Matiyu 5:1 - Ipili Nutestamene

¹ Wandakali yame kambua-mane bala watama epeaini tupa andalu, Jisasa yuu wangiane mindina poto, petea-kola, utupane-mane bala peteanga epeainipia.

Matiyu 5:1 Iomraidhean Croise

Matiyu 13:2

Petea-kola, wandakali kambua wetete bala peteanga epo amunguli puato, ipa matene okonena ateai-kola, Jisasa bala sipi mindina peakaiyu lo petea.

Matiyu 15:29

Jisasa bala yuu okone tepa alu, Galili ipa angini okona mandaka ongane poto, yuu wangiane mindina puu iyu lalu, petea.

Matiyu 4:25

Mo atu yaka pea-kola, Galili tanepi, Dekapolisa tanepi, Jutusaleme tanepi, ipa Jotane amo yangi tanepi, Jutiya disitiki okona tanepi, yuu utupane pitakana tane wandakali kambua-mane bala watama peainipia.

Matiyu 5:2

Epeai-kola, balato utupane mana lamawuato, wandakali minditupa-mane Gotena wenonga tipia ateyama nembo teaindo, Goteto utupane moyo ando atolopeya leaipia. Balato utupane moyo ando atolopeya nembo toto, wandakali utupane-mane epelewa atape-pene.

Maki 3:13

Akali minditupa balana disaipolo ateakale nembo toto, Jisasa bala yuu wangiane mindina iyu poto, utupane ipulupa lea-kola, utupane-mane bala ateanga epeainipia.

Maki 3:20

Jisasa bala anda mindina pea-kola, pai pua teke, wandakali kambua epo amunguli peai-kola, balapi, balana disaipolo tupapi, utupane-mane tomo nolane oto mindi nayaepia.

Maki 4:1

Jisasa bala ipa angini okona matenenga atoto, pai pua teke pii mana lamaiya-kola, wandakali kambua moke-ene bala ateanga epo amunguli peainipia. Amunguli peai-kola, wandakali utupane pitaka ipa matene okona ateakale lalu, bala sipi mindina peakaiyu loto, peteaipia.

Luku 6:12

Ole mindina Jisasa bala yuu wangiane mindina pote lolo peaipia. Poto, utulu bala limu pali napene, pote angu lo atea-kola, waa leaipia.

Luku 6:17

Jisasa balana disaipolo tupa towa yuu wangiane okone tepa alu, puu nena loto, yuu lama tika-pene mindina ateaipia. Atea-kola, solewata matenenga Taya, Saitone-la, tano okone-lapona tanepi, Jutusaleme tanepi, Jutiya disitiki pitakana tanepi, bala towa atu atalaini wandakali kambua wete balana pii ale olo epeainipia. Wandakali siki palene tupamane Jisasa wata yai-kola, Gotena tai-lene andane balanga paleane okomane utupanena siki tupa mo atu yaka peaipia. Wamba sipitisa koo tupamane wandakali minditupa minu koyaini tekeko, wandakali utupane-mane Jisasa wata yai-kola, sipitisa koo utupane-mane wandakali utupane tepa alu peai-kola, utupane atu yainipia. Tene okonena, utupanena siki tupa atu yakale nembo toto, wandakali siki pelene tupa pitaka-mane balanga wata aka puyale epeainipia.

Luku 6:20

Wandakali kambua epo ateai-kola, Jisasato balana disaipolo tupa lamawuato, Goteto wandakali tipia yakama moyo ando ateya-ko. Yakama epelewa atape-pene leaipia.

Luku 9:28

Jisasato pii utupane lo koyo pea-kola, ole kitupasapi mindi peaipia. Pea-kola, matili balato Pita, Jemesa, Jone ima utupane atu aiyu yuu wangiane mindina pote lolo peaipia. Balato pote lo atea-kola, akali tepo utupane yakama limu palu ateainipia. Limu palu ateai-kola, Jisasana lee-ingapi tii wete pea-kola, balana tona peane tupa ake wete pea-kola, bala waka guleaipia. Waka gulea wete, Mosesa, Ilainja-la okonelapo ati kenga tii-pene oko towa atu epoto, Jisasa towa atu pii lalawa puato, matili Jisasa bala Jutusaleme poto, omalu, ika lalu, ati kenga polane okona pii lo ateainipia. Pii lalawa pua ateai-kola, Pita, Jemesa, Jone ima utupane yakama lee toto andeai-kola, Jisasana tii-pene okopi, lapo akali bala towa atu ateapele okolapopi, utupane andeaini-pia.

Jone 6:15

Wuane lalu, bala utupanena kiŋi ateakale nembo toto, utupane-mane bala minuyale epeaini tekeko, Jisasato okone andoto, utupane awua tepa alu, bala angu yuu wangiane okonena peke lea.