoomár xirfuuwós kuwa geehhooutís.

1 Petro 5:1

Kuungá' bariisee, án kuungá' nu gurbuú'. Asma aníng sleeme a aakoó adór kuungá'. Slám aníng a lamabu'usmoó slahha'amaayér Kristo. Tam xirfuudá' ta geehhooeesi a kwe'eé' sleeme.

2 Petro 1:13

Án ngi slaá' a gár hariím aníng kuungá' nuwa inslawtimis umuúqo daqto daanduú muruuwihe qoomaarí án niwa slaaf.

1 Yohana 3:14

Atén a xuaán adór gwa'ara ngira geexawaán nay waarahhaán amór slafiingw. Tí an xuaán asma hhaeerén i sla'aán. Heé sla'aari wásl i baraá gwa'arár i kaahh.