Filemoni 1:17 - Ya/abtór hho' 1977

¹⁷ Ala kuúng aníng bira tsáhh adór tar dinku'usmoowók baraá haratlintaaooro, inós ilaooheek adór ánuú kilá' wa ale.

Biblía Axweesantá Hhohho' ar Mungú 2004

¹⁷ Ala kuúng aníng bira tsáhh adór tar heewók baraá haratlintaaooro, inós ilaooheek adór anuú kilá' wa ale.

Filemoni 1:17 Iomraidhean Croise

Matayo 10:40

“Heé kuungá' naa ilaoh, a án ina ilaóh, nee heé án iga ilaoh, a kudá' án iga ya/aaw guna ilaóh.

Matayo 18:5

Hee bar na/oó wák oo adór kwí gwa ilaóh ar umuueé', a aníng iga ilaóh.”

Matayo 25:40

Nee waawutmo iri ooi, ‘Án a kah, umuúqo gaaro ar taa tlehhé' dír oo wák baraá hhaee'eé' kudá' ninakwe, a ngina aníng i tlehhé'.’

Tlehhema'aá ya/Abuuse 16:15

Inós baatiismoowo kawa hhe'eés nee múk do'ose, tiri harhheehhe'és iri ó', “Kuungá' bar aga aandé' gídaabá aníng Aako ugwa haratlintií', qwalaasé', hooté' baraá dooeé' wa ale.” Tiri harakés.

2 korinto 8:23

Gawaá daanduú Titowo án gár ni oo' a tí gídaabá inós a alee/isusmooeé' oo gadiyér tleéhh dinkwa nee aníng as kuungá'. Hhaeerén kudá' hatlá', inooín a múk tinda ya/aáw nee Kríshaanáy sleémeero, nee Kristo xirif gu sláy as inooín.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

Filipi 1:7

A gár hariím dir'eene adoorí ngiwa inslaslaw daanduuhunge, asma kuungá' a baraá muunuúeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

1 Timoteo 6:2

Daqaareedár haratlintaauuse lawaaler'ín mingiwa waaqaqá' as tawa hhae. Ala lawaaleedá' gár kawa hariím a gin sageegadiyús kángw kilá' wa ale. Asma daqaareedá' ta alee/iimisi nee gadiyér lawaaleedá', inooín a haratlintaauuse, slám a sla'aaruuser'ín. Muruuwí na gawdeeseek baraá intsaahhasaroge.

Filemoni 1:10

Aníng kuúng u firiím as na/ay'eé' Onesimo. Inós aníng una laqwaál ar baraá Yesu baraá tsegmoó wa ale.

Filemoni 1:12

Hamí ngun ki/ís amoorók i alé inós u kilá', nee inós a adór muunuúeé' oo kilá'.

Filemoni 1:18

Nee kuúng bura /aytín, laqaá kuúng bur iinús gaaro, gaasíng daanduueé' gooiimeek.

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an geeraharusmoó úr oo saaliingw, kudá' atén ta lamabu'uumaan gídaabá u haratlintiaán.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihhu'uumarén tidá' ta koomaan iimír iimu/uungo.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraaká' yaamu gaa tsawaáriíke, tawa daqaarér haratlintaao, nee aaluusér waawuti'iima, tidá' aa al'axweés haniisaro dír mukdá' inós gu slaá'.

1 Petro 5:1

Kuungá' bariisee, án kuungá' nu gurbuú'. Asma aníng sleeme a aakoó adór kuungá'. Slám aníng a lamabu'usmoó slahha'amaayér Kristo. Tam xirfuudá' ta geehhooeesi a kwe'eé' sleeme.

1 Yohana 1:3

Tidá' taa araán nee taa axaasaán ngin dirhúng i alki/iitaán, asma kuungá' niwa haragwa'a' diirén, dír dinku'uumaarén, tidá' ar dinkwa nee Baabá, nee Garmaawós Yesu Kristo.