Matiyu 21:1 - Ipili Nutestamene

^1-5 Wamba potopesa akali mindimane pii mindi loto, yakamato Sayone tano okona tane tupa lamawuato, yakamana kiŋi oko bala akali gene nayene gulo atoto, bala yia dongi mindina masianenga pitiyu epeya. Bala dongi talua okona masianenga pitiyu epeya oko andalapa lo lamai-yapape leaipia. Potopesa akali okonemane pii leane okone enene guleakale nembo toto, Jisasa balana disaipolo tupa towa Jutusaleme poyale Olipi wangiane okona puu iyu loto, Betepasi tano okona peakaiyu leai-angi, balato balana disaipolo lapo akali lamawuato, liyamba tano aŋako amo eya okona pulupa lea. Poto andolapi-kola, dongi mindi balana andopane oko towa atu andi latane atolapinga liyambato wamba kapoyale andolo-peyapi. Liyambato dongi okone-lapona ende tita lolapi-angi, akali mindimane liyamba tipa puato, anu peakale liyambato wuane peyapipe leando, liyambato bala lamawuato, Akali Andane okomane dongi mindina pituto, mangene mindi pukale nembo teya lalapape. Wuane lolapi-kola, akali okonemane dongi okonelapo wamba ini atu pulupa lolopeya. Wuane lola-kola, liyambato okonelapo atu namba ateyonga ipulupape. Jisasato wuane lea.

Matiyu 21:1 Iomraidhean Croise

Matiyu 20:34

Wuane leapi-kola, Jisasato akali okonelapo ondo wato, balana kini okomane liyambana lenenga yata ya-kola, wamba kapoyale okone angi teke, liyamba lene toto, Jisasa watama peapi.

Matiyu 24:3

Matili, Jisasa bala angu Olipi wangiane okona petea-kola, balana disaipolo tupa yakama angu bala peteanga epeai. Epoto, utupane-mane bala tipa puato, andoko angi akali minditupa-mane lotu anda andane oko minu koyolo-peyaipe leai. Mangene anu-pene mindi wamba ini bulupane pula-kola, nanimato andoto, nimba dee lapone epoyale pele lo andolo-peyamape. Dee, mangene anu-pene tupa pula-kola, nanimato andoto, andipa yuu oko koyo puyale peya lo andolo-peyamape. Nimbato nanima langi leai.

Matiyu 26:30

Wuane lalu, Jisasato utupane towa soŋo mindi lalu, Jutusaleme tepa alu, Olipi wangiane okona peai.

Maki 13:3

Matili Jisasa bala lotu anda andane oko tepa alu, Olipi wangiane okona iyu poto petea-kola, Pita, Jemesa, Jone, Endutu ima utupane angu bala peteanga peainipia. Poto, utupane-mane bala tipa puato, andoko angi akali minditupa-mane lotu anda andane oko minu koyolai-kola, mangene waka minditupa pulu-peyaipe leainipia. Nanimato mangene anu-pene mindi wamba ini bulupane andoto, andipa mangene waka tupa pitaka puyale peya lo andolo-peyamape. Nimbato nanima langi leainipia.

Maki 14:26

Wuane lalu, balato utupane towa soŋo mindi lalu, Jutusaleme tepa alu, Olipi wangiane okona peainipia.

Luku 21:37

Utulu dindi lo Jisasa bala Jutusaleme tepa alu, Olipi wangiane okona poto, paliki peaipia. Paliyu, ole dindi lo bala Jutusaleme peke loto, lotu anda andane okona atoto, pii mana lamawua atea-kola, wandakali pitaka-mane balana pii ale oyale, lotu anda okonena ipuku peainipia.

Luku 22:39

Wuane lalu, Jisasa bala Jutusaleme tepa alu, Olipi wangiane okona ole dindi palane pua teke pea-kola, balana disaipolo tupa atu peainipia.

Jone 8:1

[Jisasa bala Olipi wangiane okona pea.

Aposolo 1:12

Okone angi, aposolo akali tupa Olipi wangiane oko tepa alu, Jutusaleme peke leainipia. Olipi wangiane okone Jutusaleme mandaka gulo eya-kola, wandakali-mane kilomita mindiki palainipia.