Filipi 1:23 - Ya/abtór hho' 1977

²³ Aníng a baraá baraatsarár i dirií'. Aníng a ló'wa slaá' niwa tlaw, niwa hotángw aw amór Kristo, asma adoorí a tsiní kángw kilá' wa ale.

Biblía Axweesantá Hhohho' ar Mungú 2004

²³ Aníng a baraá waatsaraárí dirií'. Aníng a ló'wa slaá' niwa tlaw, niwa hotángw aw amór Kristo, asma adoorí a tsiní kángw kilá' wa ale.

Filipi 1:23 Iomraidhean Croise

WARA'AMI 17:15

Ala aníng kuúng u ár, asma gár naa dakuús i káhh. Qoomár binda tláw an haáts qwal/uwo, asma a dinkwa nee kuúng.

WARA'AMI 49:15

Ala Mungú aníng in tuu/ baraá /uuruú gwa'araro, nee inós aníng in ilaoh.

Luka 12:50

Ala baatiísmo u sláw oo tir baatisi. Hamí aníng a baraá slahha'amká yaariír i dirií' ay dír i boo/i.

Luka 23:43

Yesu iri oó', “Án a kah, laarír kilá' án nee kuúng a al dinkwa didár amohhooaro.”

Luka 8:38

Heedá' neetlaame kawa hingeés Yesu guna firín gídaabá nee inós tiwa kona'. Ala Yesu guna ki/ís guri báy,

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.”

Yohana 13:1

Qoomár deeloodá' ur ar Pasaáka iwa xeeriiká. Yesu gaa xuú' gídaabá qoomaarós aa xeér, tidá' iwa quutli baraaká' yaamuuwo, iwa tlay amór Baabá. Nee inós mukós kwí oo baraaká' yaamu guna slaá', slám guri ló'wa sla'ati hhe'eés ay alhhe'eesaay.

Yohana 14:3

Án bara tláw, hotangwhúng barnaxes ngwa amohhe'eés, ni malé kií/ as nuwa dahi'is amor'eé', as didaádá' án ni dirii', masók kuungá' a deer.

Yohana 17:24

“Baabá, kuká' kuúng naa hanís, gár ni slaa', masók i dinkwa nee aníng didá' án ni diriia. Nee xirfuudá' naa aní hanís nguwa ga/aya'. Asma án kuúng ina slá' iimír yaamu kiwa tleehhiiká.

Tlehhema'aá ya/Abuuse 7:59

Stefano qoomaadá' kuwa tlaquuti ar tlaa/e inós iri firín iri oó', “Aakoó Yésu, muunuúeé' ilaooheek.”

2 korinto 5:8

Atén haraxu'uti a ló'wa koomaán, nee gár ta sla'aan ló'wa ale a masók hotaangwí oo slaqoorén kuwa mawaan, tari hootaán dír Aakoowo.

2 korinto 6:12

Atén afér muneerén aga gweeraán dirhúng i alé, ala kuungá' afér munerhúng aga tsegé' diirene.

Filipi 1:24

Ala aníng niwa kumiit slafiingo a gár gídaabár koom ak alé as kuungá'.

1 Tesalonike 2:1

Hháe, kuungá' kilá' a xuá' gídaabá atén niwa hardahaán ayaahúng i alé, hardahamuurén kudá' a tawoorooká.

1 Tesalonike 2:13

Gár hatlá' ar Mungú kuwa sluufimiisaan daqisleém a tí. Qoomár atén Ya/abtór Mungú ngiwa dirhúng i alki/iitaán, kuungá' Ya/abtoodá' kari iiár i qasé', nee kari ilaoté'. Kawa ilaoté' a adór Ya/abtór heewooká ala ar Mungú. Ala ar ló' a ar Mungú. Nee inós an kudá' gadiyér tleéhh baraahúng wa aleeró, kuungaásingá' aga haratlintie'.

1 Tesalonike 4:17

Aluuwo ateédá' slafá', ateédá' aga meetaan tiri xaampooiis dinkwa nee inooín ar baraá hunkáy, as Aako kuwa al'awaan gawtí alé. Nee gawaá adoorihe atén nee Aako a dinkwa ay alhhe'eesay wasle.

2 Timoteo 4:6

Asma aníng daxta ti ilahhooár wa haniis, nee qoomár gwa'arar'eé' naa hardát.

Geehhoeemaá 14:13

Aluuwo afór gawaá dooraá daahh ngiri axaás i kat, “Gooiimeek, ‘Múk amohhoó' a kudá' qaátl baraá Aakoó i alé iimír hamí.’” Qeeru iri oó', “A ló', asma inooín ta hunguu/ alaá daawitimer'ine. Asma mamaá tlehhemi'ii'ín ti alkoná' nee inooín.”