Pilimone 1:2 - Ipili Nutestamene

² Wamba nalipato Gotena piape oko pua atepa-kola, wandakali waka minditupa-mane nalipa yanda pingeai-kola, Akipasa balato nanima moyoto, Gotena piape pua ateane. Balapi, nanimana Kitisene imalini Apiapi, nimbana andaka amunguli piyaini Kitisene wandakali tupapi, utupane pitaka-mane pepa oko andape-pene teke.

Pilimone 1:2 Iomraidhean Croise

Lomo 16:1

Wanda Pipi balato Senekotiya tano okona sosa oko moyoyale, piape pimawuato, nanimana imalini gulo pituto, wandakali kambua moyalu, nambapi moyalu teke peane-ko. Bala yakama atolainga epola-angi, Kitisene wandakali yakamato Gotena mana epene tupa wato minuto, bala Akali Andane okona yame peteya nembo talapape. Wuane nembo toto, bala wayu epeleya lo lamia-lapale loto, nambato bala wanda epene mindi lo yakama langeyo. Kenda-pene mindi balanga yando, yakamato bala moyalapale lo nambato pii utupane yakama langeyo.

Lomo 16:5

Dee, okone-lapona andaka lotu loyale amunguli piyaini wandakali tupa ando nambato kuai lo atalapape lapia lo yakamato utupane lamai-giyapape. Akali Epainitusa balato Esia potopinjia tane waka tupa pitaka sia minuto, wamba ini bulupane Kataisa lo bilipi leane. Bala nambana yamapane yene akali ateya. Nambato bala kuai lo atape lapia lo yakamato bala lamai-giyapape.

1 Kotini 16:19

Esia potopinjia okona sosa waka-waka ateyai tupa pitaka-mane yakama kuai lo atalapape leyai. Akuwilapi, Pitisilapi, okone-lapona andaka amunguli piyaini Kitisene wandakali tupapi, utupane Akali Andane okona yame atoto, yakama towa epele wato, yakama kuai lo atalapape leyai.

Pilipai 2:25

Matili nambato wuane pukale tekeko, andipa nambato akali Ipapo-taitasa bala yakama ateyainga peke leakale lokale. Wamba Ipapo-taitasato namba moyakale loto, yakamato bala namba atewanga epeakale leai-kola, bala nambana amene gulo atoto, namba towa potomane lo atepa. Potomane lo atoto, nalipato Jisasa towa yanda-pene wandakali tupa towa yanda pimawua atepa.

Kolosi 4:15

Yakamato Leyotosia tane Kitisene wandakali ateyai tupapi, wanda Nipapi, wandakali balana andaka amunguli pua lotu lalaini tupapi, utupane pitaka ando Poloto yakama kuai lo atalapape leya lo lamai-yapape.

Kolosi 4:17

Dee, yakamato akali Akipasa lamawuato, piape mindi Akali Andane okomane nimba gea tupa pitaka nimbato pikoyo pukale nembo toto, kuai lo pua atape leya lo lamai-yapape.