Matiyu 2:23 - Ipili Nutestamene

²³ Poto, utupane Nasatesa tano okona ateainipia. Wamba potopesa akali tupamane pii mindi loto, wandakali tupamane Mesaya oko bala Nasatesa tane mindi ateya lolopeyai leainipia. Jisasa bala Nasatesa tano okona poto atea-kola, potopesa akali utupanena pii okone enene guleaipia.

Matiyu 2:23 Iomraidhean Croise

Matiyu 1:22

Wamba potopesa akali mindimane Akali Andane okona pii mindi leane oko loto, ale alapape, wana mapokae akali mindi towa mina mindiki nalene mindina ininga andopane mindi pitulu-peya leaipia. Wana okonemane iwana mindi mandula-kola, wandakali-mane balana gene oko Emanuale lolopeyai. Gene Emanuale okonena tene oko Gote nanima towa atu ateyama leaipia. Potopesa akali okonemane pii leane okone enene guleakale loto, Goteto mangene utupane pitaka wuane piya yaepia.

Matiyu 21:11

Tipa peai-kola, Jisasa towa atu epeaini wandakali tupamane utupane lamawuato, akali oko bala Galili disitiki tano Nasatesa tane potopesa akali Jisasa oko ateya leai.

Matiyu 26:71

Wuane lalu, bala ende pitane asia lomba okona mandaka poto atea-kola, piape wanda waka mindimane bala andoto, wandakali ongane ateaini tupa lamawuato, akali oko bala Nasatesa tano okona tane Jisasa oko towa atu atapia leaipia.

Maki 1:24

Pii okone loto, balato Nasatesa tane Jisasa, nambato nimba andeyawane leaipia. Nimba Gotena akali epene tika-pene wetete atele. Nimbato nanimanga anu pulu epelepe. Nimbato nanima minu koyolo epelepe leaipia.

Maki 1:9

Alu mindi Jisasa bala Galili disitiki tano Nasatesa oko tepa alu epea-kola, Joneto ipa Jotane okona atoto, bala ipa peya-maiyaepia.

Luku 1:26

Wana mapokae Matiya lene mindi bala Galili disitiki okona tano aŋako Nasatesa lene okona peteaipia. Bala akali Josepena bakale lene peteaipia. Josepe bala kiŋi Dapiti yame mindi ateaipia. Elisambesa bala andopane tongotaka ana wataka petea-kola, Goteto enjole Gapatele andayo, nimbato pii mindi Matiya lamalu puu leaipia.

Luku 18:37

Wuane lea-kola, wandakali mindimane bala lamawuato, Nasatesa tane Jisasa bala epo peya-kola, wandakali kambua bala towa atu epo peyai leaipia.

Luku 2:39

Matiya, Josepe-lamane Gotena loo okomane piyapape layene tupa pitaka pikoyo piyu, Galili disitiki okona poto, liyambana Nasatesa tano okona peke loto peteapele-pia.

Jone 18:7

Utupane-mane wuane peai-angi, Jisasato utupane dee lapone teke tipa puato, yakama api ayia peyaipe lea-kola, utupane-mane balana pii okone yano peyoto, nanimato Nasatesa tane Jisasa oko ayia peyama leai.

Jone 19:19

Wamba Pailateto Jisasana kote ale wato, bala yapa lo tale peane-angi, balato pii mindi pepa peyoto, Nasatesa tane Jisasa oko bala Juta yamena kiŋi oko ateya lea. Balato pii okone Iputu pii lo peyalu, Lomo tane tupana pii lo peyalu, Gitiki pii lo peyalu, pii tepo utupane pepa pelea. Ami yanda yene tupamane Jisasa ita malamanda okona peyo yuka yai-angi, utupane-mane pepa okone Jisasana ita malamanda okona ate leai. Jisasa bala ita malamanda okona peyo yuka atane ateane yuu okone Jutusaleme mandaka gulo ya-kola, Juta yame wandakali kambua-mane epoto, pepa okone dii lo andeai.

Aposolo 2:22

Isatale tane wandakali yakamato nambana pii oko ale alapape. Goteto Nasatesa tane Jisasa oko epeakale leane ya lo yakamato andalapale nembo toto, Jisasana kini okomane metekolo piape mindi-pene tupapi, kokoli mindi-pene tupapi, utupane peaipia. Jisasa bala yakama tombenenga atoto, piape utupane pea-kola, yakamato andeai okoni.

Aposolo 24:5

Nanimato akali oko andaima-kola, balato kenda-pene kambua mina ika lalane akali mindi pia. Nasatesa tane Jisasa oko lo bilipi lene yame ateyai okona akali kawane atoto, balato yuu yoo peya tupa pitakana Juta yame wandakali atalaini tupa pitaka mo yataka aya wato, yanda kambua mina ika lo atalane.