Matiyu 23:8 - Ipili Nutestamene

⁸ Akali utupane-mane wuane piyaini tekeko, yakamana tisa mindiki angu ateya-kola, yakama pitaka amene teke-teke ateyai-ko. Wandakali-mane yakama andayo tisa leakale lo yakamato ando konda na-piyapape. Jia.

Matiyu 23:8 Iomraidhean Croise

Matiyu 17:5

Pitato pii okone lo atea-kola, mole tii-pene wete mindi epoto, akali utupane yame peyo, ombo yaepia. Ombo ya-kola, mole okonena tombenesa ato pii leane mindimane loto, akali oo ateya oko bala nambana iwanane yamapane yene oko ateya leaipia. Nambato balana mana tupa andoto, epele wete alawane. Yakamato balana pii oko ale amai-yapape leaipia.

Matiyu 23:10

Dee, Kataisa bala yakamana akali andane mindiki angu ateya-ko. Wandakali-mane yakama ando akali andane leakale lo yakamato ando konda na-piyapape. Jia.

Matiyu 23:7

Wandakali waka tupamane utupane andoto, akali andane, nimba ani pelepe lapiai lakae lo nembo toto, akali utupane-mane wandakali kambua amunguli piyaini ama tupana palaini. Dee, akali utupane yakama gene yene ataima lakae lo nembo toto, wandakali-mane yakama andayo tisa lapiai lakae lo nembo talaini teke.

Matiyu 26:25

Wuane lea-kola, bala ene peteane akali Jutasato bala lamawuato, tisa, nimbato namba andayo nalolo-pele yalua lea. Wuane lea-kola, Jisasato balana pii okone yano peyoto, nambato nimba andayo leyo lea.

Matiyu 26:49

Wuane lalu, Jutasa bala Jisasa ateanga wamba kapoyale epoto, tisa, utulu wete lalu, bala nunu lea.

Maki 10:51

Epea-kola, Jisasato bala tipa puato, nambato nimba moyo, anu pipi lakae lo nembo telepe leaipia. Wuane lea-kola, akali lee koo okomane bala lamawuato, tisa, nimbato nambana lene tee laya api lakae lo nembo teyo leaipia.

Maki 11:21

Tuni Jisasato ita okone koyakale lapia oko nembo tolo-peke loto, Pitato bala lamawuato, tisa, tuni nimbato ita piki oko dini lia napeakale lapi-ko. Andipa kuu loto, kapu teya oko anda leaipia.

Maki 14:45

Jutasato Jisasa ateanga epoto, bala ando, tisa loto, bala nunu leaipia.

Maki 9:5

Wuane pea-kola, balana disaipolo tepo tupamane yuku-mane omeainipia. Yuku-mane omoto, aki loape tatake wato, Pitato Jisasa lamawuato, tisa, nanimato yuu okona ateyama-kola, kuai leya-ko. Nanima tepo akali tupamane anda aiyakame tepo pimakale. Mindi nimbana, mindi Mosesana, mindi Ilainjana, pingimakale leaipia.

Luku 22:32

Sataneto wuane nembo teya tekeko, nimbana bilipi oko wetete koyolane loto, nambato Gote lo pote lauwa-ko. Matili nimba yamapane peke lole-angi, nimbana amene tupa minu tai laya ape leaipia.

Jone 1:38

Watama peapi-kola, Jisasato anda-peke loto, okonelapo bala watama epeapinga andoto, liyambato aki mindi aiya pima epeyapipe lea. Wuane lea-kola, okonelapo-mane bala tipa puato, Lapai, nimba aninga pangilinipe leapi. Iputu pii loto, gene Lapai okone mopeke loto, tisa lalaini.

Jone 1:49

Wuane lea-kola, Natanialeto balana pii okone yano peyoto, tisa, nimba Gotena iwanane atoto, Isatale tanena kiŋi oko atele lea.

Jone 11:8

Wuane lea-kola, balana disaipolo tupamane bala lamawuato, tisa, Juta yame akali tupamane nimba ana-mane peyo ome loyale pipiai-ko. Nimbato yuu okonena dee lapone polape leai.

Jone 20:16

Wuane lea-kola, Jisasato Matiya leaipia. Balato wuane leane-angi, Matiya mopeke loto, Iputu pii loto, Laponai leaipia. Pii Laponai okone mopeke loto, nanimana pii loto, tisa lalamane.

Jone 3:2

Utulu akali okone bala Jisasa peteanga epoto, tisa, Gote bala wandakali mindi towa ata napeando, wandakali okonemane metekolo piape nimbato pilini okonepene tupa katulo napulu-peya. Tene okonena, nanimato andeyama-kola, Goteto nimba tisa piape pulu puu leane ya lo nembo teyama leaipia.

Jone 3:26

Wuane lalu, utupane-mane Jone ateanga poto, bala lamawuato, tisa, wamba akali mindi nimba towa atu ipa Jotane amo yangi ateapi-angi, nimbato bala ati kenga atala yuunga epeane lee okoni. Andipa balato wandakali ipa peya-mawua ateya-kola, wandakali tupa pitaka nimba tepa alu, bala ateyanga peyai okonde leainipia.

Jone 4:31

Wandakali utupane Jisasa ateanga epo ata nayai-kola, balana disaipolo tupamane bala lamawuato, tisa, nimba tomo naa-kae laka peai.

Jone 6:25

Wandakali utupane yakama sipi utupanena pitiyu, ipa angini okonena amo yangi poto, Jisasa aiya pua andoto, tisa, andoko angi nimba wali ipupipe lo bala tipa peai.

Jone 9:2

Atea-kola, utupane-mane bala tipa puato, tisa, apito wamba koo pea-kola, angini-mane akali oko lene koo mandeape leai. Balana angini, ayiane-la, okonelapo-mane wamba koo peapelepe. Pee, bala tane-mane wamba koo peape leai.

Pilimone 1:16

Andipa balato Akali Andane oko lo bilipi leya okonena, bala nimbana piape akali angu ata napeya. Jia. Bala nalipana Kitisene amene gulo ateya. Nambato bala towa wayumane epelewa yamapane yo atalawane tekeko, balato nimbana piape pulu-peke leakale lo nimbato bala lamolo-peke leendo, nimbato bala towa wayumane wete epelewa yamapane yo atolopele.

Jemesa 3:1

Nambana amene imalini yame, wandakali mindimane pii koo mindi nalene, balana ekene ambulini oko kuai lo ando ateando, wandakali okone bala epene tika-pene wete mindi atolopeyai. Balato balana umbaininga ateya tupa pitaka katulo kuai lo ando atolopeya tekeko, yuu okona wandakali nanima pitaka-mane mana koo kambua minalamane. Nanimato mana koo minalamane okonena, Goteto yuunga wandakali pitaka kote lo tale pulupeya tekeko, balato nanima tisa tupa kote keato wete mindimane yapa lo tale pulupeya-ko. Akali kambua yakamato wandakali mana lamai-yaini akali atamakale nembo na-talapape. Jia.

1 Pita 5:3

Sosa okona piape akali yakama akali andane gene yene ateyama nembo toto, Gotena wandakali yakamato wua piyapape lo pii taimane na-lalapape. Jia. Gotena sipisipi tupamane balana asini epene okona peakale lo yakamato andawa lalapape.

Lapana Yane 1:9

Namba yakamana Kitisene amene Jone. Yakamapi, nambapi, nanima Jisasa towa yame mindiki ateyama-kola, Goteto nanima moyo ando atalane. Tene okonena, wandakali minditupa-mane kenda-pene kambua nanima geyai-kola, nanimato kenda-pene tupa auwa atalamane tekeko, nanimato Jisasa nembo toto, kepa naene, piape taimane pua atalamane. Jisasato wua peane loto, wamba nambato Gotena pii layene oko wandakali tupa lamauwa atewa okonena, gapomane okomane namba andi leane. Andi lea-kola, yanda yene tupamane namba andi lo auwa epoto, ipa solewata andane oko tombenga yuu aŋako Patamosa lene mindi yene okona katapusa pua aindaka leaini.

Lapana Yane 19:10

Wuane lea-kola, nambato bala lo lotu loyale, balana kene yane ongane aiki leka wato, tombawua lewa tekeko, balato namba languato, wamba Oli Sipitisa okomane potopesa akali tupa lamawuato, Jisasato wua pulupeya lo yakamato wandakali tupa lamai-yapape leane lea. Oli Sipitisa okomane wuane lea-kola, potopesa akali utupane-mane wuane leai. Andipa Oli Sipitisa okomane nimbapi, nimba towa piape mindiki piyaini amene tupapi, yakama languato, wamba Jisasato wua peane lo wandakali tupa lamauwa atalapape leya-kola, yakamato wuane lalaini leya. Namba yakama towa atu Gotena piape akali atoto, nanimato piape mindiki okone teke piyamane. Tene okonena, nimbato namba lo lotu nalene kondalu, Gote lo angu lotu lape. Enjole okonemane wuane lea.

Lapana Yane 22:9

Nambato wuane pewane tekeko, enjole okonemane namba languato, buku okona pii pepa pelene eya tupa nembo tatawa ateyai wandakali tupapi, nimbana potopesa akali yangone tupapi, nimbapi, yakama pitaka towa atu namba Gotena piape akali atoto, piape mindiki okone teke piyamane. Tene okonena, nimbato namba lo lotu laa napene kondalu, Gote lo angu lotu lape lea.