Pilimone 1:11 - Ipili Nutestamene

^11-14 Wamba nambato Gotena pii layene epene oko wandakali tupa lamawua atewa-kola, akali minditupa-mane namba andi leai. Andi leai-kola, nambato Onesimasa bala nimbana panda moto, namba moyo ateakale nayuto, namba tepa nayakale nemboto atawua. Wuane tekeko, nambato nimba langeyo nayu loto, Onesimasa namba towa atu ateakale lo nimbato ando kondape lauwa-kola, nimbato katu lapi-yale, okone kuai nalapia-yale. Jia. Nimba tane-mane Onesimasa bala namba towa ateakale lo ando konda wakale lapi-yale, okone kuai lapia-yale tekeko, nimbato bala namba towa atalapa nalapi. Tene okonena, nambato nambana yamapane yalawane Onesimasa bala namba towa ataipa oko kondalu, nimba atelenga peke leakale leyo. Wamba balato nimba moya napeane tekeko, andipa balato katulo nimbapi, nambapi, nalipa lapotaka moyolo-peya.

Pilimone 1:11 Iomraidhean Croise

Matiyu 25:30

Maiyu, yakamato piape akali koo oko bala yuu koo undupi-lene okona awua aindaka lalapa. Bala yuu koo okonena atoto, yamataka lo nene geleto laka pua atolopeya. Akali andane okonemane wuane leane lo Jisasato lea.

Luku 15:32

Nimbana amene oko bala omala taka alu peane tekeko, andipa bala saka atolo-peke leya-kola, nanimato bala andeyama. Wuaneko, nanima epelewa, tomo no pitipe-pene leane lo Jisasato pii kokoli okone leaipia.

Luku 17:10

Wuane pua teke, Goteto yakama langula pua, yakamato balana piape tupa pitaka pulai-kola, Goteto yakama wayu peyai leakale nembo na-talapape. Jia. Yakamato piape pipe-pene yapia tupa angu nanimato pima oko lalapape. Jisasato wuane leaipia.

Lomo 3:12

Wandakali pitaka-mane asini epene tika-pene oko auwa tepa wato, puu yangi leai. Wandakali mindiki mindimane dini epene lia na-piyaini. Wandakali mindikipi mindimane mana epene tupa wato mina na-piyaini. Jia wete.

1 Pita 2:10

Wamba Goteto yakama ondowa moya napea-kola, yakama Gotena wandakali yame ata napeaini tekeko, andipa Goteto yakama ondowa moyo ateya-kola, yakama Gotena wandakali yame ateyai.