Matiyu 9:1 - Ipili Nutestamene

¹ Wandakali tupamane Jisasa nimba puu leai-kola, bala sipi mindina peakaiyu lo pitiyu, ipa angini okona amo maita bala atalane Kapaneame tano okona peke leaipia.

Matiyu 9:1 Iomraidhean Croise

Matiyu 7:6

Yakamato mamaku epene wete tupa yia kapua tupa ateyainga peyamo leaindo, utupane-mane minditaka epene wete utupane mee kee-mane ango mangua alu, mopeke loto, yakama nolopeyai-ko. Yakamato wuane na-piyapape. Dee, yakamato Gotena minditaka epene wete tupa piango anatope gulene wandakali tupa mai na-piyapape.

Matiyu 8:18

Wandakali kambua-mane Jisasa bala ato mapu peainga andoto, balato balana disaipolo tupa lamawuato, nanima ipa angini okona amo yangi maa leaipia.

Matiyu 8:23

Wuane lalu, Jisasa bala sipi mindina peakaiyu lea-kola, balana disaipolo tupa bala towa atu peainipia.

Maki 5:21

Jisasa bala sipi mindina pitiyu, lapone ipa angini okona amo-yangi poto, matenenga atea-kola, wandakali kambua wete epo amunguli peainipia.

Luku 8:37

Wuane leai-kola, Getasa tane wandakali tupa pitaka-mane yuku-mane omoto, Jisasa nimba nanima tepa alu, puu leainipia. Wuane leai-kola, Jisasa bala sipi okona peakaiyu lo pitiyu, poyale pea-kola, akali wamba sipitisa koo atene ateane okomane Jisasa tee loto, namba towa baape leaipia. Baape lea-kola, Jisasato bala lamawuato, nimba peke loto, Goteto nimba moyo mangene piya tupa lo tawe yaape leaipia. Wuane lalu, Jisasa bala sipi okona pitiyu pea-kola, akali okone bala tano okona peke loto, Jisasato bala moyo mangene peane tupa wandakali tupa pitaka lamai yiake leaipia.

Luku 8:40

Jisasa bala Galili ipa angini okona amo yangi ato epolopeya nembo toto, wandakali kambua-mane bala maliyo ateai-kola, bala peke lea-angi, wandakali utupane pitaka-mane bala wayu epeleya leainipia.

Lapana Yane 22:11

Pii utupane panakame eya-kola teke, wandakali mindimane tuu pua atoto, mana koo kalato atene tupa wato minu ateando, balato wuane pua ateakale lo ando kondape-pene. Dee, wandakali mindi bala Gotena yame atoto, balana mana epene tika-pene tupa wato minu ateando, balato wuane pua ateakale lo ando kondape-pene. Enjole okonemane wuane lea.