Matiyu 8:14 - Ipili Nutestamene

¹⁴ Jisasa bala Pita andaka kolandaka loto andea-kola, Pitana wanda imane oko siki omoto, umbaini toto andane pea-kola, tokonga palu yanga andeaipia.

Matiyu 8:14 Iomraidhean Croise

Matiyu 17:25

Wuane leai-kola, Pitato utupane lamawuato, uli, balato takisa muni okone peyalane leaipia. Wuane lalu, Pita bala anda Jisasa ateane okona kolandaka loto, pii mindi lata naya-kola teke, Jisasato pii mindi Pita tipa puato, Saimone, nimbato aki nembo telepe lea. Yuu okona kiŋi tupamane apinga takisa muni mialainipe. Utupane-mane yakamana iwanane tupa lamawuato, takisa muni giyapa lalainipe. Pee, utupane-mane wandakali yame waka tupa lamawuato, takisa muni giyapa lalainipe lea.

Matiyu 8:15

Andoto, Jisasato wanda okonena kininga minea-kola, balana umbaini toto andane peane okone atu yaepia. Atu ya-kola, wanda okone ika loto, Jisasana tomo yanga mayaepia.

Matiyu 8:20

Bakale lea-kola, Jisasato bala lamawuato, peango anatope tupana pangulane yuli tomba-yene yalane. Dee, eka tupana paliyaini anda atalane tekeko, Akalina Iwanane oko oto mo kawane yata olane kawa kanda mindi nayalane leaipia.

1 Timoti 3:2

Tene okonena, akali mindimane bisopo piape oko pukale nembo teando, balanga koo tene mindi nayakale lo atape-pene. Balato yataka ini naene, bia ipa tai kambua noto, kee naene, peya-peya napene, wandakali yangone tupa towa tambo lo atape-pene. Balato bia ipa tai neando, aŋako nape-pene. Ole dindi lo balato kuai lo nembo toto, tika pua atape-pene. Balato muni kambua miauwa lakae lo nembo natape-pene. Bala mana kuai lo lamaiyane akali mindi atape-pene. Bala wanda mindiki petene-mane atape-pene.

1 Timoti 4:3

Owato pii lalaini akali utupane-mane pii lolai oko loto, akali yame yakamato wanda kee nalene kondalu, wanda yame yakama akali puu napene kondalu, piyapape lolopeyai. Gote lo bilipi lene wandakali nanimato Gotena pii enene oko kuai lo nembo teyama. Pii okonemane loto, wamba Goteto minditaka eya tupa pitaka yakale lea-angi, balato utupane pitaka epene teke-teke eya leaipia. Nanimato Gotena pii okone nembo toto, bala ando pote loloma-kola, tunduma-pene yame tupa pitaka epene wete yolopeya. Goteto minditaka yakale leane utupane pitaka epene teke-teke yakale lea-kola, nanimato utupanena mindi koo ya loto, mo apia napipe-pene. Goteto minditaka yakale leane mindi moloma-angi, nanimato bala ando wayu pele lalu, miape-pene. Gotena pii okonemane nanima languato, yakamato bala ando wayu pele loto, tomo balato yakale leane tupa pitaka nalapale nembo toto, balato tomo utupane pitaka yakale leane leya. Gotena pii okonemane wuane leya tekeko, owato pii lalaini akali tupamane Gotena pii okone awua tepa alu, tomo utupanena minditupa nanene kondalapa lolopeyai.

Iputu 13:4

Goteto pamuku pima epoko piyaini wandakali tupa yapa lo tale puato, yole koo mindi malupeya. Tene okonena, akali-mane wanda kee lalu, wanda-mane akali pulu, piyaini mana okone epene tika-pene yakale loto, wetene, akalini-la, mina mindiki lo pitiyaini mana okone minu koya na-piyapape.