Filemoni 1:6 - Ya/abtór hho' 1977

⁶ Án kuúng gár uwa aleefiriiriim a tí gídaabá kuúng masók haratlintaaoorók an lamabu'uún dír múk hatlá' i alé. Gawaá adoorihe atén sleémeero tsuuqadá' sleémeero masók ki tsaahha hhe'eesaán, kudá' ta koomaan baraá Kristowo.

Biblía Axweesantá Hhohho' ar Mungú 2004

⁶ Án kuúng gár us aleefiriiriim a tí, kuúng masók haratlintaaoorók an lamabu'uún dír múk hatlá' i alé. Gawaá adoorihe atén sleémeero tsuuqadá' sleémeero masók in tsaahha hhe'eesaán, kudá' ta koomaan baraá Kristowo.

Filemoni 1:6 Iomraidhean Croise

Matayo 25:16

Kudá' taa talaántár kooán i haniís, iri tláy hamtidár kilá', gari ar halaanuús, talaántár kooán ar hatlá' gari sláy.

Matayo 5:16

Gawaá adoorihe gwa/atamaayerhúng i gwa/at dír geerá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.”

1 Korinto 14:25

Lu/aaroó muunuúwós iri geehhooúy. Inós daqaní Mungú guri i tumbarara'aat, guri sluufimiis, iri ooi, “Ar ló', Mungú i baraá tla/angwhúng i dirii'.”

1 Korinto 16:9

Asma afkuú doó úr kunga aníng i gweér oo gadiyér ur ngiwa ló'wa tleehh, nee slám múk yaariír oo aníng i baqamiím i deer.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

Kolosai 1:9

Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán gídaabá Mungú nuwa sagaalooár i haniisi nee aleesleemuú amór Qeeruú hhoohhoó' daáhh, as sla'aarirós kawa tsaahha hhe'esa'.

Kolosai 3:10

Munér /aben kari sleeré'. Muneerí /aben baraahunge ka /abeemiimiis umuú daqto nee Mungú, tleehharusmoowós, ar slaqsoó Mungú. Gawaá adoorihe munerhúng in kumit Mungú nguwa tsaahha hhe'es.

Tito 3:14

Nee mukrén sleeme gár kuwa hariím masók gan intsaahh ar tlehhema'aá hho' kiwa tleehhi didaádá' kiwa hariím, as matawa tawó hoót baraá slafingw'ine.

Ebrania 6:10

Asma Mungú inós i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

Yakobo 2:14

Hhaee'eé', hee bir kaahi, “Aníng a haratlintaaór koóm,” ala barnaxes tlehhema'aá haratlintaaór laqaaqaamá' gi konká, haratlintaaoodá' gár i bu' a milá? Xáy, haratlintaaoodá' gu ba/amísa?

Yakobo 2:17

Haratlintaao sleeme a adoosíng. Barnaxes haratlintaao aa geehhoouuriiká ar baraá tlehhemi'i, haratlintaaoodá' a gár aa gwa'.

1 Petro 2:12

Slafingwhúng masók i tlehhema'aá hhohho' laqaaqán dír geerá múk xoorduuwo. As qoomár inooín bartundu /aysaní tlaaq, gídaabá a muruú tlákw tlehhitá', ala inooín tlehhemi'iihúng awa hhohho' birkaa ara'ár, daqaní inooín Mungú ku xirfayees bál inós birna hardáh.

1 Petro 3:1

Kuungá' tlaáwaay sleeme, iialooemisé' dír hhawaateehunge, asma tam hhawaateehúng kudá' axweesantá Mungú ngaa haratlinti'ii'iiká, ngi haratlinti'iiye' as tlehhemi'iihúng, tam kaa ádbaykahe.

1 Petro 3:16

Ala adoorí tleehhaak ar tsatsa'areema nee ilaiwa/ame, as munerhúng masók ka hhohho'. Gawaá adoorihe mukdá' kuungá' nu daanda kaantiím as slafingwhúng oo Krishaanu'uuma, inooín ki murekeesi as kaantingw'ín kudá'.

2 Petro 1:8

Ala muruuwí sleémeero barnaxes i deer dirhunge, nee bira doogiigín, kuungá' daqaní a tawó iwiwita'aaká, nee slám slafingwhúng daqaní muruú hhó' ngu huuw, nee Aakoorén Yesu Kristo u ló'wa xu'uti hhe'esá'.