Filipi 1:12 - Ya/abtór hho' 1977

¹² Hhaee'eé', gár ni slaa', kuungá' masók an xuá' gídaabá slahha'amaayeedá' sleémeero aníng naa sláw Ya/abtór hho' gaa ila/iká, ala gana alee/ís tsiyaayaaxaro.

Biblía Axweesantá Hhohho' ar Mungú 2004

¹² Hhaee'eé', gár ni slaa', kuungá' masók an xuá' adór slahh'amaayeedá' sleémeero aníng naa sláw Ya/abtór hho' ngira ila/iká, ala gana alee/ís tsiyaayaaxaro.

Filipi 1:12 Iomraidhean Croise

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

Luka 21:13

Gaarí an pa/angwhúng oo aníng iwa lamabu'uunda' dir'ín i alé.

Tlehhema'aá ya/Abuuse 8:4

Ala eeharuuseedá' aa diyaya/at iri tleér amorqá' nee amoorihe, Ya/abtór hho' kari alki/iít.

Rumi 8:28

Atén a xuaán gídaabá dír mukdá' Mungú slaá', mura' sleémeero ti alee/iimiis, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

Rumi 8:37

Ala baraá muruuwí sleémeerowo arba/ati a ló'wa slawaán ar kudá' atén taa slaa'.

Filipi 1:5

Asma kuungá' aga dinku'uusé' nee aníng Ya/abtór hho' alki/ituuwo iimír bál geera nee tam ay laarí sleeme.

Filipi 1:7

A gár hariím dir'eene adoorí ngiwa inslaslaw daanduuhunge, asma kuungá' a baraá muunuúeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

Filipi 2:22

Ala kuungá' Timoteo u xuá' adór ir inkihhimuú kón. Inós gadiyeét gaa tlehhaahhiít ar Ya/abtór hho' dinkwa nee aníng, adór baabá nee garmaawós.

Filipi 4:15

Ala kuungá' múk Filipi, kuungá' kilá' kaangwí u xuá', qoomaadár geeraawo Ya/abtór hho' ngiwa alki/iít, nee yaamaá Makedonia ngiwa geexáw, múk aa aldinku'uus nee aníng baraá mura' slaslaango nee hanmisuuwo a kuungá' múk Filipi kiloohúng. Múk Kríshaanoó amór yaamaá hatlae oo adoorí gaa tleehh i kaahh.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeét ngaa tleehhiye' nee aníng. Inooín umer'ín kaa gooín baraá kitaábuú slafiingw.

1 Timoteo 2:8

Gár án ni slaa' hhawaate masók an múk daba' hhohhó' nee oo buhhabuhhaaká nee múk tlaampa'aamisaaká. Ala umuúqo diiro hhawaataá adoorí masók dabaaín ngin gawtí tleemisiyá' baraá firooro.

2 Timoteo 2:9

Aníng tin slahhe'eemiis as Ya/abtoorí hho', slám taa tseék tawa adór heé tlaákw. Ala axweesantá Mungú kaa tseegiiká.

2 Timoteo 4:17

Ala Aako ina sihhiít dinkwa nee aníng, aníng iri /uuruú i haniís. Asma Aako gár i slai a Ya/abtór hho' sleémeero kawa alki/iiti nee aníng, as múk xoordu sleémeero ngiwa axaasi. Aníng tiri ba/amís baraá afkwá dirángw wa ale.