Filemoni 1:14 - Ya/abtór hho' 1977

¹⁴ Ala aga slaiiká gaa ngiwa kilooeé' tleehh, aqo adór kuúng ta kat, asma sla'aarirók mawa harakeés masók a adór kuúng ta sla'.

Biblía Axweesantá Hhohho' ar Mungú 2004

¹⁴ Ala aga slaiiká gaa ngiwa kilooeé' tleehh, aqo adór kuúng ta kat, asma sla'aarirók mawa harakeés masók a adór kuúng ta sla'.

Filemoni 1:14 Iomraidhean Croise

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

1 Korinto 9:17

Asma gadiyeérí bara tleéhh as sla'aarir'eé' kilós, aníng slaqwe a sláw. Ala barnaxes a gadiyér ni baqaaká tlehhmuuwo, daqaní a gadiyér tinda aníng i saayín.

1 Korinto 9:7

Ahaá, askaarmo i deéro oo slaqwarár áw, tiri kilós buu'? Laqaá hee i deéro oo qaymór misabiíbu gaa dahaas, na/'iidá' giri /ayiiká? Nee slám hee i deéro oo muruú de'eém, ala ilwaá muruudá' giri /ayiiká?

2 korinto 1:24

Atén a sla'anaaká kuungá' nuwa hara'ayiimaan gídaabá, gár ta haratlintia' a milá, asma kuungá' aga kwa/é' baraá haratlintaaorhunge. Ala atén nee kuungá' a al gadiyuusaán as qwal/uuhúng kuwa amohhe'eemisaan.

2 korinto 8:12

Asma kuúng gaa barnaxes a slá' duuxaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, a gídaabaheeká tidá' kuúng ta koondaaká.

2 korinto 9:5

Gawaá adoorihe aníng ana ár gídaabá, a gár gídaabár koom hhaeeká' ngiwa firiim iwa giirina' hardahamu amorhunge, as alee/isaywí kuwa amohhe'esa', kudá' kuungá' naa qaroó al'axwesé' gídaabá u hanisá'. Asma alee/isayhúng barnaxes ngwa qaroó amohhe'esé' qoomár án binda hardáh, gár i laqaqaan a gídaabá kuungá' kiloohúng ana slaé' kawa hanisa', nee gídaabaheeká an hanimisá' ar qahaangw.

2 korinto 9:7

Umuúqo heewo gár kuwa hariím a inós kilós gan aldaakw baraá muunaáwós i alé gídaabá gár i haniisi a milá. Daqaní gadá' ngi haniisi ar sla'aarirós ar kilá', ala ar /uurutisarooká. Asma heé hanmiís ar qwal/amaaye, inós ku slaa' nee Mungú.