Matiyu 4:18 - Ipili Nutestamene

¹⁸ Saimone balana gene mindi Pita lene okola, balana amene Endutu okola, okonelapo-mane pisa moto, bisanisa piape pua atalapele-pia. Alu mindi okonelapo-mane pisa mialapele umbene nuu andane wete mindi ipa angini okona aindaka lo ateapi-kola, Jisasa bala ipa angini Galili okona ayatenenga epo poto, okonelapo andeaipia.

Matiyu 4:18 Iomraidhean Croise

Matiyu 15:29

Jisasa bala yuu okone tepa alu, Galili ipa angini okona mandaka ongane poto, yuu wangiane mindina puu iyu lalu, petea.

Matiyu 16:18

Andipa nambato pii mindi nimba langeyo. Akali mindimane anda mindi ana tokonga peando, anda okone tai atolopeya. Wuane pua teke, nambana yame tupa tai ateakale, nimbato ando atola loto, nambato nimbana gene mindi Pita geyo. Nambana yame utupane tai gulolai-kola, wandakali omalaini mana okona tai-lene okomane katulo nambana yame oko minu koya wete napulu-peya.

Matiyu 4:19

Andoto, balato okonelapo lamawuato, liyambato wandakali mialapale lo nambato mana langukalenga, namba watama ipulupa leaipia.

Maki 7:31

Okone angi, Jisasa bala Taya yuu oko tepa alu, Saitone tano okona puapo wato, Dekapolisa disitiki okona tombenenga poto, Galili ipa angini okona peakaiyu leaipia.

Jone 21:1

Matili Saimone Pitapi, Tomasa gene mindi Ditimasa lene okopi, Galili disitiki okona tano Kena tane Natanialepi, Sepiti iwanane lapo okolapopi, Jisasana disaipolo waka utupanena lapopi, utupane yakama ipa angini Galili gene mindi Taipi-tiasa oko mandaka gulo ateai. Ipa angini okone mandaka ya-kola, Saimone Pitato disaipolo waka tupa lamawuato, namba pisa molo peyo lea. Wuane lea-kola, utupane-mane bala lamawuato, nanimapi nimba towa atu pisa molo maa leai. Maa lalu, utupane yakama sipi mindina peakaiyu loto, pisa molo peaini tekeko, utulu okonena, utupane-mane pisa mindikipi mindi mia napeai. Yuu waa lea-kola, balana disaipolo utupane-mane bala dee lapone andeakale nembo toto, Jisasa bala ipa angini okonena matenenga epo ateane tekeko, balana disaipolo tupamane akali ipa matenenga ateya oko bala Jisasa ateya nembo nateai.

Jone 6:1

Wamba Jisasato metekolo piape tupa piki puato, wandakali siki pelene tupa mo atu yaka pua atea-kola, wandakali wete kambua-mane andeai. Andalu, matili Jisasa bala Galili ipa angini gene mindi Taipi-tiasa lene okona amo yangi pea-angi, wandakali kambua wetete bala watama epeai.

Jone 6:8

Wuane lea-kola, Jisasana disaipolo Saimone Pita amene Endutu balato Jisasa lamawuato, wua leaipia: