Matiyu 8:23 - Ipili Nutestamene

²³ Wuane lalu, Jisasa bala sipi mindina peakaiyu lea-kola, balana disaipolo tupa bala towa atu peainipia.

Matiyu 8:23 Iomraidhean Croise

Matiyu 8:24

Ipa angini okona tombenenga peai-kola, popo andane wete mindi lo awua epeane okomane ipa andane wete mindi taimane ika leaipia. Ipa ika leane okonemane sipi oko ango mangua yane tekeko, Jisasa bala sipi okonena limu paleaipia.

Matiyu 9:1

Wandakali tupamane Jisasa nimba puu leai-kola, bala sipi mindina peakaiyu lo pitiyu, ipa angini okona amo maita bala atalane Kapaneame tano okona peke leaipia.

Maki 4:35

Ole okone angi teke, nai andaka pea-kola, Jisasato balana disaipolo tupa lamawuato, nanima ipa angini okona amo yangi maa leaipia.

Luku 7:22

Wuane piyu, Jisasato Jonena disaipolo okonelapo lamawuato, nambato piape pua ateyo-kola, wandakali lee koo tupamane kuai lo andeyai. Wandakali kee koo tupa asini peyai. Wandakali tapa-pene tupa umbaini epene ateyai. Wandakali ale tuma tupamane pii ale eyai. Wandakali omene tupa ika loto, saka ateyai. Wandakali koo tipia tupamane Gotena pii layene oko ale eyai. Wandakali mindimane nembo lapo pali napene, namba Mesaya oko ateya lo bilipi leaindo, matili bala epele wetete olopeya. Nambato Gotena piape peyo-kola, liyambato lee-mane andeyapi. Nambato Gotena pii leyo-kola, liyambato ale-mane ale eyapi. Liyamba Jone ateyanga peke loto, lee-mane andeyapi tupapi, ale-mane ale eyapi tupapi, utupane pitaka Jone lamai-yapape. Jisasato wuane leaipia.