Pilipai 1:3 - Ipili Nutestamene

³ Ole dindi lo nambato yakama nembo toto, nambana Gote oko ando wayu pele lalawane. Anu peakale nambato wuane piyawanepe.

Pilipai 1:3 Iomraidhean Croise

Lomo 6:17

Wamba yakamato koo piyaini mana okona katapusa piape pimawua ateaini tekeko, matili Goteto balana pii oko yakama giyu, pii okone wato minu atalapape leaipia. Wuane lea-kola, yakamato balana pii okone wayumane wete wato minu atalaini nembo toto, nanimato Gote wayu pele lamakale.

1 Kotini 1:4

Yakama Jisasa Kataisana yame ateyai-kola, Goteto yakama ondowa moyoto, mana epene tupa pitaka yakama langeane nembo toto, ole dindi lo nambato nambana Gote okone wayu pele lalawane.

1 Tesalonaika 3:9

Nanimato yakama kuai lo ateyai nembo toto, Gotena wenonga epele andane wete wato, Gote ando wayu wete pele lo ateyama.

2 Tesalonaika 1:3

Amene imalini yame, ole kambuanga wandakali minditupa-mane kenda-pene andane tupa yakama giki peyai-kola, yakamato kenda-pene kambua awua atalaini. Kenda-pene auwa atoto teke, Gote lo bilipi lene mana okola, wandakali yangone towa epelewa yamapa yoo atene mana okola, mana okonelapo yakamanga andane gulama lama peya. Tene okonena, ole dindi lo nanimato Gote ando wayu pele lape-pene. Nanimato wuane pemando, mana okone epene gulolo-peya. Nanimato yakamana gene tupa laiyu loto, Tesalonaika tane Kitisene tupamane mana epene utupane wato minu ateyai lo Gotena sosa tupana wandakali ateyai tupa lamai-yamane.

2 Timoti 1:3

Gotena wenonga koo tene mindi nambana yumbane tupanga yaa napene atoto, utupane-mane balana piape pimawua ateainipia. Wuane pua teke, Gotena wenonga koo tene mindi nambanga yaa napeya-kola, nambatopi balana piape pimawua atalawane. Utulu otongapi, nambato nimba nembo tolo-peke loto, pote loto, Gote ando wayu pele lalawane.