Filipi 1:10 - Ya/abtór hho' 1977

¹⁰ as kuungá' sakwasleemár ganaa' kawa aleesleera' tsatto baraá umuúqo gaaro. Daqaní kuungá' a múk hhó' oo xaslxaanslír koomaaká bál deeloodár Kristo birna hardát.

Biblía Axweesantá Hhohho' ar Mungú 2004

¹⁰ as kahhó' kuungá' gár hhoó' tsawaararo kawa aleesleera'. Daqaní kuungá' a múk taa hhoohhooeés nee oo xaslxaanslír koomaaká bál deeloodár Kristo birna hardát.

Filipi 1:10 Iomraidhean Croise

Matayo 16:23

Yesu iri warqáy amór Petro, iri oó', “Quútl dir'eene Kuúng a Neetlaangw. Kuúng a dukutsmo dir'eene. Asma inslawoó kuúng ta inslasleer oo Munguheeká ala a oo Neetlaangw.”

Matayo 26:33

Petro iri oó', “Tam sleémeero insereehhi gi eera as kuúng, ala án i baloó eeraaká.”

Yohana 1:47

Yesu Natanaeli guri ár iwa amoorós kay. Yesu iri oó', “Ga/aaweek, heewí a heé Israelú kilá'. Waaqooda i káhh baraawose.”

Yohana 3:20

Asma heé muruú tlákw tlehhahhiít, gwa/ateema gi slaiiká, slám amór gwa/ateemaawo sleeme i daqayká, asma muruudá' tlákw i tlehhahhiti miwa geehhooúy.

Tlehhema'aá ya/Abuuse 24:16

Gawaá adoorihe muunuúeé' un harmagagaáhh daqisleém, as kahhoó' ku hhoohhoó' geerá Munguhe nee geerá muko.

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as kawa tsahha' gídaabá Mungú gár i slai a milá. Asma gár i slai a tidá' hhoo', tidá' inós gu qwal/atimis, nee tidá' qoom.

Rumi 12:9

Sla'aarirhúng masók i hhaahhafíngw koondaaká. Tidá' tlaakw aahhaak, nee tidá' hhoo' eeharaak.

Rumi 16:17

Hhaee'eé', án kuungá' nu harhheehhe'eés, ti harmagahhe' dír mukdá' foliita, kudá' dukuutsér qamiím. Asma inooín intsaahhasadár haratlintaao ar kuungá' taa sleeré' kaa sií'. Kuungá' ti paratle' dir'ine.

Rumi 2:18

Kuúng taa intsaahhatimís hara'ayár Musawo. Gawaá adoorihe gár Mungú i slai aga tsáhh, nee muruú tlákw nee oo hhó' tsaahharo u aleesleér.

Rumi 7:16

Ala barnaxes aníng muruudá' ni sla'aaká un tlehhiít, aníng an ya/a/aám gídaabá hara'aya ka hhoo'.

Rumi 7:22

Asma aníng baraá muunuúeene hara'ayár Mungú an sa qwalalaá/.

Rumi 8:7

Asma heé heeuumarós ar tlakweema ga eeharahaár, inós nee Mungú a wakaari. Asma heeuumarós hara'ayár Mungú ga iialooeemisiiká, nee slám ga aleeslayká iialooeesaro.

1 Korinto 1:8

Inós kuungá' nu gawdees ay qoomár alhhe'eesaay, as kuungá' mutunduwa sakwasleemuút, baraá umuúqo gaaro bál deelór Aakoorén Yesu Kristowo.

1 Korinto 10:32

Kuungá' ma dukuutsmo tleehhitaara' dír múk Yahudiro, nee dír múk Yunaniro, laqaá tam dír múk Kríshaanayhe.

1 Korinto 8:13

Gawaá adoorihe, muruú /ayma barnaxes hhiyaaeé' gu dukuutsmoó i qamín, aníng fu'unaay i baloó /ayaaká ay alhhe'eesay wasle, as aníng mawa dukuutsmo tleehhiít dír hhiyaaeene.

2 korinto 1:12

Gaarí an gár atén tir xirfayeemisaan gídaabá, muneerén atén ti lamabu'uún adór atén tara hootaán baraá yaamuuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaaniiká ar sagalooár heeuuma, ala ana hootaán ar tsuuqaá Mungú.

2 korinto 2:17

Asma atén axweesantá Mungú a halaanu'uumár ar tlehhiitanaaká as slaasláw kawa slawaan, adoodá' múk yaariír i tlehhaahhiiti. Ala atén axweesantá Mungú an alki/iitaán ar muunuú /awaák ar baraá Kristo, dír geerá Mungú i alé, kudá' atén taa ya/aaw.

2 korinto 6:3

Baraá umuúqo gaaro atén hee u dukuutsmoó i qaasanaaká, as gadiyeérén makawa niqimís.

2 korinto 8:8

Aníng adoorí a kaahaaká as nuwa hara'ayiyiim. Ala aníng iidíguú múk hatlá' un káh, adór inooín ilakaaharu kura tlehhiít baraá alee/isaywihe. Iidíguuwí aníng una káh as sla'aarirhúng ngiwa tsaahh adór tar ar ló'.

Galatia 5:11

Ala hhaee'eé', án barnaxes iidíguú al/utlo un alki/iít gídaabá a gár hariím, ala waáy, án misti gusiisín? Ala án geeraawo bar iidíguú al/utlo un alki/iít gídaabá i hariín, geera alók heé dukuutsmo i slay i kaahh gawaá alki/ituueé', daanduú msalaábaro.

Efeso 4:15

Ala atén gár tiwa hariím masók an hootaán ar baraá looeema ar loohír sla'aari. Gawaá adoorihe an uraarawaán ay dír Kristo ngway i hardahaan. Nee inós an saga.

Efeso 5:10

Gawaá adoorihe kuungá' tsaahhaagáy gídaabá gár Aako gu sla'atimis a milá.

Efeso 5:27

Asma inós gár i slai a múk xirfuú koóm gun sláy, oo hhohhó', nee oo tlakweemaá koomaaká, kudá' gár slasla/aar ga koomaaká, kudá' /ootsoo ga koomaaká, laqaá muruú dimbadimbé oo tlákw oo adór kwí, ala alók a múk hhohhó' oo xaslxaanslír koomaaká.

Efeso 6:24

Mungú muu sleémeero ngu tsuuqi, kudá' Aakoorén Yesu ngu sla'á' ar sla'aarír faakaaká.

Filipi 1:16

Kuká' iidíguuwí ngun alki/iitiyá' as sla'aari, asma ka xuu' gídaabá aníng tina qaás as Ya/abtór hho' ngiwa aleekal/aam.

Filipi 1:6

Gár án ni haratlintatii' a tí gídaabá, kudá' gadiyér hhoo' gaa iimu/un baraá munerhúng wa aleeró, inós gadiyeédá' ga alhhe'ees ay bál deelór Kristo nay xeer.

Filipi 2:16

asma kuungá' Ya/abtór hho' ar slafiingw an alki/itá' dir'ín i alé. Gawaá adoorihe kuungá' a xirfuueé' bál deeloodár Kristoowo, asma aníng aga tawó ti'i'iimiiká, laqaá aga tawó daawiimiitiiká gadiyeede.

1 Tesalonike 3:13

Inós kuungá' nu /uuruú i haniisi, tawa múk hhohhó' oo xaslaansli wásl geerá Mungú Baabuúrene ay dír qoomaadá' Aakoorén Yesu i hardahi, dinkwa nee mukós oo hhohhó' sleémeero.

1 Tesalonike 5:21

Mura' sleémeero iiaraagáy, oo hhó' ku otá'.

1 Tesalonike 5:23

Mungú inós u kilá', kudá' atén ti wayduú i hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeruuhúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál deeloodár Aakoorén Yesu Kristo nay hardat.

1 Yohana 4:1

Sla'aaruúse, umuú gár ta kaahi ma haratlintatiaara', tlaampa'aasaak ala alé, áx amór i dahh a amór Mungúhe. Asma múk yaariír naa ti'iimiít baraá yaamuuwo oo káh, “Atén a aaruuse,” ala a loeeká.

Geehhoeemaá 2:2

Aníng iidíguú tlehhemi'iiwók u xuú', nee daawitimeerók nee qiqtliingók. Nee slám a xuú' gídaabá múk tlákw sa qiqtliingo u aleesleeraaká. Slám mukdá' ugwa iiát, kudá' káh gídaabá, inooín a ya/abuuse, ala laatí a ya/abuuseerooká, kiri tsáhh gídaabá a lamuuse.