Matiyu 7:6 - Ipili Nutestamene

⁶ Yakamato mamaku epene wete tupa yia kapua tupa ateyainga peyamo leaindo, utupane-mane minditaka epene wete utupane mee kee-mane ango mangua alu, mopeke loto, yakama nolopeyai-ko. Yakamato wuane na-piyapape. Dee, yakamato Gotena minditaka epene wete tupa piango anatope gulene wandakali tupa mai na-piyapape.

Matiyu 7:6 Iomraidhean Croise

Matiyu 15:26

Namba moya lea-kola, Jisasato lapeke loto, nambato andopane tupana tomo tupa moto, peango tupamane neakale lo peya-amo lewando, kuai nalolo-peya lea.

Matiyu 24:10

Wuane pulai-kola, wandakali kambua-mane namba lo bilipi lalaini mana oko awua tepa alu, namba lo bilipi lene wandakali yangone tupa towa mini koo wete paluto, utupane ene pituto, utupane towa yanda-pene akali tupanga malupeyai.

Matiyu 7:5

Wandakali yangone tupamane nimbana pii okone ale wato, nimbanga koo mindi naeya nembo teakale nayuto, nimbato wuane lalene-ko. Nimba tanena lenenga ita palaŋa andane mindi eya oko nimba tane wamba ini mo apiape. Apialu, nimbana lene epene toto, nimba amene okona lee kunu yola oko katulo mo apolopele. Jisasa wuane leaipia.

Pilipai 3:2

Gotena Oli Sipitisa oko nanimanga eya-kola, nanimato Gote lo lotu loto, Jisasa Kataisana gene oko laiyu lalamane. Nanimato wuane piyamane okonena, Gotena wenonga nanima yala-pene umbaini katene gulo atalamane. Umbaini katene gulo ateyama-kola, akali mindimane nanimana yala-pene umbaini oko kateaindo, mana okone bala mee umbaini kenga yoto, nanima katulo moya napulu-peyako. Peango anatope gulene akali tupamane mana koo mindi minuto, Pilipai tane akali yakamana yala-pene umbaini oko katiyapa lalaini okomane yakamana bilipi oko minu koyolaini. Waiwa ando atalapape.

Iputu 10:29

Wandakali koo pulane okonemane yole koo okone molopeya tekeko, wandakali waka mindimane bala sia minuto, yole koo wete mindi molopeya. Wamba ini wandakali okonemane pii wenene Goteto lo yata yane okona pangosa atola-kola, Gote Iwanane okona tundupa okomane wandakali okone mo epene wete gulaya ola-kola, Oli Sipitisa okomane wandakali okone bala ondo wato, moyolo-peya. Wuane tekeko, matili wandakali okonemane Gote iwanane okona tundupa oko mee ya lo nembo toto, bala masia mawuato, Oli Sipitisa oko andayo pii koo lola-kola, wandakali okone yole koo wete mindi molopeya.

Iputu 6:6

Goteto piape tai-lene utupane pitaka piyane lo andoto teke, matili wandakali okonemane Jisasa awua tepa alu, masia mawua ateando, balato Gotena iwanane oko lamba lola-kola pulupeya. Balato Jisasa lamba loto, bala dee lapone teke ita malamanda okona peyo yuka ola-kola pulupeya. Balato wuane peando, nanimato wandakali okone bala yamapane peke leakale lo lamalu-makola, balato katulo yamapane peke nalolo-peya.

2 Pita 2:22

Pii kokoli enene mindimane wandakali utupane-mane mana mineaini okone lapana wato, yia-mane balana umbaini wasa-wasa pelene gulatane ateya-kola teke, yuu tala koo tupana yongo-yongo pangulu-peke lalane. Dee, pii kokoli enene waka mindimane loto, peango tupamane miangu tangu apoto, dee lapone nolo-peke lalaini. Koo pulu-peke lalaini wandakali tupamane wuane teke peyai-kola, piyane.

Lapana Yane 22:15

Wuane tekeko, yia peango atalaini wandakali tupapi, pamuku pima epoko piyaini wandakali tupapi, wandakali yangone peyo ome lalaini wandakali tupapi, posini piyaini wandakali tupapi, owato pii lauwa lakae lo atalaini wandakali tupapi, owato gote tupa lo lotu lalaini wandakali tupapi, wandakali okonepene tupa pitaka tano okonena katulo kolandaka nalolo-peyai. Jia. Utupane takita atoto, yamapane kendawa atolopeyai.