Matiyu 27:6 - Ipili Nutestamene

⁶ Jutasa omea-kola, pitisa akali kawane tupamane muni silipa-mane waa-pene utupane moto, akali mindi peyo ome lamakale loto, nanimato muni utupa bala maima-ko leainipia. Nanimana loo okomane loto, muni okopene tupa lotu anda andane okona muni waka tupa towa mina mindiki lolaini leya leainipia.

Matiyu 27:6 Iomraidhean Croise

Matiyu 27:5

Wuane leai-kola, Jutasato muni silipa-mane waa-pene tupa lotu anda andane okona anda-pangosa peya andaka lalu, akali utupane tepa alu poto, bala tane nongo nalu, omeaipia.

Matiyu 27:7

Wuane lalu, akali utupane-mane wandakali opene omolai tupa mali pulane yuu mindi yakale nembo toto, pii mindi lo puta puato, sisopene yuu-mane waa piyane akali mindina yuu mindi muni utupane-mane kambeainipia.

Maki 7:11

Goteto wuane leane tekeko, yakamato wuane na-lalaini. Jia. Yakamato loto, wandakali mindimane balana angini yandopi, ayiane yandopi, okone-lapona mindi moyo maulane minditaka yatawa ateya-kola teke, balato okonelapo lamawuato, nambato liyamba moyo minditaka gipe-pene tupa Gote mauwakale lo mandeke pua yata auwa lape-pene. Wuane leando, balato balana angini, ayiane-la, okonelapo mee aŋakopi mindi moya napeakale lalaini.

Jone 18:28

Wamba upa pitane wete, Juta yamena akali minditupa-mane Jisasa andi lo awua poto, Kayapasana anda oko tepa alu, gapomane anda okona peainipia. Juta yamena loo mindimane loto, Juta yame akali mindimane akali yame waka mindina andaka kolandaka leando, Gotena wenonga Juta yame akali okone bala kalato atene gulo atoto, Pasopa tomo oko katulo naa napulu-peya layene yene. Tene okonena, Juta yame akali utupane-mane Pasopa tomo okone namakale nembo toto, Lomo tane gapana Pailate okona andaka kolandaka nalene, kamaka mee maliyo ateainipia.